San Marcos 4:8 - Nuevo Testamento Uwotjüja

⁸ Ja̧'wa̧nü̧ ja̧'a̧nä̧, kkoro ppächämä̧, rȩjȩ adiwomȩ ma̧ä̧chi̧na̧'a̧. Jua̧u̧mä̧ ba'ipü rü̧ä̧chi̧na̧'a̧ u̧wä̧ju̧ wȩjü̧nä̧ päi'ünä̧; ji̧yȩku̧ ochanä̧mä̧ treinta-nü̧ u̧wä̧ju̧ jo̧mȩnä̧, kkoro ochanä̧mä̧ sesenta-nü̧ u̧wä̧ju̧ jo̧mȩnä̧, kkoro pünä̧mä̧ ciȩnü̧dä̧jä̧ wȩji̧na̧'a̧ ji̧yȩtȩnä̧mä̧.

TÄ̧DO Ä̧CUÄ̧ I̧HUȨNȨ

⁸ Koro jacuä jähuämä ji̧'qui̧cha̧nö̧tä̧, rȩjȩ adihuome ma̧ä̧chi̧na̧'a̧do. Ja̧u̧ jacuä jähuä adiu baumä, rö̧ȩnä̧ huȩji̧na̧'a̧do. Koromä treinta jo̧mȩnä̧ huȩji̧na̧'a̧do. Koromä sesenta jo̧mȩnä̧ huȩji̧na̧'a̧do. Koromä ya'ute cien jo̧mȩnä̧ huȩji̧na̧'a̧do.

San Marcos 4:8 ပူးပေါင်းရင်းမြစ်များ

San Mateo 13:23

Ja̧'wa̧nü̧ ja̧'a̧nä̧, rȩjȩ adiwomȩ ma̧ä̧chi̧nü̧ jä̧ji̧mä̧ wȩnȩkuä̧cha̧'a̧, Dio i̧wȩnȩ ttä̧ju̧kuo̧mȩnä̧ adiu wo̧jui̧'ä̧tü̧rü̧ ja̧'wa̧nü̧ ja̧'a̧ jo̧mȩnü̧ u̧wä̧ju̧ wȩjä̧u̧ru̧, yotütenä̧mä̧ ciȩnü̧ pünä̧, kkorotünä̧mä̧ sesenta-nü̧ pünä̧, kkorotünä̧tä̧ treinta-nü̧ pünä̧, yotüku pünä̧mä̧.

San Mateo 13:8

Ja̧'wa̧nü̧ ja̧'a̧nä̧ kkoro ppächämä̧, rȩjȩ adiwomȩ ma̧ä̧chi̧nü̧tä̧ ji̧na̧'a̧ u̧wä̧ju̧ adiu wȩji̧nü̧mä̧. Ji̧yȩtȩnä̧mä̧ ciȩnü̧ pünä̧, kkoronä̧mä̧ sesenta-nü̧ pünä̧, kkoronä̧tä̧ treinta-nü̧ pünä̧, jü̧nä̧.

San Marcos 4:20

Ja̧'wa̧ta̧nü̧ rȩjȩ adiwomȩ kku̧nä̧wi̧'i̧nü̧ jä̧ji̧mä̧ wȩnȩkuä̧cha̧'a̧; Dio i̧wȩnȩ ä̧ju̧ku̧ adiu esetätürü, treinta-nü̧ pünä̧'i̧nä̧, sesenta-nü̧ pünä̧'i̧nä̧, ciȩnü̧ pünä̧'i̧nä̧ ttu̧wä̧jü̧ iyünä̧ kka̧kuä̧tü̧rü̧.

San Marcos 4:7

Ja̧'wa̧ta̧nü̧ kkoro u̧wä̧ju̧mä̧ so̧ä̧'kua 'kä̧tȩ jo̧mȩ ma̧ä̧chi̧na̧'a̧. Jua̧u̧ so̧u̧ bawi'omȩnä̧, trigo kuäwä jä̧ji̧mä̧ so̧ü̧tä̧ a̧ttä̧di̧'i̧nü̧, u̧wä̧ju̧ wȩjü̧ juiyünä̧tä̧.

San Marcos 4:9

Jua̧u̧ pä'ü kä'ädü, päinä̧u̧: Ä̧ju̧kuä̧kuä̧wä̧ kku̧nä̧rä̧tü̧mä̧, ä̧ju̧kuä̧tu̧kui̧.

