San Marcos 5:7 - Nuevo Testamento Uwotjüja

⁷ wopi'ünü̧ pä'inü̧: —¡Mȩkuo̧pä̧rä̧ttü̧, Dio, mo̧ro̧jä̧ Ru̧wa̧ I̧tti̧, Jesú-mä̧, usurä chȩmä̧u̧nä̧mä̧ jȩ'kuä̧ttü̧, Dio i̧mi̧nä̧ jädepäkujä̧!,

TÄ̧DO Ä̧CUÄ̧ I̧HUȨNȨ

⁷ Jesúsru huopönö pä'inödo: —¿Tta̧'a̧nö̧ jȩcu̧'ä̧cua̧'a̧jä̧ttö̧ ttörö, Jesús, Dios Ju'toju Ru̧hua̧ I̧tti̧? Dios i̧mi̧nä̧ pä'ösä ucuru. Suronämä ubara ttucuhue'ättö.

San Marcos 5:7 ပူးပေါင်းရင်းမြစ်များ

San Mateo 16:16

Päomȩnä̧, Simón Peduru-mä̧ päinä̧ku̧: —Ukumä̧, Crito-jä̧, a̧'kua̧rü̧ kkä̧ku̧ Dio weinä̧ku̧.

San Mateo 26:63

Ja̧'wa̧nü̧ pä'anä̧ Jesú-mä̧ ädätokoku, sacerdote ttu̧ru̧wa̧mä̧ jua̧u̧ru̧ pä'inü̧: —Dio kkü̧ i̧mi̧nä̧ wedäkujä̧, isopäi'ünä̧ Dio i̧tti̧ Jesucrito kuttümä̧ jikuäwatü pä'üsä.

San Mateo 4:3

Ja̧'wa̧nü̧ ja̧'a̧ Äwettämä̧ kka̧kuä̧mü̧ toa pä'ü, Jesú ü̧jo̧mȩku̧ ichi'ü päinä̧ku̧: —Isopäi'ünä̧ Dio I̧tti̧ kuttümä̧, pi̧yȩ inä̧du kuäkuäwä päi'ünä̧ pärowächünä̧, pä'i.

San Mateo 8:29

Juätümä̧ pä̧i̧ku̧nä̧ wopinä̧tü̧: —¡Dio I̧tti̧mä̧ toku pä'ü jȩ'kua̧'a̧jä̧ttü̧, ujuturumä̧! ¿Ji̧nä̧ rüjí mo̧ro̧, ro̧ȩkuä̧kuȩ mo̧ro̧ päi'oka'anä̧ usurä tȩmä̧u̧nä̧ ro̧'ȩpü̧ kuichäja'a tä̧jí̧?

San Marcos 1:24

—¿Tta̧'a̧nü̧ pä'ü, uku Jesú Nazare ttü̧ja̧sa̧mä̧, ujuturu mȩ'o̧pä̧rü̧ ichüjä̧ttü̧? ¿be'epäjipü iku kui̧chä̧jä̧u̧jä̧ tä̧jí̧? ukurumä̧, Dio ȩmi̧nä̧ku̧ pä'ü wo̧jua̧sä̧.

San Marcos 14:61

pä'ü, jäepa'anä̧, ädätoka'a yabokutä 'koruchi'ü kki̧nü̧. —Pä'äjita'anü̧, sacerdote wotü ttu̧ru̧wa̧mä̧ jä'epü ä̧ju̧kui̧nä̧ku̧: ¿Ukutä ja̧'a̧, Crito, Dio i̧tti̧ esewäkumä̧?

San Marcos 3:11

Ja̧'wa̧ta̧nü̧, epíritu-tu̧ suropätü'i̧nä̧ ttiwe'kiyunä̧ ä'ka jo̧mȩ kka̧kuä̧mä̧rü̧. —¡Ukumä̧, Dio I̧tti̧jä̧! pä'ü wottinä̧ku̧.

San Marcos 5:6

Ja̧'wa̧nü̧ wä'ijümä̧, Jesú-ru topo'ü, pä̧i̧ku̧nä̧ jopipünü̧ ichi'ü, Jesú ä'ka jo̧mȩ iwe'kiyunä̧, kkä̧mä̧dü̧,

San Marcos 5:8

¡epíritu su̧ro̧pa̧, jua̧u̧ttü̧mä̧ rä'opächi pä'ü!, Jesú weäku: —woina̧'a̧ jua'amä̧.

