San Marcos 7:13 - Nuevo Testamento Uwotjüja

¹³ Ja̧'wa̧nü̧ jȩpü̧ Dio i̧wȩnȩmä̧ si'epü ikuätüjä̧ ku̧tä̧mü̧mi̧nä̧tu̧ku̧ jäwätä wo̧juȩtü̧. Kkoro'i̧nä̧ pi̧yȩ jü̧ta̧'a̧nü̧tä̧ wo̧juȩtä̧tü̧jä̧.

TÄ̧DO Ä̧CUÄ̧ I̧HUȨNȨ

¹³ Ucutu pi̧jä̧ ttö̧ja̧ jȩttä̧'i̧jö̧ ta'anö jȩcu̧'ä̧tu̧cua̧ pä'ö, Dios hueinömä jaropi'ätöjä, koro juäi micuähuocö do'opö tticu'a̧nö̧. Ja̧'hua̧ta̧nö̧ koro juäi'inä jȩpä̧tö̧jä̧, —pä'inödo Jesús.

San Marcos 7:13 ပူးပေါင်းရင်းမြစ်များ

San Mateo 15:6

Ja̧'wa̧nü̧ pä'ü täkü, jä'orü'i̧nä̧, ja̧ju̧ru̧'i̧nä̧ ppäda pä'okü. Ja̧'wa̧nü̧ pärokuä ku̧tä̧mü̧tu̧ku̧ jäwätä ukuotü, Dio weümä̧ mikuäu juiyünä̧tä̧ juo'epinä̧tü̧jä̧.

San Marcos 7:12

Ja̧'wa̧nü̧ pä'ü ukutumä̧ wo̧juȩtä̧tü̧jä̧, ttä'orü ja̧ pä'üdä̧jä̧, tta̧ju̧ru̧ ja̧ pä'üdä̧jä̧ täkü ppäkuädätukua pä'ümä̧ juiya'a: «Täkü tiya pätäjimä̧ o'kajuiyünä̧tä̧ Dio-rü chiyä̧kuȩtä̧ ja̧'a̧» pättünä̧.

San Marcos 7:14

Jua̧u̧nü̧ o'ka'a, Jesú-mä̧, ttü̧ja̧rü̧ wopo'ü pä'inü̧: —O'katoi'ünä̧ ku̧wo̧jui̧pä̧tu̧ku̧nä̧ adiu ä̧ju̧kuä̧tu̧kui̧.

San Marcos 7:3

Jua'amä̧ fariseo wotümä̧ ja̧'wa̧ta̧nü̧ judío o'katoi'ünä̧tä̧ ttü̧tä̧mü̧mi̧nä̧ jȩtti̧nü̧'a̧kuä̧, ttu̧mü̧ ttütükäwoka'amä̧ kuokotü ja̧'a̧ttü̧ ji̧na̧'a̧.

San Marcos 7:5

Fariseo wotümä̧ ja̧'wa̧ta̧nü̧ weäwä wȩnȩ wo̧juȩkuä̧ isotümä̧ jä'epü ttä̧ju̧kuä̧ku̧: —¿Tta̧'a̧nü̧ pä'ü uku ku̧wo̧juȩtä̧u̧mä̧ ujutu tü̧tä̧mü̧mi̧nä̧ jȩtti̧nü̧'a̧kuä̧mä̧ jȩtto̧ka̧'a̧ ttu̧mü̧ idikua'anä̧ kuätüjä̧ttü̧?

San Marcos 7:9

Ja̧'wa̧ta̧nü̧ päinä̧u̧. —Ku̧tä̧mü̧mi̧nä̧ jȩpü̧ ttü̧ji̧nü̧nä̧tä̧ juiyo adiu ukuotü jȩpä̧tü̧jä̧, Dio weinü̧mä̧ ukuotü jȩ'kuä̧tu̧kuo̧ka̧'a̧nä̧.

Gálatas 1:14

Ja̧'wa̧ta̧nü̧ wo̧juä̧tü̧jä̧, chi̧rȩjä̧ttü̧ judío jäwänä̧ kkä̧nü̧, chawaruwä ttü ta̧'a̧nü̧ wotü ttu̧wä̧mȩnä̧ chinü̧mä̧, chä̧do̧tü̧ mi̧nä̧ jäwä ä'kuoyäunü̧ jȩcho̧mȩnä̧.

Gálatas 5:21

jui'ü ra̧wä̧rä̧kuä̧wä̧'i̧nä̧; tä̧mä̧'chä̧kuä̧wä̧'i̧nä̧, abo 'kuäo'ünä̧ kuäkuäwä'i̧nä̧, ja̧'wa̧ta̧nü̧ jü̧ kkoro jȩä̧'chä̧kuä̧wä̧'i̧nä̧. Mo̧ jidäwinü̧ta'anü̧, jitä'i̧nä̧ ji'äusä, jua̧u̧ jȩpä̧tü̧mä̧ ru̧wa̧ Dio weomȩmä̧ dodettokäkuotü.

Tito 1:14

Ja̧'wa̧ta̧nü̧ ppä'ädätukuitü judío kkä'äbe'ü jittäu ttesetü juiyäkua'anü̧ ja̧'wa̧ta̧nü̧ yapare ttü̧ja̧ weäwä wȩnȩ jittäu ttä̧ju̧ku̧ juiyäkua'anü̧.