San Mateo 5:7 - Nuevo Testamento Uwotjüja

⁷ Eseäkuäwä kka̧'a̧ rȩrü̧jü̧ topätürü, jua'amä̧ Dio juätürü rȩrü̧jü̧ toäkua'attü̧.

TÄ̧DO Ä̧CUÄ̧ I̧HUȨNȨ

⁷ “Korotörö re rö̧jö̧nä̧ ppä'ädätömä, eseunu ttö̧ja̧cuä̧cuo̧tö̧. Ja̧'hua̧ta̧nö̧ Dios jahuätörötä re rö̧jö̧nä̧ ppä̧dä̧cua̧.

San Mateo 5:7 ပူးပေါင်းရင်းမြစ်များ

San Marcos 11:25

Ja̧'wa̧ta̧nü̧, Dio-rü kukuokuätukuomȩnä̧, kkorotürü suronä̧ kuamu̧kuädä'ijätuku kä'ädi'ätukui ja̧'wa̧nü̧ jü̧ta̧'a̧nü̧, Kuä'o mo̧ro̧jä̧ra̧'a̧ kkü̧'i̧nä̧ suronä̧ jȩ'kuä̧'i̧jä̧tu̧ku̧ mikuäwächü juiyünä̧ jȩpü̧ ikuäkua'anü̧.

San Lucas 6:35

Ja̧'wa̧nü̧ ja̧'a̧ttü̧ kuaboiyotürümä̧ eseu, adiutä jȩpü̧ pärowätukui juätüttü mikuä tta̧kuä̧rä̧tu̧kuo̧ka̧'a̧; ja̧'wa̧nü̧ jȩ'kuä̧tu̧kuo̧mȩnä̧ mikuäwächünä̧mä̧ rü̧ȩnä̧ iyäwäkua'a. Ja̧'wa̧ta̧nü̧ Mo̧ro̧jä̧ Ru̧wa̧ i̧tti̧mü̧ kuäkuotüjä̧. Jua̧u̧mä̧ ppättäda'anä̧ esewokotüru'i̧nä̧, suronä̧ jȩpä̧tü̧rü̧'i̧nä̧ rȩrü̧jü̧ toäkuäwä i̧sa̧ ja̧'a̧ttü̧.

Romanos 11:30

Ja̧'wa̧ta̧nü̧ ukutu'i̧nä̧ täbokümä̧, Dio-rümä̧ ukuotokotü pinä̧tü̧jä̧ ja̧'wa̧nü̧ ja̧'a̧nä̧ jitämä̧ juätü ttukuotokomȩ ji̧no̧mȩttü̧, Dio-mä̧ rȩrü̧jü̧ toinä̧u̧jä̧.

1 Corintios 7:25

Jitü, nä̧tü̧ Tti̧rȩkua̧mü̧ku̧ ü'käwokotü ttütü'kü, Tu̧ru̧wa̧ weinü̧mä̧ jui̧'a̧sä̧; ja̧'wa̧nü̧ ja̧'a̧nä̧ ttü päda'aku pä'üsä, Tu̧ru̧wa̧ rȩrü̧jü̧ toinü̧nä̧ chü̧ja̧'a̧ttü̧, jua̧u̧nä̧tä̧ yaboku 'chä̧nü̧ kkä̧nü̧.

2 Corintios 4:1

Ja̧'wa̧nü̧ ja̧'a̧ttü̧, pi̧yȩ taditäwämä̧ Dio rȩrü̧jü̧ topü iyinä̧u̧ ta'attü̧ 'kuä'ächi'okotüjä̧.

Efesios 4:32

Pärokua'aku, rettü ppä'ädütä, mikuä suronä̧ päkuätukuoka'a unichi'ütä, suronä̧ jȩ'kuä̧'i̧jä̧tu̧ku̧ u̧ni̧chi'ü, Dio Crito-nä̧ unichi'inüta'anü̧ jȩpü̧ kka̧kuä̧tu̧kui̧ ukutu'i̧nä̧.

Colosenses 3:12

Dio-mä̧ ukuturu repe'ü, ȩmi̧nä̧u̧jä̧ i̧tti̧mü̧ kuätukua pä'ü. Ja̧'wa̧nü̧ ja̧'a̧ttü̧ kkorotürü esewätukui, adiunä̧tä̧, ukuo tekuäwätukuoka'a, kua̧'kua̧pü̧nü̧ kkä̧nü̧ ja̧'wa̧ta̧nü̧ kua̧mi̧ 'ki'ächi'ü kka̧kuä̧tu̧kui̧.

