San Marcos 5:22 - Nuevo Testamento Uwotjüja

²² Ja̧'wa̧nü̧ ü̧ja̧'a̧, ya̧tȩ, sinagoga u̧ru̧wa̧, Jairo pä'ü mi̧kua̧ ichi'inü̧. Jua̧u̧mä̧ Jesú-ru topo'ü, ü̧jä̧pü̧ jo̧mȩ iwe'kiyunä̧ pä̧mä̧dü̧,

TÄ̧DO Ä̧CUÄ̧ I̧HUȨNȨ

²² Ja̧'hua̧nö̧ ja̧'a̧ Jairo pä'ö mi̧cua̧, judíos ttu̧huo̧jui̧'i̧node ru̧hua̧, 'chä̧hui̧'i̧nö̧do. Jesúsru tomenä, Jesús ä'ca jo̧mȩ ihue'quiyunä kä̧mä̧di̧nö̧do.

San Marcos 5:22 ပူးပေါင်းရင်းမြစ်များ

San Mateo 2:11

Isodenä̧ dottächi'omȩnä̧, ji̧'chi̧cha̧wa̧ ja̧ju̧ María-ku ü̧ja̧'a̧ topinä̧tü̧; topümä̧ ttiwe'kiyunä̧ pä̧mä̧dü̧ ttu̧ru̧wa̧ jü̧nä̧ ttesewinä̧ku̧; esewäjä'kotümä̧, ttiäre Pärätä ȩko̧ka̧, ba'epo'ü mippoünä̧ ttiyinä̧ku̧ oro'i̧nä̧, incienso'i̧nä̧, mirra'i̧nä̧ jü̧nä̧.

San Marcos 5:33

Ja̧'wa̧nü̧ ji̧yä̧kua̧ na̧'ä̧chä̧jä̧ju̧mä̧ rü̧ȩnä̧ ye'ü tti̧'ä̧u̧ kkä̧nü̧, jua̧u̧ 'kuäopäjimä̧ kku̧wo̧jua̧'a̧ttü̧ 'chä̧wi̧'ü̧, jua̧u̧ ä'ka jo̧mȩ kkiwe'kiyunä̧ pä̧mä̧dü̧ o'kajuiyünä̧ jueünä̧ jijäwinä̧ku̧.

San Marcos 5:38

Ja̧'wa̧nü̧ ja̧'a̧, sinagoga u̧ru̧wa̧ Jairo ojusodenä̧ i̧'chi̧'o̧mȩnä̧, ttü̧ja̧ rü̧ȩnä̧ ajuäkuäu wotta'a topinü̧.

San Lucas 13:14

Ja̧'wa̧nü̧ Jesú-mä̧ Sawaru mo̧ro̧ aditü ikua'a topü, sinagoga isode u̧ru̧wa̧mä̧ ra̧wä̧ri̧pü̧ ttü̧ja̧rü̧ pä'inü̧: —Kko̧ro̧mü̧ttü̧nü̧ ya'ute mo̧ro̧ jo̧mȩnä̧ kka̧'a̧ adikuä mo̧ro̧mä̧; jua̧u̧nü̧ mo̧ro̧tä̧ ichätukui, ja̧'wa̧nü̧ ja̧'a̧nä̧ Sawaru mo̧ro̧mä̧ aditü ttikuätukuaku pä'ümä̧ kuichätukuä.

San Lucas 5:8

Ja̧'wa̧nü̧ ja̧'a̧ topü Simón Peduru-mä̧, Jesú ä'ka jo̧mȩ iwe'kiyunä̧ pä̧mä̧dü̧nü̧ pä'inü̧: —¡Chu̧ru̧wa̧, ttüttümä̧ 'kȩ'i̧pä̧chi̧. Ttümä̧ surojütä jȩä̧kuä̧wä̧ i̧sa̧sä̧!

San Lucas 8:28

Jua̧u̧mä̧, Jesú-ru topo'ü, ä'ka jo̧mȩ iwe'kiyunä̧, pä̧mä̧dü̧, wopinü̧: —¿Däjé jȩchä̧'i̧jä̧ku̧ttü̧ ukú, mo̧ro̧jä̧ Ru̧wa̧ Dio i̧tti̧rü̧mä̧? Ukuru jä'epüsä, usurä chȩmä̧u̧nä̧ jȩ'ku̧ juiyattü̧ pä'ü.

Hechos 13:15

Weäwä wȩnȩ'i̧nä̧, profeta-tü̧ wȩyu̧kuä̧'i̧nä̧ to̧pä̧rü̧ ttukuokuäji o'ka'a, sinagoga isode uruwotümä̧ jättepinä̧u̧: —Chawaruwä chi̧jä̧wa̧tü̧, ttü̧ja̧rü̧ jikuäwa päkuätuku kkü̧ttü̧mä̧ jitätä ji'äwätukui, pättinä̧u̧.

Hechos 18:17

Ja̧'wa̧nü̧ ja̧'a̧ sinagoga u̧ru̧wa̧ Sóstenes-rü̧ o'katoi'ünä̧ 'chu'ädo'ü, kuäkuäpü jȩpi̧nä̧tü̧, Tribunal isotü ttä'ka jo̧mȩttü̧; ja̧'wa̧nü̧ jȩtta̧'a̧nä̧ Galió̧-mä̧ ja̧'a̧tä̧ toinä̧u̧.

Hechos 18:8

Ja̧'wa̧nü̧ ja̧'a̧, Crispo pä'ü mi̧kua̧mä̧, sinagoga isode u̧ru̧wa̧ ja̧'a̧ ojusodenä̧ kka̧kuä̧tu̧ku̧ o'katoi'ünä̧ esetü ikuinü̧, Tu̧ru̧wa̧rü̧mä̧. Ja̧'wa̧ta̧nü̧ Corinto ttü̧ja̧'i̧nä̧ ä̧ju̧ku̧ rekuätü tteseta'a bautizo jȩtti̧nä̧u̧.

Apocalipsis 22:8

Ttü, Ju̧a̧-mä̧, pi̧yȩ jäwä topü'i̧nä̧ topinü̧sä̧, ä̧ju̧ku̧'i̧nä̧ ä̧ju̧kui̧nü̧sä̧. Ja̧'wa̧nü̧ topü'i̧nä̧ topäji̧'ka̧, ä̧ju̧ku̧'i̧nä̧ ä̧ju̧kuä̧ji̧'ka̧mä̧, á̧gȩ ttürü i̧jȩpä̧ji̧ ä'ka jo̧mȩ chiwe'kiyunä̧ ma̧'ä̧mi̧nü̧sä̧, chesewarü pä'ü.