San Lucas 1:32

Jua̧u̧mä̧ ukuo i̧sa̧ jä̧kua̧, Mo̧ro̧jä̧ Ru̧wa̧ I̧tti̧ pä'ü o̧ttä̧kua̧; ja̧'wa̧ta̧nü̧ Tu̧ru̧wa̧ Dio-mä̧, jä'o Dawi uruwo ji̧nü̧ i̧yä̧kua̧.

San Lucas 4:34

Ja̧'a̧tä̧ topitü; ¿Däjé jȩ'kua̧ päkuätüttü̧ ujuturumä̧, Jesú Nazare ttü̧ja̧sa̧mä̧? ¿Ujuturu Be'epäjipü kuichäja'a? ukurumä̧ wo̧jua̧sä̧: Dio i̧sa̧ Sa̧tu̧ pä'ümä̧.

San Lucas 6:35

Ja̧'wa̧nü̧ ja̧'a̧ttü̧ kuaboiyotürümä̧ eseu, adiutä jȩpü̧ pärowätukui juätüttü mikuä tta̧kuä̧rä̧tu̧kuo̧ka̧'a̧; ja̧'wa̧nü̧ jȩ'kuä̧tu̧kuo̧mȩnä̧ mikuäwächünä̧mä̧ rü̧ȩnä̧ iyäwäkua'a. Ja̧'wa̧ta̧nü̧ Mo̧ro̧jä̧ Ru̧wa̧ i̧tti̧mü̧ kuäkuotüjä̧. Jua̧u̧mä̧ ppättäda'anä̧ esewokotüru'i̧nä̧, suronä̧ jȩpä̧tü̧rü̧'i̧nä̧ rȩrü̧jü̧ toäkuäwä i̧sa̧ ja̧'a̧ttü̧.

San Lucas 8:28

Jua̧u̧mä̧, Jesú-ru topo'ü, ä'ka jo̧mȩ iwe'kiyunä̧, pä̧mä̧dü̧, wopinü̧: —¿Däjé jȩchä̧'i̧jä̧ku̧ttü̧ ukú, mo̧ro̧jä̧ Ru̧wa̧ Dio i̧tti̧rü̧mä̧? Ukuru jä'epüsä, usurä chȩmä̧u̧nä̧ jȩ'ku̧ juiyattü̧ pä'ü.

San Juan 20:31

Ja̧'wa̧nü̧ ja̧'a̧nä̧, pi̧yȩmä̧ wȩyu̧kui̧'i̧na̧'a̧, Jesú-mä̧ Crito ja̧'a̧, Dio I̧tti̧ pä'ü esetü, jua̧u̧ i̧mi̧nä̧ kkä̧kuä̧wä̧ i'ko ttu̧ju̧nä̧ra̧ pä'ü.

Hechos 16:17

Juäju mü̧ä̧yajumä̧, Pauru'i̧nä̧, ujuturu'i̧nä̧ to'ka'anä̧ ichü wopinä̧ju̧: —¡Pitü ttü̧ja̧mä̧, Dio mo̧ro̧jä̧ ru̧wa̧ umüwäyotü ja̧'a̧ ja̧'wa̧nü̧ ukuturu kki̧'ä̧kuä̧wä̧ mä̧nä̧ ji'äwätümä̧!

Hechos 19:13

Ja̧'wa̧nü̧ ja̧'a̧nä̧, yotukunä̧ judío mä̧ri̧mü̧ mä̧nä̧nä̧ kue'ächü, epíritu-tu̧ suropätürü, ttü̧ja̧ttü̧ rättopächünä̧ Jesú i̧mi̧nä̧ jȩtta̧ pä'ü, pä'inä̧tü̧: «Pauru jiäwä'ijäku Jesú i̧mi̧nä̧ räkuepä'chätukua pä'ü, wȩdä̧u̧jä̧.»

Hechos 8:36

Jua̧u̧nü̧ o'ka'a, aje kko̧mȩ 'kuäto'omȩnä̧, Etiopía i̧sa̧mä̧ pä'inü̧; —Pȩnȩtä̧ akua'a ajiyamä̧; ¿däjetä tto̧ȩpä̧ra̧'a̧jä̧ttü̧, bautizo jȩchä̧kuä̧wa̧ pä'ümä̧? [

Romanos 16:20

Ja̧'wa̧nü̧ jȩ'kuä̧tu̧kuo̧mȩnä̧ Dio eseäkuäwä iyümä̧, ku̧jä̧pi̧yä̧tu̧ku̧nä̧ kkȩdü̧ kuikuätukunä̧ jȩä̧kua̧ Satanás-rü̧. Tu̧ru̧wa̧ Jesucrito ukuturu ppädinünä̧ kka̧kuä̧tu̧kui̧.