1 Timoteo 1:13

ä'kojimä̧ churutä to'ija̧'a̧ku̧ suronä̧ ppädä'chia'anä̧, suronä̧ amükuädü chusina'a̧nä̧, ja̧'wa̧ta̧nü̧ suronä̧ wochina̧'a̧nä̧, Dio-mä̧ rȩrü̧jü̧ toinä̧ku̧sä̧, jua'amä̧ Dio-rü esetü jui'ü, jȩchü̧mä̧ chieruwa'attü̧.

1 Timoteo 1:16

Ja̧'wa̧nü̧ jȩchi̧na̧'a̧nä̧'i̧nä̧ Dio-mä̧ rȩrü̧jü̧ toinä̧ku̧sä̧, Jesucrito a̧mi̧ 'ki'ächi'ünü̧ o'kajuiyünä̧ ttünä̧ i̧jȩpa̧ pä'ümä̧. Ja̧'wa̧nü̧tä̧ ttü jȩchü̧ta̧'a̧nü̧ jȩpü̧ esetätümä̧ kkä̧kuä̧wä̧ i'ko ttu̧ju̧nä̧ra̧ pä'ütä ichinü̧sä̧.

Hebreos 4:16

Ja̧'wa̧nü̧ ja̧'a̧ttü̧, ta̧'kua̧ wȩnä̧rü̧ kkä̧nü̧, Dio rettü weomȩku̧ tütü'küwächa pä'ätukui. Rȩrü̧jü̧ toatü pä'ümä̧, ujuturu rekuä rü̧jü̧ mo̧ro̧ ja̧'a̧ttü̧.

Hebreos 6:10

Isopäi'ünä̧ Dio-mä̧ suronä̧ jȩä̧kuä̧wä̧ i̧sa̧mä̧kü̧ ja̧'a̧ttü̧, Chutä i̧mi̧ eseu, jȩ'kuä̧'i̧jä̧tu̧ku̧mä̧ ja̧'wa̧ta̧nü̧ umüwäyotü ȩmi̧nä̧u̧rü̧ ppäkuädä'ijätuku'i̧nä̧, yabonü̧ jitä jȩ'kuä̧tu̧ku̧'i̧nä̧ yorisotä u̧ni̧chi'okü.

Santiago 2:13

Ja̧'wa̧ta̧nü̧ kkorotürü rȩrü̧jü̧nü̧ topokotü pä'ijätürümä̧, rȩrü̧jü̧ toäkuäwä juiyünä̧tä̧ ro̧ȩpä̧kuo̧tü̧, ja̧'wa̧nü̧ ja̧'a̧nä̧ rȩrü̧jü̧ toäkuäwä kku̧nä̧rä̧'i̧jä̧tü̧mä̧ Dio ro̧ȩpü̧ mo̧ro̧ adiu rä'opü tteseäkuäwäkuotü.

Santiago 3:17

Ja̧'wa̧nü̧ ja̧'a̧nä̧ wo̧juä̧wä̧ Dio-ttü ichü kku̧nä̧rä̧tü̧mä̧, surojümä̧ jȩpo̧ko̧tü̧; ja̧'wa̧nü̧ ja̧jü̧jueimä̧ rowäwäkuäwä juiyünä̧ kkä̧kuä̧wä̧tä̧ usätü, ukuotätü, ja̧'wa̧ta̧nü̧ kkorotürümä̧ rȩrü̧jü̧nü̧ topätü, usurä ttȩmä̧u̧ jitütäku usurä ȩmä̧wä̧tü̧, ja̧'wa̧ta̧nü̧ 'kuäopünä̧tä̧ ttü̧ja̧rü̧mä̧ o'katoi'ünä̧rü̧ yoräteunä̧ adiu jȩpä̧tü̧, juätü ja̧'a̧ isopäi'ünä̧ Dio-rü esetinä̧tü̧mä̧.

1 Pedro 2:10

Ä'kojimä̧ yoriso ukutumä̧ awaruwä jü̧nä̧mä̧ wokotü pinä̧tü̧jä̧, ja̧'wa̧nü̧ ja̧'a̧nä̧ jitämä̧ Dio a̧wa̧ru̧wä̧jä̧; ä'kojimä̧ Dio rȩrü̧jü̧ tooko̧u̧ pinä̧tü̧jä̧, ja̧'wa̧nü̧ ja̧'a̧nä̧ jitämä̧ rȩrü̧jü̧ to̧ä̧u̧jä̧.