San Mateo 5:3 - Nuevo Testamento Uwotjüja

³ Eseäkuäwä kka̧'a̧, tta̧'kua̧rü̧ rekuä rü̧jä̧u̧ru̧, jua'amä̧ mo̧ro̧jä̧ jäwä weümä̧ juätürütä ja̧'a̧tȩ'ü̧ ja̧'a̧ttü̧.

TÄ̧DO Ä̧CUÄ̧ I̧HUȨNȨ

³ —Dios adiunätä ppädatö pä'ätömä, eseunu ttö̧ja̧cuä̧cuo̧tö̧, Dios Ttu̧ru̧hua̧ päi'önä ö̧ja̧'a̧ttö̧.

San Mateo 5:3 ပူးပေါင်းရင်းမြစ်များ

San Mateo 11:25

Ji̧yȩnü̧ mo̧ro̧ Jesú-mä̧ ädätinü̧: Chä'o, uku mo̧ro̧jä̧'i̧nä̧ pi̧jä̧'i̧nä̧ u̧ru̧wa̧rü̧ eseusä, isopäi'ünä̧ wo̧juä̧wä̧ kku̧nä̧rä̧tü̧ ttu̧wo̧jui̧pü̧ juiyünä̧ dajü kku̧nu̧, ppo̧'ä̧tü̧rü̧tä̧ ttu̧wo̧jui̧pü̧nä̧ i̧jȩpi̧nü̧jä̧.

San Mateo 11:6

¡Ja̧'wa̧ta̧nü̧ eseäkuäwä kka̧'a̧ ttü jäwänä̧ ttoepokokumä̧!

San Mateo 13:16

Ja̧'wa̧nü̧ ja̧'a̧nä̧, ukuturumä̧ juiyo adiu eseäkuäwä kka̧'a̧, topü'i̧nä̧ to'kuätukua'attü, ä̧ju̧ku̧'i̧nä̧ kuä̧ju̧kuä̧tu̧kua̧'a̧ttü̧.

San Mateo 19:14

Ja̧'wa̧nü̧ ji̧yä̧ku̧ Jesú-mä̧ pä'inü̧: —Ppo̧'ä̧tü̧rü̧mä̧ wä̧i̧nä̧ ttüku tticha'anä̧ ja̧'a̧tä̧ topätukui, tto̧kuȩpä̧rä̧tu̧kuä̧, isopäi'ünä̧ Dio weomȩ ä̧tȩkuo̧tü̧mä̧, juätütä ja̧'a̧.

San Mateo 24:46

Ja̧u̧ru̧ eseäkuäwä kkä̧kua̧'a̧, u̧ru̧wa̧ ichomȩnä̧, weinüta'anü̧ jȩpü̧ ü̧jü̧ttü̧mä̧.

San Mateo 25:34

Ja̧'wa̧nü̧ ja̧'a̧ Ru̧wa̧ Rey-mä̧ u̧wo̧jua̧'a̧ku̧nä̧ kka̧kuä̧tü̧rü̧ pä̧kua̧: Ichätukui Chä'o ppädinä̧u̧mä̧, pi̧jä̧ adikui'ino̧mȩttü̧ päi'ünä̧ ukuturu wekuätukua pä'ü jo̧mȩnü̧ jȩpü̧ u̧ju̧ni̧nü̧ kuȩmä̧tu̧kua̧.

San Mateo 3:2

Jua̧u̧mä̧ ji̧ä̧wi̧nä̧u̧: «¡Suronä̧ jȩ'kuä̧'i̧jä̧tu̧ku̧ kä'ädi'ätukui, mo̧ro̧jä̧ra̧'a̧ttü̧ ruwo weäwämä̧ tü'küwächa'a!»

San Mateo 8:11

Ja̧'wa̧nü̧ ji̧yä̧ku̧ pädäu̧jä̧, rekuätü kkä̧wa̧ räopa'akuttü'i̧nä̧, kkä̧wa̧ ma̧ä̧cha̧'a̧ku̧ttü̧'i̧nä̧ ichü, Dio weomȩ Abraha̧-ku̧, Isaa-ku, Jacoku ttu̧kuȩ kuä̧nü̧ ttu̧'ȩjä̧mä̧kuo̧tü̧.

San Marcos 10:14

Ja̧'wa̧nü̧ yattokua'a topü Jesú-mä̧ üjü'kü juiyünä̧ päi'äku päinä̧u̧: —Ya̧kuo̧pä̧rä̧tu̧kuä̧tü̧, wä̧i̧nä̧ ttüku tticha'anä̧, ja̧'a̧tä̧ topätukui ppo̧'ä̧tü̧rü̧mä̧, Dio ru̧wa̧ weümä̧ juätürütä ä̧tȩkuä̧ ja̧'a̧.

San Lucas 11:28

Päjiyäku, pä'inü̧: —¡Jua̧u̧'i̧nä̧ ja̧'a̧nä̧, juȩnȩ abonä̧nü̧ rü̧ȩnä̧ eseäkuäwä kka̧'a̧, Dio i̧wȩnȩ ä̧ju̧ku̧ ukuotätürümä̧!

