San Mateo 5:8 - Nuevo Testamento Uwotjüja

⁸ Eseäkuäwä kka̧'a̧ tta̧mi̧ iso'kinä̧ surojü jui'ätürü, jua'amä̧ Dio-rü tottäkuotümä̧ juätütä ja̧'a̧ttü̧.

TÄ̧DO Ä̧CUÄ̧ I̧HUȨNȨ

⁸ “Tta̧'cua̧nä̧ adiunä amöcuädätömä, eseunu ttö̧ja̧cuä̧cuo̧tö̧. Jahuätötä Diosrö tottäcuotö.

San Mateo 5:8 ပူးပေါင်းရင်းမြစ်များ

Hechos 15:9

ja̧'wa̧nü̧ ja̧'a̧ttü̧, Dio-mä̧ ujutu jü̧ta̧'a̧nü̧tä̧ jȩi̧nä̧u̧, tta̧'kua̧ ttu̧wȩnä̧ra̧'a̧ttü̧, tta̧mi̧ iso'ki tükü ikumä̧.

1 Corintios 13:12

Jitämä̧ tti'ä toäkuäwodänä̧ jä̧'i̧nü̧'a̧nü̧tä̧, seppanü̧ topätüjä̧ Dio-rümä̧; ja̧'wa̧nü̧ ja̧'a̧nä̧ o'kajuiyünä̧ jo̧mȩnü̧ päi'omȩnä̧ totäkuotüjä̧ Dio-rümä̧ wäjuönä̧. Jitämä̧ jü'totä wo̧jua̧sä̧, ja̧'wa̧nü̧ ja̧'a̧nä̧ jo̧mȩnü̧ päi'omȩnä̧ Churutä chu̧wo̧juä̧kua̧sä̧, pärokua'aku ttürü u̧wo̧juö̧ta̧'a̧nü̧.

2 Corintios 7:1

Isopäi'ünä̧ chawaruwä chi̧jä̧wa̧tü̧ ja̧'wa̧nü̧ jua̧u̧ i̧yä̧kuȩ ukuokuina̧'a̧ttü̧, Dio ȩma̧tü̧ pä'ümä̧ surojümä̧ jȩtü̧ juiyü'anü̧ ja̧'a̧, surojüttü i̧mi̧ku̧nä̧ tü̧ja̧ pä'ü. Dio-rümä̧ eseu tukuotätukua, ye'ekunü̧ surojü juitächächünä̧; Chutä surojü jui̧'a̧ jü̧ta̧'a̧nü̧.

Tito 1:15

Isopäi'ünä̧ Jesucrito-rü ukuotätümä̧ o'kajuiyünä̧ adiwäjueitä jä̧u̧, ja̧'wa̧nü̧ ja̧'a̧nä̧ ukuotokotü tta̧'kua̧ wȩnä̧ro̧ko̧tü̧rü̧mä̧ adiwäjueimä̧ jo̧ka̧'a̧, ja̧'wa̧nü̧ ja̧'a̧ttü̧ tta̧mü̧kuädünä̧'i̧nä̧ surojütä amükuädätü.

Hebreos 10:22

Ja̧'wa̧nü̧ ji̧na̧'a̧ttü̧, tütü'küwächätukua Dio-rümä̧ tamiso'kinä̧ jueünä̧tä̧ amükuädü, jo̧mȩnü̧tä̧ tta̧'kua̧ wȩnä̧rü̧, surojü juiyünä̧ adiunä̧tä̧ amükuädünü̧ tamiso'kinä̧mä̧ ja̧'wa̧ta̧nü̧ jättäpäyotü ajiya päkuoyanä tükäu ikuipü.

Hebreos 12:14

O'katoi'ünä̧ku̧ wȩnȩ juiyünä̧ ku̧jä̧tu̧kua̧ usätukui, surojü juiyünä̧ kka̧kuä̧tu̧kui̧; jua̧u̧ juiyünä̧mä̧, Tu̧ru̧wa̧rü̧mä̧ toäkuäwoka'a jä̧kua̧'a̧.

Hebreos 9:14

Ja̧'wa̧nü̧ ji̧na̧'a̧nä̧, juȩnȩ abonä̧nü̧ ujuru kka̧'a̧ Jesucrito ukuojamä̧. Jua'amä̧ Epíritu 'kuäopünä̧ kkü̧ jäwänä̧, chutä a̧mü̧nä̧ pa̧ja̧tü̧, surojü jui̧'a̧tä̧ iyäwina̧'a̧ttü̧ Dio ä'ka jo̧mȩ; ja̧'wa̧nü̧ jȩpü̧ wa'are jäwä tamükuädinü̧mä̧ tükü ikuinü̧, Dio a̧'kua̧rü̧rü̧ ukuotü tü̧ji̧ya̧rü̧ pä'ümä̧.

Santiago 3:17

Ja̧'wa̧nü̧ ja̧'a̧nä̧ wo̧juä̧wä̧ Dio-ttü ichü kku̧nä̧rä̧tü̧mä̧, surojümä̧ jȩpo̧ko̧tü̧; ja̧'wa̧nü̧ ja̧jü̧jueimä̧ rowäwäkuäwä juiyünä̧ kkä̧kuä̧wä̧tä̧ usätü, ukuotätü, ja̧'wa̧ta̧nü̧ kkorotürümä̧ rȩrü̧jü̧nü̧ topätü, usurä ttȩmä̧u̧ jitütäku usurä ȩmä̧wä̧tü̧, ja̧'wa̧ta̧nü̧ 'kuäopünä̧tä̧ ttü̧ja̧rü̧mä̧ o'katoi'ünä̧rü̧ yoräteunä̧ adiu jȩpä̧tü̧, juätü ja̧'a̧ isopäi'ünä̧ Dio-rü esetinä̧tü̧mä̧.

Santiago 4:8

Dio-rütä tü'küpächätukui, ja̧'wa̧nü̧ jo̧mȩnä̧tä̧ chutä'i̧nä̧ ütü'küwächäkuotüjä̧. Surojü jȩpä̧tü̧mä̧, ku̧mü̧tu̧ku̧ tükäu ikuätukui; ja̧'wa̧ta̧nü̧ todärenä̧ pä̧wä̧rü̧jä̧u̧mä̧ kua̧mi̧'iso'kituku tükäu ikuätukui.

1 Pedro 1:22

Jitä ukutumä̧ isopäi'ünä̧ wȩnȩ kukuotätukuomȩttü̧, kuawaruwärü kua̧'kua̧pü̧nü̧ kuesewätukua pä'ü tükü i̧kui̧nä̧u̧jä̧. Ja̧'wa̧nü̧ jo̧mȩttü̧ ukutumä̧ kkorotüku kua̧mi̧'iso'kituku surojü juiyünä̧, kujurutuku'i̧nä̧ o'kajuiyünä̧ kuesewätuku'anü̧ ja̧'a̧.

Apocalipsis 22:4

Pä̧tȩkuä̧kuä̧wä̧nü̧ tottäkuäwäkuotü ja̧'wa̧ta̧nü̧ ti'änä̧mä̧ i̧mi̧tä̧ ttü̧tä̧rä̧kuo̧tü̧.