Hebreos 2:14

Ja̧'wa̧ta̧nü̧ ji̧nä̧ ya̧tȩ i̧tti̧mü̧, ttidepättü'i̧nä̧, ttukuojattü'i̧nä̧ ji̧nä̧ ji̧yȩtȩnä̧ ttä'ijüta'anü̧, Jesú'i̧nä̧ ttü̧ja̧ ttidepänä̧'i̧nä̧, ukuojanä̧'i̧nä̧ winü̧; wa'ü ikuomȩnä̧ ji̧yȩnä̧tä̧ wa'are ujuru kkȩdü̧ ikua pä'ümä̧, jua̧u̧mä̧ äwettärü ji̧na̧'a̧.

Hebreos 7:1

Jua̧u̧ Mequisede-mä̧ Salem ütawiyä ru̧wa̧ pinü̧; mo̧ro̧jä̧ Dio rü̧tä̧wa̧ sacerdote pinü̧. Abraha̧-mä̧, ruwotürü kurä rowäu iso juo'epä̧ji̧'ka̧ ppa̧wä̧chi̧'a̧'a̧, Mequisede-mä̧ rä'o'ü te'äu kkä̧nü̧, adiutä ja̧rü̧ pä'ü ukuokuinä̧ku̧;

Santiago 2:19

Dio-mä̧ ya̧tȩtä̧ ja̧'a̧ pä'ü esetüjä̧, ja̧u̧ kuesetümä̧ adiwa'a; ja̧'wa̧ta̧nü̧ ä̧wȩttü̧'i̧nä̧ esetü ye'ekumä̧ ttü̧'ä̧wä̧tü̧.

2 Pedro 2:4

Dio-mä̧ á̧gȩrȩ suronä̧ jȩpi̧tü̧rü̧mä̧ jȩpo̧ko̧tü̧ jü̧nä̧mä̧ topokü pinü̧, ja̧'wa̧nü̧ ja̧jü̧jueimä̧ okurära̧'a̧tä̧ kkisäu ikuinä̧u̧ ja̧'wa̧ta̧nü̧ yo̧mȩtä̧, kä̧rȩnä̧sa̧nä̧ nü̧'kü rütäwomȩ ütinä̧u̧ pojokuä mo̧ro̧bü päi'ünä̧.

1 Juan 3:8

Surojü jȩpü̧ kkü̧mä̧ äwettä i̧sa̧ ja̧'a̧; isopäi'ünä̧ äwettämä̧ ä̧kuo̧mȩnä̧ttü̧tä̧ päi'ünä̧ surojü jȩi̧na̧'a̧ttü̧. Isopäi'ünä̧ Dio I̧tti̧mä̧ ichinü̧, äwettä aditäwä si'epü ikua pä'ü.

Judas 1:6

Ja̧'wa̧ta̧nü̧ á̧gȩrȩ-rü ttaditäwä tta̧ttä̧rä̧kuä̧wo̧ka̧'a̧, ttü̧ja̧kuo̧mȩttü̧ rä'opächinä̧tü̧rü̧mä̧, Dio-mä̧ yo̧mȩ 'kuäopünä̧tä̧ ttü̧'ȩjü̧nä̧ kärenä̧ ütinä̧u̧, ji̧yȩnü̧ ü'ojo'ü mo̧ro̧bü päi'ünä̧.

Apocalipsis 12:12

¡Ja̧'wa̧nü̧ ja̧'a̧ttü̧, eseäkuäwätukui mo̧ro̧jä̧ jäwä'i̧nä̧, ja̧'wa̧ta̧nü̧ mo̧ro̧jä̧nä̧ kka̧kuä̧tü̧'i̧nä̧! jü̧nä̧. Ja̧'wa̧nü̧ ja̧'a̧nä̧, ¡Isottü̧! ¡rȩjȩnä̧'i̧nä̧, rü̧ä̧ ajenä̧'i̧nä̧ kka̧kuä̧tü̧rü̧ juiyo ra̧wä̧pi̧ja̧'a̧, isopäi'ünä̧ äwettämä̧ a̧'u̧ku̧nä̧tä̧ mo̧ro̧ kki̧'ä̧ku̧, wo̧juä̧u̧ ukuturu, suronä̧ jȩa̧ pä'ü a̧mi̧ sura'a mȩyȩwi̧nü̧!