San Mateo 6:1 - Nuevo Testamento Uwotjüja

¹ Ttü̧ja̧ ttä'kattü, juätü tottatü pä'ütä adiumä̧ jȩ'kuä̧tu̧ku̧ juiyü'anü̧ ja̧'a̧, ja̧'wa̧nü̧ jȩ'kuä̧tu̧ku̧ttü̧mä̧ Kuä'otuku mo̧ro̧jä̧ra̧'a̧ kkü̧mä̧ ji̧yȩtȩ premio'i̧nä̧ i̧yo̧ko̧u̧ kuäkuotüjä̧.

TÄ̧DO Ä̧CUÄ̧ I̧HUȨNȨ

¹ Jesús pa̧'a̧nö̧ huo̧juȩti̧nö̧do: —Ja̧'a̧tä̧mä̧ “Diosrö esetösä” päcuhuätucuä' ttö̧ja̧ adiu ttamöcuäda pä'ö ucuturu topö. Ja̧'hua̧nö̧ jȩcu̧'ä̧tu̧cu̧ttu̧mä̧, Cuä'o mo̧ro̧jä̧ra̧'a̧ kö̧mä̧ yoröiso adihuä juäi iyocö ucuturu.

San Mateo 6:1 ပူးပေါင်းရင်းမြစ်များ

San Mateo 23:5

O'kajuiyünä̧ jȩttü̧mä̧, ttü̧ja̧ tottatü pä'ütätä jȩpä̧tü̧. Ttüokuoränämä̧ weäwä wȩnȩ jäwä wȩyu̧kuȩ'ü̧ ru̧nä̧wä̧tü̧, ttüjonä̧'i̧nä̧ ja̧'wa̧ta̧nü̧ ttü̧'ka̧tä̧wä̧ti̧yu̧'i̧nä̧ otoü 'ka̧tä̧wȩ'ä̧tü̧, juiyo Dio-rü ukuotätü pättatü pä'ü.

San Juan 12:43

Jua'amä̧ Dio ujuru jäwä ttüjü'koka'a, pi̧jä̧ ttü̧ja̧ jäwätä ttesewa'attü̧.

Hebreos 6:10

Isopäi'ünä̧ Dio-mä̧ suronä̧ jȩä̧kuä̧wä̧ i̧sa̧mä̧kü̧ ja̧'a̧ttü̧, Chutä i̧mi̧ eseu, jȩ'kuä̧'i̧jä̧tu̧ku̧mä̧ ja̧'wa̧ta̧nü̧ umüwäyotü ȩmi̧nä̧u̧rü̧ ppäkuädä'ijätuku'i̧nä̧, yabonü̧ jitä jȩ'kuä̧tu̧ku̧'i̧nä̧ yorisotä u̧ni̧chi'okü.

San Lucas 16:15

Jesú juätürü pä'inü̧: —Ukutumä̧ adiwäjuei jȩpä̧tü̧ 'kua̧rü̧nä̧, ttü̧ja̧ tottatü pä'ü i̧jȩkuä̧tü̧jä̧; ja̧'wa̧nü̧ ja̧'a̧nä̧ Dio-mä̧, kua̧mi̧so'kitukumä̧ wo̧jua̧; ja̧'wa̧nü̧ ja̧'a̧ttü̧ ttü̧ja̧ ukuo jäwä jü̧nä̧ tottümä̧, Dio-mä̧ üjü'kokü jäwä ja̧'a̧.

Gálatas 6:12

Circuncisión pättü, jȩttä̧kuä̧wa̧ pä'ü wȩ'ä̧rä̧tü̧mä̧, ttü̧ja̧ku̧ adiunä̧ ttü̧ja̧kui̧'a̧ pä'ütä jȩpä̧tü̧, Crito ü̧jo̧kä̧ jäinä̧ 'korujuoächinü̧ jäwänä̧ kuä'äu ttikua pä̧ttä̧u̧ usurä ttȩmä̧u̧ juiya pä'ü.

San Juan 5:44

¿Toku kuesetätukuäkua'ajä̧ttü̧, kua̧mü̧nä̧ pa̧ja̧tü̧ mi̧kuä̧ri̧yä̧kuä̧u̧ adiu jȩ'kuä̧tu̧ku̧ päkuäwätukua'amä̧, ya̧tȩtä̧ Dio päatukuaku pä'ü kusätukuoka'amä̧?

