San Marcos 6:11 - Nuevo Testamento Uwotjüja

¹¹ Ja̧'wa̧ta̧nü̧ kkoromȩ kui̧'chä̧tu̧kuo̧mȩnä̧, ttojusodenä̧ dottädoka'a, ä̧ju̧ku̧'i̧nä̧ ttä̧ju̧ku̧ juiyüttümä̧, ku̧jä̧pü̧tu̧ku̧ i̧sa̧ppȩ ppüsäu kuikuätukuajä̧. Ja̧'wa̧nü̧ jȩ'kuä̧tu̧kuo̧mȩnä̧, ttu̧wo̧juä̧kuo̧tü̧.

TÄ̧DO Ä̧CUÄ̧ I̧HUȨNȨ

¹¹ Ichi'ö ucuturu eseunu jȩtto̧ca̧'a̧ jö̧ttö̧mä̧, eseunu ttä̧ju̧cuo̧ca̧'a̧ jö̧ttö̧mä̧, ja̧u̧ ötahuiyättömä rä'ächätucui. Cu̧jä̧pö̧ isäyatucunä rȩjȩ i̧sa̧ppȩtä̧ te'ächö icuätucui, ucuturumä ppä'ädocotöjä pättä'inö juäimä. Iso päi'önä pä'ösä ucuturu, yodoji Dios ttö̧ja̧rö̧ pojocuä mo̧ro̧ päi'omenä, Sodoma ötahuiyä ttö̧ja̧ttö̧'i̧nä̧, Gomorra ötahuiyä ttöja̧ttö̧'i̧nä, abonänö rö̧ȩnä̧ suronä 'cuäopäcua'a juhua'a ötahuiyä ttö̧ja̧rö̧, —pä'ö hue'inödo Jesús.

San Marcos 6:11 ပူးပေါင်းရင်းမြစ်များ

Hechos 18:6

Ja̧'wa̧nü̧ juätü to'ija̧'a̧ku̧ suronä̧ pä'ü kkü'kü jui'ü wottäku, Pauru-mä̧ ü̧'ka̧tä̧wä̧ta̧ käroku iku, päinä̧u̧: ukututä jäwä ja̧'a̧, Dio ukuturu ro̧ȩpü̧ttü̧mä̧, täkü ukuturumä̧ jidäwa'attü̧. Porü yabokumä̧ judío pokotürütä jidäwä̧kua̧sä̧.

Judas 1:7

Juätü á̧gȩrȩ-rü ji̧nü̧ta'anü̧, 'kuäopina̧'a̧ Sodoma ütawiyä ttü̧ja̧rü̧'i̧nä̧, Gomorra ütawiyä ttü̧ja̧rü̧'i̧nä̧, jua̧u̧ ütawiyä ppeyänä̧ kka̧kuä̧tü̧rü̧'i̧nä̧, ttidepä wea'aku nä̧tü̧ku̧, u̧mä̧tu̧ku̧ jȩpä̧'chä̧kuä̧u̧ kka̧kuä̧tü̧rü̧mä̧, okurä beipokaränä̧ usurä ttȩmä̧wa̧ pä'ü, ujutu tu̧wo̧jui̧pü̧nä̧.

1 Juan 4:17

Isopäi'ünä̧ tawaruwä tü̧jä̧wa̧tü̧rü̧ eseu repe'ü tü̧ja̧ku̧ttü̧mä̧ ja̧'wa̧ta̧nü̧ Jesucrito pi̧jä̧ttü̧ ü̧ji̧nü̧ta'anü̧ tü̧ja̧ku̧ttü̧mä̧, Jesucrito pi̧jä̧ ttü̧ja̧ o'katoi'ünä̧rü̧ ü'ojo'ü mo̧ro̧ päi'omȩnä̧mä̧ ye'ekuokotü täkuotüjä̧.

