San Mateo 17:3 - Nuevo Testamento Uwotjüja

³ Ja̧'wa̧nü̧ päi'omȩnä̧, Elía'i̧nä̧, Moisé'i̧nä̧ rättoa'attü̧ Jesú-ku ukuoku kka̧kui̧nä̧tü̧.

TÄ̧DO Ä̧CUÄ̧ I̧HUȨNȨ

³ Yotäcu Moisés mi̧nä̧rö̧'i̧nä̧, Elías mi̧nä̧rö̧'i̧nä̧ topinätödo Jesúscu ttucuocua'a.

San Mateo 17:3 ပူးပေါင်းရင်းမြစ်များ

San Mateo 17:2

Jua'attümä̧, juätü ttä'ka jo̧mȩttü̧ Jesú-mä̧ pärowächi'inü̧, i'ämä̧ kkä̧wa̧ jä̧'i̧nü̧'a̧nü̧ kkä̧dȩpi̧na̧'a̧ ja̧'wa̧ta̧nü̧ ü̧'ka̧tä̧wä̧ta̧mä̧ tei'ina̧'a̧ tȩya̧u̧ jä̧'i̧nü̧'a̧nü̧tä̧.

San Mateo 17:4

Ja̧'wa̧nü̧ jä̧ji̧ o'ka'a Peduru-mä̧ Jesú-ru pä'inü̧: —Chu̧ru̧wa̧, ¡pȩnȩ́ tü̧jü̧ttü̧tä̧ adiu'anü̧ ja̧'a̧! odewiyä ppo̧ü̧ wäbodekuä chadita pä'üsä: yodetemä̧ uku ku̧jä̧kuode, kkorodemä̧ Moisé ü̧jä̧kuode, kkorodetä Elía ü̧jä̧kuode jü̧nä̧ ja̧'wa̧nü̧ ja̧'a̧nä̧ uku wekuttütä.

San Marcos 9:4

Ja̧'wa̧nü̧ päi'omȩnä̧, Elía-rü'i̧nä̧ ja̧'wa̧ta̧nü̧ Moisé-rü'i̧nä̧ Jesú-ku ttukuokua'a topinä̧tü̧.

San Lucas 1:17

Ja̧'wa̧ta̧nü̧ jua̧u̧ Ju̧a̧-mä̧, Tu̧ru̧wa̧ ä'kanä̧ i̧'chä̧kua̧, Elía i̧'chi̧nü̧ta'anü̧, epírituku, ujuruku, jü̧nä̧; ttä̧'o̧tü̧rü̧ tti̧tti̧mü̧ku̧ ttesekunä̧. Ja̧'wa̧ta̧nü̧ jarodätürü'i̧nä̧ adiwä jueiku ttukuotünä̧. Ja̧'wa̧nü̧ jȩpü̧, ttü̧ja̧rü̧ jo̧mȩnü̧ jȩpü̧ u̧ju̧nä̧kua̧, Ttu̧ru̧wa̧ ichome tteseäkuäwa pä'ü.

San Lucas 16:16

Weäwä wȩnȩ jäwä'i̧nä̧, profeta winä̧tü̧ jäwä'i̧nä̧, Ju̧a̧-bütä beipa'a. Täkü juorütä kkä̧mä̧dü̧, ru̧wa̧ Dio weü, jareü wȩnȩmä̧, kkä̧mä̧dü̧ jiäkuäwi'ina̧'a̧. Ja̧'wa̧nü̧ ja̧'a̧ttü̧ o'katoi'ünä̧ jua̧u̧nä̧ dodetta pä'ü borepäkuäwätü.

San Lucas 24:27

Jua̧u̧ pä'ü kä'ädü, Moisé i̧wȩyu̧ti̧nü̧ttü̧ kkä̧mä̧dü̧, profeta tti̧wȩyu̧ti̧nü̧'i̧nä̧ ukuokuinä̧u̧, wȩyu̧kuä̧ wȩnȩ chutä ütü'kü ukuokumä̧ o'kajuiyünä̧tä̧.

San Lucas 24:44

Ja̧'wa̧ta̧nü̧ päinä̧u̧: —Pi̧yȩ ukuokuinü̧sä̧ ukutuku kue'ächümä̧: Ttü chütü'kümä̧, Moisé i̧wȩyu̧ti̧nü̧'i̧nä̧, profeta tti̧wȩyu̧ti̧nü̧'i̧nä̧ ja̧'wa̧ta̧nü̧ Salmos-nä̧ wȩyu̧kuä̧'i̧nä̧ o'kajuiyünä̧tä̧ 'kuäopäkua'a pädinü̧mä̧.

San Lucas 9:33

Ja̧'wa̧nü̧ ja̧'a̧ juätü u̧mä̧tü̧ Jesú-ttü 'kȩtti̧pä̧cha̧'a̧nä̧, Peduru-mä̧ Jesú-ru pä'inü̧: —Chu̧ru̧wa̧, ¡Pȩnȩ́ tü̧ja̧ pä'ü, juiyo adiwomȩ jä̧ttü̧! odewiyä ppo̧ü̧, wäbodekuä aditätüjä̧: Yodetemä̧ uku ku̧jä̧kuode, kkorodemä̧ Moisé ü̧jä̧kuode, kkorodetä Elía ü̧jä̧kuode, jü̧nä̧. Ja̧'wa̧nü̧ ja̧'a̧nä̧, Peduru ukuokumä̧, u̧wo̧jui̧po̧ka̧'a̧nä̧tä̧ ukuokuinü̧.

San Juan 1:17

Isopäi'ünä̧ weäwä wȩnȩmä̧ Moisé-nä̧ iyäwi'ina̧'a̧ttü̧; ja̧'wa̧nü̧ ja̧'a̧nä̧ re ü̧jü̧mä̧, isopäi'ünä̧ wȩnȩmä̧ Jesucrito-nä̧tä̧ ichina̧'a̧.