2 Juan 1:8

Ttu̧'ȩpä̧rü̧nü̧ kka̧kuä̧tu̧kui̧, taditäwä u̧wä̧ju̧ tote'ächü juiyäkua'anü̧, totte'ächajueimä̧ iya päinü̧mä̧ jo̧mȩnü̧tä̧ kuȩmä̧tu̧kuä̧kua̧'a̧nü̧.

San Marcos 8:15

Ja̧'wa̧nü̧ ja̧'a̧ Jesú-mä̧ ro̧ȩpi̧nä̧u̧: —To̧pä̧rä̧kuä̧u̧ tta̧'a̧rä̧kuä̧wä̧tu̧kui̧, fariseo wottü ttu̧ju̧nä̧rü̧ levadura-ttümä̧ ja̧'wa̧ta̧nü̧ Herode u̧ju̧nä̧rü̧ levadura-ttü'i̧nä̧.

San Mateo 6:16

Ukutu Dio-rü ukuoku ku̧kuȩ kua̧do̧chä̧tu̧kuo̧mȩnä̧, ä'koyättü esetätü jȩttü̧'a̧nü̧mä̧, kui'ätukunä̧ kua̧'kua̧ tta̧'ȩku̧ 'kua̧rü̧nä̧mä̧, jȩ'kuä̧tu̧kuä̧ ttü̧ja̧ tottätukuaku pä'ümä̧. Ja̧'wa̧nü̧ jȩ'kuä̧tu̧ku̧ttü̧mä̧ ukuturu pä'üsä, täkü jua̧u̧tä̧ po̧kui̧pä̧tü̧jä̧, mikuä jäkuepätukumä̧.

San Mateo 16:6

Jesú-mä̧ päinä̧u̧: —Fariseo wotürü'i̧nä̧, saduceo wotürü'i̧nä̧ jȩttü̧ levadura pä'ü mikuttü ttu̧'ȩpä̧rä̧kuäu̧nu̧ tta̧'a̧rä̧kuä̧wä̧tu̧kui̧.

San Lucas 12:15

Ja̧'wa̧ta̧nü̧ päinä̧u̧: —Tta̧'a̧rä̧kuä̧u̧ kka̧kuä̧tu̧kui̧, pi̧jä̧ttü̧ kku̧nä̧rä̧kuä̧wä̧ kkü'kekunä̧ usäwänä̧ ma̧kuä̧mä̧tu̧ku̧ juiyäkua'anü̧; isopäi'ünä̧ ttiäre rü̧ȩnä̧ ttu̧ju̧nä̧ra̧ja̧ pä'üdä̧jä̧, tta̧'kua̧rü̧mä̧ kku̧nä̧rä̧kuä̧wo̧kü̧ ja̧'a̧.

San Mateo 5:48

Ja̧'wa̧nü̧ ja̧'a̧ttü̧ Kuä'otuku mo̧ro̧jä̧nä̧ kkü̧ surojü jui̧'a̧ jü̧ta̧'a̧nü̧ ukutu'i̧nä̧ surojü juiyünä̧ jȩpä̧tu̧kui̧.

San Mateo 5:16

Ja̧'wa̧nü̧ jü̧ta̧'a̧nü̧, ukutu'i̧nä̧ kui̧tȩya̧u̧tu̧ku̧mä̧ ttü̧ja̧ ttä'ka jo̧mȩ kkä̧dȩpü̧nä̧ kka̧kuä̧tu̧kui̧, adiu jȩ'kuä̧tu̧ku̧ topü, o'katoi'ünä̧ Kuä'otuku mo̧ro̧jä̧nä̧ kkü̧rü̧ ttesewäkua'anü̧.

San Lucas 11:35

Ja̧'wa̧nü̧ ja̧'a̧ttü̧ ukunä̧ kkü̧ tȩya̧u̧mä̧, yo̧ü̧ jü̧ juiyünä̧ kkä̧wi̧.

San Lucas 12:1

Ja̧'wa̧nü̧ ja̧'a̧ jakuänä̧, ttü̧ja̧ rekuätü ka̧ka̧kui̧nä̧tü̧, rü̧ȩnä̧ ppi̧ttä̧chä̧rü̧nä̧ päi'ünä̧. Ä̧kuo̧mȩnä̧mä̧, u̧wo̧juȩtä̧u̧rü kkä̧mä̧dü̧ ji'äwinü̧: Fariseo wotü ttu̧ju̧nä̧rü̧ levadura-nä̧mä̧ ppäkuächi'ätukuä, jua̧u̧mä̧ ä'koyättü esetü jȩä̧kuä̧wä̧tä̧ ja̧'a̧ pä'ü.