San Lucas 8:15

Ja̧'wa̧ta̧nü̧ rȩjȩ adiwomȩ ma̧ä̧chi̧nü̧ jä̧ji̧mä̧, Dio i̧wȩnȩ tta̧mi̧so'kinä̧ adiu 'chu'ädü ä̧ju̧ku̧, ji̧yȩnä̧tä̧ ukuotü kkä̧nü̧, u̧wä̧ju̧ kku̧nä̧rä̧tü̧rü̧ wȩnȩkuä̧cha̧'a̧.

San Lucas 8:8

Ja̧'wa̧ta̧nü̧ kkoromä̧ rȩjȩ adiwomȩ ma̧ä̧chi̧na̧'a̧; ja̧'wa̧nü̧ ja̧'a̧ jua̧u̧mä̧ bä'ipü rü̧ä̧chi̧nü̧ o'ka'a, jíkunä̧ u̧wä̧ju̧mä̧ ciȩnü̧ pünä̧ wȩji̧na̧'a̧. Pi̧yȩ ji'äu kkä̧nü̧ Jesú-mä̧ yabonü̧ pä'inü̧: «¡Ä̧ju̧kua̧ pä'ü, ä̧ju̧kuä̧kuä̧wä̧ kku̧nä̧rü̧mä̧ ä̧ju̧kui̧!»

San Juan 15:5

Ttütäsä, uwa daumä̧, ukutumä̧ ä̧na̧jui̧yä̧jä̧. Ttünä̧ kkü̧mä̧ ja̧'wa̧ta̧nü̧ ttü chü̧jä̧ku̧mä̧, jua̧u̧tä̧ ja̧'a̧ u̧wä̧ju̧ rü̧ȩnä̧ wȩjä̧ku̧mä̧; ja̧'wa̧nü̧ ja̧'a̧ttü̧ ttü toünä̧mä̧, yoriso jȩa̧ pä'ümä̧ juiya'a.

San Juan 7:17

Ya̧tȩ Dio-rü pä̧wä̧rü̧jü̧ jȩa̧ pä'ütä ja̧'a̧, isopäi'ünä̧ Ttü chu̧wo̧juȩtü̧, Dio-ttü ichü pä'ü wo̧jua̧mä̧ ja̧'wa̧ta̧nü̧ jü̧ juiyüttü'i̧nä̧, churutä pä̧wä̧rü̧jü̧tä̧ wo̧juȩtü̧tó pä'ü wo̧jua̧mä̧.

Hechos 17:11

Juätü judío-mä̧ Tesalónica-nä̧ kka̧kuä̧tü̧ttü̧'i̧nä̧ abonä̧nü̧ adiu eseäkuäwinä̧tü̧, Dio i̧wȩnȩmä̧ eseunu̧ ä̧ju̧kui̧nä̧tü̧, mo̧ro̧ ji̧nü̧'a̧kuä̧ wȩyu̧kuä̧ wȩnȩ topü wo̧jui̧pi̧nä̧tü̧, jittäumä̧ isopäi'ünä̧ ja̧ pä'ü.

Efesios 2:21

Jua̧u̧nä̧tä̧, juode isode jättäjode 'kiyü 'chu̧ä̧rü̧nä̧ ttäräbe'omȩnä̧, Dio-rü ukuokuäkuäwode, surojü juiyode adikui'a'a Tu̧ru̧wa̧ ü̧jo̧de.

Filipenses 1:11

Isopäi'ünä̧ Jesucrito ppäda'anä̧tä̧, adiwäjueimä̧ jȩ'kuä̧kuo̧tü̧jä̧ ttü̧ja̧ Dio-rü ukuotü tteseäkuäwarü pä'ümä̧.

Colosenses 1:6

jua̧u̧mä̧ ukuturu'i̧nä̧ rȩbȩwi̧na̧'a̧. Jua̧u̧mä̧ rü̧ȩnä̧ yo'äwi'ü rü̧ä̧cha̧'a̧ pi̧jä̧ o'kajuiyünä̧. Ukuturu Dio rȩrü̧jü̧ toü kuä̧ju̧kui̧nä̧tu̧kuo̧mȩttü̧ kkä̧mä̧dü̧.