San Marcos 8:2 - Nuevo Testamento Uwotjüja

² —Pitü ttü̧ja̧rü̧ rȩrü̧jü̧ tochünä̧ jä̧ku̧sä̧, wäbodäkuä mo̧ro̧ päi'ünä̧ ttüku ttü̧ja̧kua̧'a̧nä̧, ttu̧kuȩ juiyiyäku.

TÄ̧DO Ä̧CUÄ̧ I̧HUȨNȨ

² —Pitörö cha̧'cua̧ tta̧ jö̧nä̧ topösä. Täcö huäbodäcuä mo̧ro̧ ja̧'a̧ ttöcu cuettächäja'amä ttu̧cuȩ beipächäja'a.

San Marcos 8:2 ပူးပေါင်းရင်းမြစ်များ

San Mateo 14:14

Jesú-mä̧ woi'kattü i̧mȩyȩwi̧'o̧mȩnä̧ ttü̧ja̧ rekuätü ttü̧ja̧kua̧'a̧ topinü̧; to'omȩnä̧ rȩrü̧jä̧chi̧'ä̧ku̧ na̧nȩpä̧tü̧ tti̧'chä̧chä̧jä̧u̧ru̧ aditü ikuinü̧.

San Mateo 20:34

Rȩrü̧jü̧nü̧ topü, Jesú-mä̧ tti'ärenä̧ mȩo̧mȩnä̧ yotäku tottünä̧ päi'inä̧u̧. Täkü, jua̧u̧nu̧tä̧ chutäku 'chi̧nä̧tü̧.

San Mateo 9:36

Ja̧'wa̧nü̧ ja̧'a̧ ttü̧ja̧ rekuätürü topü, rȩrü̧jü̧nü̧ toinä̧u̧, usurä ȩmä̧u̧ ttipperekuächini̧yä̧ku̧, oweja-tü̧ ttu̧ru̧wa̧ pató to'ätü 'kua̧rü̧nä̧ ttü̧ja̧kui̧yä̧ku̧.

San Marcos 1:41

Jesú-mä̧ rȩrü̧jü̧nü̧ topü, u̧mü̧nä̧ mȩ'ü̧, päinä̧ku̧: —A̧, aditü chikua pä'üsä, ¡Kumä̧richeittümä̧ pi̧'ü̧jä̧!

San Marcos 5:19

Ja̧'wa̧nü̧ ajuäkuäwa'anä̧, Jesú-mä̧ o'ipü jui'ü, päinä̧ku̧: —Kuojusodera̧'a̧, kuawaruwärütä jikuäwa ppa̧'ä̧chi̧. Ku̧ru̧wa̧, ukuru rü̧ȩnä̧ jü̧ ppädäji ji'äu kkä̧nü̧, rȩrü̧jü̧ toäji'i̧nä̧ jikuäwäkua'anü̧.

San Marcos 6:32

Ja̧'wa̧nü̧ ja̧'a̧ttü̧ Jesú-mä̧ umüwäyotü apótore-ku ttü̧ja̧ toächomȩku̧ woi'kanä̧ 'chi̧nü̧

San Marcos 6:34

Jesú-mä̧ woi'kattü mȩyȩwi̧'ü̧ ttü̧ja̧ rekuätürü topinü̧; oweja-tü̧ ttu̧ru̧wa̧ to'ätü jä̧'i̧nü̧'a̧nü̧ ttü̧ja̧kua̧'a̧, toomȩnä̧ rȩrü̧jä̧chi̧'ä̧ku̧ kkä̧mä̧dü̧ rü̧ȩnä̧ wo̧juȩti̧nü̧.

San Marcos 8:3

Ja̧'wa̧nü̧tä̧ ttu̧kuȩ ttukuoka'anä̧ ttojusodera̧'a̧ we'ü chikuttümä̧, mä̧nä̧ttü̧ na̧ttä̧chi̧pü̧'a̧nü̧ jä̧ku̧sä̧ yotukupünä̧mä̧ otottü tticha ja̧'a̧.

San Marcos 9:22

Ja̧'wa̧ta̧nü̧ kkoronü̧mä̧ epíritu su̧ro̧pa̧mä̧ okuränä̧'i̧nä̧, ajiyanä̧'i̧nä̧ kuä'ü ikua pä'ü jȩä̧'i̧jä̧ku̧. Ja̧'wa̧nü̧ ja̧'a̧ttü̧ ji̧yȩtȩ jȩ'kua̧'a̧nü̧ jü̧ttü̧mä̧ ujuturu rȩrü̧jü̧nü̧ topü ppä'äditü.

San Lucas 15:20

Ja̧'wa̧nü̧ amükuädü jä'o ojusodera̧'a̧ku̧ ppa̧'ä̧chi̧nü̧. Ja̧'wa̧nü̧ jä̧ja̧'a̧, ji̧nä̧ otó icha'anä̧, jä'omä̧ topo'ü, rȩrü̧jü̧nü̧ amükuädü, jopächü, u̧ru̧pä̧'kȩnä̧ wa'adi'ü, 'chu̧'o̧pü̧ esewinä̧ku̧.

San Lucas 7:13

Toomȩnä̧, Jesú-mä̧ rȩrü̧jä̧chi̧'ä̧ku̧, juäjuru pä'inü̧: —Täkü kuajuäwä.

Hebreos 2:17

Ja̧'wa̧nü̧ jȩa̧ pä'ümä̧ o'kajuiyünä̧tä̧ ü̧jä̧wa̧tü̧ ttomȩbü wa̧ pä'i'inü̧, Dio-ttü sacerdote-tü̧ ttu̧ru̧wa̧ päi'a pä'ü'i̧nä̧, re kkä̧kuä̧wä̧ i̧sa̧ päi'a pä'ü'i̧nä̧, jü̧nä̧; ja̧'wa̧ta̧nü̧ ttü̧ja̧ suronä̧ jȩttä̧'i̧jü̧ usurä ȩmä̧u̧ mitäu iku iso juo'epinü̧.

Hebreos 4:15

Isopäi'ünä̧ ujutu tijuiyüwa'a rettü ppädü'anü̧ wa̧mä̧ to'ätüjä̧ ukuo i̧sa̧ sacerdote-tü̧ ttu̧ru̧wa̧mä̧. Ja̧'wa̧nü̧ ja̧'a̧nä̧, Jua̧u̧tä̧tä̧ ja̧'a̧, ujutu ta̧'a̧nü̧ wa̧rü̧ kka̧kuä̧mȩ'ü̧ toinä̧ku̧mä̧; ja̧'wa̧nü̧ ja̧'a̧nä̧ yoriso surojümä̧ jȩpo̧kü̧ pinü̧.

Hebreos 5:2

Jua'amä̧ sacerdote'i̧nä̧ ttü̧ja̧ i̧sa̧ ja̧'a̧ttü̧ a̧mi̧ 'kuä'ü, re ü̧ja̧ pä'ü ja̧'a̧ jerupü surojuo'ächinä̧tü̧rü̧;