2 Pedro 3:7

Ja̧'wa̧nü̧ ja̧'a̧nä̧ mo̧ro̧jä̧'i̧nä̧, rȩjȩ'i̧nä̧ jitä kkä̧jä̧mä̧, i̧wȩnȩnä̧ okuränä̧ kkuwü ttikua pä'ütä jȩpü̧ kku̧nä̧wa̧'a̧. Jȩtti̧nü̧'a̧kuä̧ pojokuä mo̧ro̧ päi'omȩnä̧ ja̧'wa̧ta̧nü̧ suropätü totte'ächü mo̧ro̧ juarä okurämä̧ kkuwü ikuäkua'a.

2 Pedro 2:9

Tu̧ru̧wa̧mä̧ wo̧jua̧ churutä iyäwinü̧'kotü kka̧kuä̧tü̧rü̧mä̧, ji̧nä̧ iweyettü jȩä̧'chä̧ku̧rü̧ rä'epü ikua pä'ümä̧, ja̧'wa̧ta̧nü̧ wo̧jua̧ suronä̧ jȩpä̧tü̧rü̧ pojokuä mo̧ro̧ päi'omȩnä̧ ro̧ȩpä̧kua̧'a̧ kku̧nä̧rä̧kuä̧wä̧'i̧nä̧.

2 Pedro 2:6

Ja̧'wa̧ta̧nü̧ Dio-mä̧ Sodoma'i̧nä̧, Gomorra ütawiyä rü̧o̧mȩ'i̧nä̧ si'epü iku okuränä̧ ä̧ya̧ri̧tä̧ päi'ünä̧ ro̧'ȩpi̧nü̧, suropätürü 'kuäopä̧kuȩ i̧jȩkuä̧ päi'ünä̧tä̧.

Romanos 2:16

Dio ro̧ȩpü̧ mo̧ro̧ rȩbȩä̧kuä̧wä̧kua̧'a̧, ttü̧ja̧ ttü̧dä̧pä̧rȩ, ttü jidäu Jesucrito i̧wȩnȩ jareü wȩnȩnä̧.

Romanos 2:5

Ja̧'wa̧nü̧ ja̧'a̧nä̧, surojü käkuädi'ätukuoka'a, yaboku jarodi'ü jȩ'kuä̧tu̧ku̧ttü̧mä̧ Dio-mä̧ ukuturu ro̧ȩpä̧kuȩmä̧ yabonü̧ rü̧ä̧dä̧kua̧. Rüjí mo̧ro̧ päi'omȩnä̧ o'katoi'ünä̧rü̧ suronä̧ jȩtti̧nü̧ttü̧'i̧nä̧, adiu jȩtti̧nü̧ttü̧'i̧nä̧, jȩtti̧nü̧'a̧kuä̧ Dio-mä̧ pä'ü u̧ju̧nä̧kuä̧u̧,

San Lucas 9:5

Ja̧'wa̧ta̧nü̧ kkoromȩ kui̧'chä̧tu̧kuo̧mȩnä̧, juorü dottädü juiyüttümä̧, jua̧u̧ ütawiyättü rä'opächü kui̧jä̧pi̧yä̧tä̧ kuppüsäwätukuajä̧, jitütä ttu̧wo̧juä̧kua̧'a̧nü̧.

San Mateo 12:36

Ja̧'wa̧nü̧ ja̧'a̧ttü̧ ukuturu pä'üsä, pojokuä mo̧ro̧ rüjí mo̧ro̧ päi'omȩnä̧mä̧ o'kajuiyünä̧tä̧ ja̧'a̧tä̧ ttukuokuä'ijümä̧ i̧jȩkuä̧kua̧'a̧.

San Marcos 6:10

Ja̧'wa̧ta̧nü̧ päinä̧u̧: —Ukutu isodenä̧ dokuächätukuomȩnä̧mä̧ juȩnȩtä̧ ku̧ja̧kuä̧tü̧kua̧ja̧ juorü kui̧wä̧tu̧kuomȩbü päi'ünä̧.