San Lucas 18:14

Isopäi'ünä̧ pädäu̧jä̧: Pide Roma-ra̧'a̧ weäwä pärätä ka̧ka̧kuä̧ i̧sa̧ päjimä̧, surojü jui̧'a̧ jü̧nä̧, Dio jȩpü̧ ikuäjäkutä i̧wi̧nü̧ ojusodera̧'a̧ku̧mä̧; isopäi'ünä̧, ya̧tȩ a̧mü̧nä̧ pa̧ja̧tü̧ ukuo te'äkuäu ä̧rä̧mü̧rü̧mä̧, ukuo ȩmü̧ i̧kuä̧wä̧kua̧. Ja̧'wa̧ta̧nü̧ a̧mü̧nä̧ pa̧ja̧tü̧ ukuo teäkuäwoka'a, rekuä rü̧jä̧ku̧ jü̧nä̧ amükuädäkuäurumä̧, ukuo iyü äräbe'ä̧kuä̧wä̧kua̧.

San Lucas 22:29

Ja̧'wa̧nü̧ ja̧'a̧ttü̧, ukuturumä̧ we'ü chu̧ju̧nä̧u̧jä̧ jareünä̧ ruwo weäwä wȩnȩ, ttürü chä'o weinüta'anü̧.

San Lucas 22:30

Ttüku chiäre mesa-nä̧ pä̧mä̧dü̧ au, ku̧kuȩ kukuätukua pä'ü. Ja̧'wa̧ta̧nü̧ Irae ttü̧ja̧ doce-nü̧ wotürü wekuätukua pä'ü, Ttü Ru̧wa̧ jü̧nä̧ wedomȩttü̧.»

San Lucas 4:18

Dio i̧sa̧ Epíritu ttünä̧tä̧ kkü̧, Jua'amä̧ ȩmi̧nä̧ku̧ cha'attü, usurä isotürü adiwäjuei jareü wȩnȩ ȩpü̧ chiya pä'ü; weinä̧ku̧sä̧ tta̧mi̧ iso'kinä̧ usurä ȩmä̧wä̧tü̧rü̧ aditü chikua pä'ü. Kärenä̧ pȩjä̧tü̧rü̧ rä'epü chikua pä'ü. Ja̧'wa̧ta̧nü̧ ä̧to̧kä̧tü̧rü̧ tottünä̧ jȩcha̧ pä'ü; suronä̧ jȩttä̧u̧ usurä ȩmä̧wä̧tü̧rü̧ rä'epü chikua pä'ü;

San Juan 20:29

Päiyäku Jesú-mä̧ päinä̧ku̧: —¿Ttürü topütätä esetüjä̧, Tomá? ¡Tottoka'anä̧, esetäjätütä ja̧'a̧ rü̧ȩnä̧ eseäkuäwä po̧kui̧pä̧tü̧mä̧!

Santiago 1:10

Ja̧'wa̧ta̧nü̧ pärätä ru̧wa̧rü̧ Dio jui'ädü ikuttümä̧ esewi, jua'amä̧ pärätä ru̧wa̧ isä'kua u̧wä̧ju̧ jä̧'i̧nü̧'a̧nü̧ rekuomä̧ kko̧ko̧tü̧ ttäkuotü.

Santiago 1:12

Surojü kka̧kuä̧mȩ'a̧'a̧nä̧ ujuruku a̧mi̧ 'ki'ächi'ümä̧ eseäkuäwä u̧ju̧nä̧rä̧kua̧, jua'amä̧ ja̧u̧ 'kuä'o'ü jo̧mȩnü̧ pä'i'ümä̧ Dio rȩpȩä̧u̧ru̧ premio pättü chiyäkua̧sä̧ päinü̧ kkä̧kuä̧wä̧ i'ko ȩmä̧kua̧'a̧ttü̧.

Santiago 2:5

Chawaruwä chü̧jä̧wa̧tü̧ pi̧yȩ adiu ä̧ju̧kuä̧tu̧kui̧: Dio-mä̧ pi̧jä̧nä̧ttü̧ usurä isotürü pojopü ȩmi̧nü̧ tta̧'kua̧ wȩnä̧rä̧kuä̧wä̧nä̧ ruwotü juotta pä'ü, ja̧'wa̧ta̧nü̧ eseu rȩpȩä̧u̧ru̧ Ru̧wa̧ Dio iäre ju'to uruwotü pätti'ünä̧, chi̧yä̧kua̧sä̧ päinü̧ ji̧nü̧ ttȩma̧ pä'ümä̧;

Apocalipsis 19:9

Ja̧'wa̧nü̧ ja̧'a̧ á̧gȩ-mä̧ päinä̧ku̧sä̧: «Wȩyu̧ti̧: Eseäkuäwä kka̧'a̧, jua̧u̧ oweja mü̧ä̧ya̧ jü̧nä̧ wa̧ ü'käu pä'kärinä̧ i̧'cha̧ pä'ü ä̧tȩkuo̧tü̧rü̧mä̧.» Yabonü̧ päinä̧ku̧sä̧: «Pi̧yȩ ja̧'a̧ Dio i̧wȩnȩ, jueü wȩnȩmä̧.»

Apocalipsis 22:14

Eseäkuäwä kka̧'a̧ kkä̧kuä̧wä̧ dauttü ttukua pä'ü ja̧'wa̧ta̧nü̧ ütawiyä äpatenä̧ dodetta pä'ü ttü̧'ka̧tä̧wä̧ti̧yu̧ tükätürümä̧.

Apocalipsis 3:17

Ukumä̧ pä'üjä̧: Ttümä̧ ru̧wa̧sä̧, täkü ru̧wa̧ juo'inü̧sä̧, rekuämä̧ rü̧jo̧ko̧ku̧sä̧; päkua'anä̧ usurä i̧sa̧jä̧, ä̧to̧ka̧jä̧, kuä̧ta̧'i̧nä̧ jui̧'a̧jä̧.