San Mateo 25:40

Pättomȩnä̧ Ru̧wa̧ Rey-mä̧ ä̧dä̧tä̧kuä̧u̧: Isopäi'ünä̧ pä'üsä ukuturu o'kajuiyünä̧ pitü chi̧jä̧wa̧tü̧ttü̧ ppo̧'ä̧tü̧rü̧ ya̧tȩrü̧ ja̧ pä'ü'i̧nä̧ ppäkuädinä̧tu̧ku̧mä̧, ttürütä ppä'ädinä̧tü̧jä̧.

San Mateo 5:46

Isopäi'ünä̧ ukuturu adiu jȩpä̧tü̧rü̧tä̧ re kkä̧nü̧ kuesewätukuttümä̧, ¿Däje premio kuemä̧tu̧kuä̧kua̧'a̧jä̧ttü̧? jua̧u̧mä̧ jȩttä̧'i̧jü̧, Roma-ra̧'a̧ iyäwä pärätä ka̧ka̧tä̧tü̧'i̧nä̧.

San Mateo 23:13

¡Isottü̧ ukutuwe! weäwä wȩnȩ wo̧juȩtä̧tü̧mä̧ ja̧'wa̧ta̧nü̧ fariseo wotümä̧ ä'koyättütä esetätüjä̧, ukutumä̧ mo̧ro̧jä̧ ru̧wa̧ weünä̧ dodettü juiyünä̧ tto̧'ȩpä̧rä̧tü̧jä̧. Ukututä'i̧nä̧ dode'kuätukuoka'anä̧, kkorotürü'i̧nä̧ dottächa pä'ätürü dodettü juiyünä̧ jȩpä̧tü̧jä̧.

San Mateo 6:9

Ja̧'wa̧nü̧ ja̧'a̧ttü̧ Dio-rümä̧ pa̧'a̧nü̧ kukuokuätukuajä̧: Tä'o Dio ukú, mo̧ro̧jä̧nä̧ kkü̧, kui̧mi̧mä̧ ukuo kkü̧nä̧tä̧ juoächa pä'ätüjä̧,

Hebreos 2:1

Ja̧'wa̧nü̧ ja̧'a̧ttü̧, tä̧ju̧kuä̧'i̧jü̧mä̧ adiu ttu̧'ȩpä̧rü̧nü̧ tä̧ju̧kua̧ pä'ü rekuä rü̧ja̧'a̧. Jueü mä̧nä̧ttü̧ 'kȩtȩkuä̧chü̧ juiyäkua'anü̧.

Hebreos 11:26

Jesucrito usurä ȩmä̧wä̧kuȩ ji̧nü̧ta'anü̧, usurä ȩmä̧kuä̧wä̧mä̧, Egito ruwottü'i̧nä̧ abonä̧nü̧ rü̧ȩnä̧ mikuäu jü̧nä̧ topinü̧; jua'amä̧ Dio i̧yä̧kuȩ u̧wo̧jua̧'a̧ttü̧.

San Mateo 16:27

Isopäi'ünä̧ ttü, ubo I̧tti̧mä̧ Chä'o uruwoku'i̧nä̧, á̧gȩrȩ-ku̧'i̧nä̧ chichomȩnä̧ yotukunä̧ jȩtti̧nü̧ mikuämä̧ chi̧yä̧kua̧sä̧, adiu jȩtti̧na̧ja̧ pä'ü'i̧nä̧, suronä̧ jȩtti̧na̧ja̧ pä'ü'i̧nä̧, jü̧nä̧.

Hechos 3:12

Peduru-mä̧, ja̧'wa̧nü̧ jȩtta̧'a̧ topü ttü̧ja̧rü̧ pä'inü̧: ¿Irae ttü̧ja̧, tta̧'a̧nü̧ pä'ü, to̧o̧ to̧'kuä̧rä̧tu̧kua̧'a̧jä̧ttü̧ pi̧yȩ tü'kümä̧? ¿tta̧'a̧nü̧ pä'ü, ujuturu to̧'kuä̧rä̧tu̧kua̧'a̧jä̧ttü̧, ujutu tujurunä̧, adiu jȩpä̧tü̧ jü̧nä̧ piderü kueächünä̧ jȩtä̧ja̧'a̧ 'kua̧rü̧nä̧?