San Mateo 2:6 - Nuevo Testamento Uwotjüja

⁶ «Uku Berȩ́mä̧ rü̧ȩnä̧ ukuo isomȩjä̧ Judá isotü ttidepiyuttumä̧, Ukuttümä̧ u̧wä̧pä̧chä̧kua̧ ttü̧ja̧ ttu̧ru̧wa̧ príncipe pättäku, chumüwäyotü Irae ttü̧ja̧rü̧ juȩpä̧rä̧kua̧.»

TÄ̧DO Ä̧CUÄ̧ I̧HUȨNȨ

⁶ Ja̧u̧ huȩyu̧ti̧nö̧do: Belén ötahuiyä, Judá ttö̧ja̧ tti̧rȩjä̧ttö̧, pi̧jä̧ hueähuomettö kara'attö'inä abonänö ttucuotome. Belén ötahuiyättö u̧huä̧pä̧chä̧cua̧ ya̧tȩ ru̧hua̧mä̧, o'ca toi'önärö chidepiyu Israel tta̧huä̧rä̧cua̧mä̧, pä'ö huȩyu̧ti̧nö̧do.

San Mateo 2:6 ပူးပေါင်းရင်းမြစ်များ

San Mateo 2:1

Herode Rey ru̧wa̧ weü pä̧nä̧, Jesú-mä̧ Berȩ́ ütawiyä, Judea rȩjȩttü̧ uwäpächomȩnä̧, mo̧ro̧jä̧ jäwä wo̧juä̧tü̧, kkä̧wa̧ räopa'akuttü Jerusarȩ́ ütawiyära̧'a̧ rȩbȩä̧kuä̧wi̧nä̧tü̧,

San Mateo 28:18

Ja̧'wa̧nü̧ ja̧'a̧ Jesú-mä̧ juätürü tü'künä̧nü̧ 'chä̧wi̧'ü̧ pä'inü̧: —Dio-mä̧ mo̧ro̧jä̧nä̧'i̧nä̧, pi̧jä̧nä̧'i̧nä̧ o'kajuiyünä̧ churuwo weda pä'ü iyinä̧ku̧sä̧.

San Juan 21:16

Ppa̧'ä̧di̧pü̧ jäepinä̧ku̧: —Simón, ukú Joná i̧tti̧mä̧, ¿Ttürü eseu repe'üjä̧? Peduru-mä̧ ädätinä̧ku̧: —A̧'a̧, Chu̧ru̧wa̧; ukuru eseu repeda'amä̧ wo̧jua̧jä̧. Päinä̧ku̧; —Chä̧ji̧mü̧ oweja-tü̧rü̧ tta̧'ä̧ri̧yi̧ttü̧.

San Juan 7:42

Wȩyu̧kuä̧ wȩnȩmä̧ pä'ija'a: Crito-mä̧, Rey Dawi isotüttü, Berȩ́ ütawiyättü, Dawi idepiyu ji̧no̧mȩttü̧ i̧chä̧kua̧, jü̧nä̧.

Efesios 1:22

Dio-mä̧, o'kajuiyünä̧tä̧ Crito weü jü̧nä̧tä̧ kku̧ni̧nü̧ ja̧'wa̧ta̧nü̧ igresia-rümä̧ kkorojuei o'kajuiyünä̧ u jü̧nä̧ kku̧ni̧nü̧.

Colosenses 1:18

Ja̧'wa̧ta̧nü̧ Crito-mä̧ igresia u ja̧'a̧, igresia-mä̧ jä̧ttä̧pä̧ya̧ wa̧ jü̧nä̧ ja̧'a̧. Jua̧u̧mä̧ ä̧kuo̧mȩnä̧ i̧sa̧ winü̧, wa'inä̧tü̧ttü̧'i̧nä̧ ä̧kuo̧mȩnä̧ tto'ächinü̧, o'kajuiyünä̧tä̧ u̧wä̧mȩnä̧ wa̧ ja̧ pä'ümä̧.

Hebreos 7:14

Ja̧'wa̧nü̧ ja̧'a̧, jo̧mȩnü̧ wo̧juä̧tü̧jä̧, Tu̧ru̧wa̧ Jesucrito-mä̧ Judá isotü i̧sa̧ pinü̧ pä'ümä̧ ja̧'wa̧nü̧ ja̧'a̧nä̧ Moisé-mä̧, sacerdote-tü̧ tütü'kü ukuokuomȩnä̧mä̧, pi̧yȩ jäwä jiäwinü̧mä̧ yoriso juiya'a.

Apocalipsis 11:15

Kko̧ro̧mü̧ttü̧nü̧ todäre á̧gȩ iäre trompeta ppüomȩnä̧, mo̧ro̧jä̧ra̧'a̧ttü̧ pä̧i̧ku̧nä̧ rä̧mi̧pi̧na̧'a̧: «Täkü rȩbȩä̧kuä̧wa̧'a̧, pi̧jä̧nä̧ Tu̧ru̧wa̧ Dio'i̧nä̧, weinä̧ku̧'i̧nä̧ ruwotü jü̧nä̧ wettü mo̧ro̧ ja̧'wa̧nü̧ ja̧'a̧ttü̧ mo̧ro̧ kki̧ä̧mü̧nä̧ wettäkuotü.»

Apocalipsis 2:27

Ja̧'wa̧nü̧ ja̧'a̧ kuoräu i̧so̧'kȩnä̧ wettäkuotü ja̧'wa̧nü̧ jo̧mȩnä̧, redä'ka i̧so̧'ta̧ dü'ü ttikua'a jä̧'i̧nü̧'a̧nü̧ jä̧kua̧'a̧. Ttü Chä'ottü chȩmi̧nü̧ta'anü̧.

Apocalipsis 7:17

Jua'amä̧ oweja mü̧ä̧ya̧ wa̧mä̧, ruwo deäkänä̧ pü̧mä̧, Ttu̧ru̧wa̧ pató ja̧'a̧ttü̧, Jua̧u̧tä̧tä̧ ȩpä̧kuä̧u̧ ajiya kkä̧kuä̧wä̧ kkoya beipokomȩku̧mä̧, ja̧'wa̧ta̧nü̧ Dio-tä tti̧'chȩrȩja 'ka̧wä̧kua̧mä̧.