San Marcos 4:7 - Nuevo Testamento Uwotjüja

⁷ Ja̧'wa̧ta̧nü̧ kkoro u̧wä̧ju̧mä̧ so̧ä̧'kua 'kä̧tȩ jo̧mȩ ma̧ä̧chi̧na̧'a̧. Jua̧u̧ so̧u̧ bawi'omȩnä̧, trigo kuäwä jä̧ji̧mä̧ so̧ü̧tä̧ a̧ttä̧di̧'i̧nü̧, u̧wä̧ju̧ wȩjü̧ juiyünä̧tä̧.

TÄ̧DO Ä̧CUÄ̧ I̧HUȨNȨ

⁷ Ja̧'hua̧ta̧nö̧ koro jacuä jähuä ji̧'qui̧cha̧nö̧tä̧, so̧ä̧'cua̧nä̧ ma̧ä̧chi̧na̧'a̧do. Ja̧u̧ bahui'omenä, so̧ä̧'cua̧ rȩä̧di̧'i̧na̧'a̧do u̧huä̧ju̧ huȩjo̧ca̧'a̧nä̧.

San Marcos 4:7 ပူးပေါင်းရင်းမြစ်များ

San Mateo 13:22

Ja̧'wa̧ta̧nü̧ so̧ä̧'kua 'kä̧tȩ jo̧mȩ ma̧ä̧chi̧nü̧ u̧wä̧ju̧ jä̧ji̧mä̧, Dio i̧wȩnȩ ttä̧ju̧kua̧'a̧nä̧, pi̧jä̧ jäwänä̧tä̧, pärätä ruwonä̧tä̧ tta̧'kua̧ ro'ekuätürü wȩnȩkuä̧cha̧'a̧; ttä̧ju̧kuä̧ji̧mä̧ a̧ttä̧di̧'ä̧u̧ u̧wä̧ju̧ iyü juiyünä̧ wotürü.

San Mateo 13:7

Kkoro u̧wä̧ju̧mä̧ so̧ä̧'kua 'kä̧tȩ jo̧mȩ ma̧ä̧chi̧na̧'a̧, jua̧u̧mä̧ so̧ä̧'kua büó juomȩnä̧ a̧ttä̧di̧'i̧nü̧.

San Mateo 13:8

Ja̧'wa̧nü̧ ja̧'a̧nä̧ kkoro ppächämä̧, rȩjȩ adiwomȩ ma̧ä̧chi̧nü̧tä̧ ji̧na̧'a̧ u̧wä̧ju̧ adiu wȩji̧nü̧mä̧. Ji̧yȩtȩnä̧mä̧ ciȩnü̧ pünä̧, kkoronä̧mä̧ sesenta-nü̧ pünä̧, kkoronä̧tä̧ treinta-nü̧ pünä̧, jü̧nä̧.

San Marcos 4:6

Ja̧'wa̧nü̧ ja̧'a̧nä̧ kkä̧wa̧, räo'omȩnä̧ kuo'ü iku, iwewi appiyä juiya'attü̧ joi'inü̧.

San Marcos 4:8

Ja̧'wa̧nü̧ ja̧'a̧nä̧, kkoro ppächämä̧, rȩjȩ adiwomȩ ma̧ä̧chi̧na̧'a̧. Jua̧u̧mä̧ ba'ipü rü̧ä̧chi̧na̧'a̧ u̧wä̧ju̧ wȩjü̧nä̧ päi'ünä̧; ji̧yȩku̧ ochanä̧mä̧ treinta-nü̧ u̧wä̧ju̧ jo̧mȩnä̧, kkoro ochanä̧mä̧ sesenta-nü̧ u̧wä̧ju̧ jo̧mȩnä̧, kkoro pünä̧mä̧ ciȩnü̧dä̧jä̧ wȩji̧na̧'a̧ ji̧yȩtȩnä̧mä̧.

San Lucas 12:15

Ja̧'wa̧ta̧nü̧ päinä̧u̧: —Tta̧'a̧rä̧kuä̧u̧ kka̧kuä̧tu̧kui̧, pi̧jä̧ttü̧ kku̧nä̧rä̧kuä̧wä̧ kkü'kekunä̧ usäwänä̧ ma̧kuä̧mä̧tu̧ku̧ juiyäkua'anü̧; isopäi'ünä̧ ttiäre rü̧ȩnä̧ ttu̧ju̧nä̧ra̧ja̧ pä'üdä̧jä̧, tta̧'kua̧rü̧mä̧ kku̧nä̧rä̧kuä̧wo̧kü̧ ja̧'a̧.

San Lucas 21:34

Ja̧'wa̧ta̧nü̧ kua̧mü̧nä̧ pa̧ja̧tü̧ ttu̧'ȩpä̧rä̧kuäu̧nu̧ kka̧kuä̧tu̧kui̧, abo 'kuäo'ünä̧ kuä̧nü̧mä̧, tä̧'ä̧mä̧kuä̧u̧mä̧ ja̧'wa̧ta̧nü̧ pi̧jä̧ jäwämä̧ rü̧ȩnä̧ amükuädümä̧ jȩ'kuä̧tu̧kuä̧ ja̧'wa̧nü̧ jȩ'kuä̧tu̧ku̧ttü̧mä̧ ku̧ni̧chä̧rä̧tu̧kua̧'a̧nä̧ jua̧u̧ mo̧ro̧ rȩbȩä̧kuä̧u̧ juiyäkua'anü̧.

San Lucas 8:14

Ja̧'wa̧ta̧nü̧ so̧ä̧'kua 'kä̧tȩ jo̧mȩ ma̧ä̧chi̧nü̧ jä̧ji̧mä̧, Dio i̧wȩnȩmä̧ ttä̧ju̧kua̧'a̧nä̧, ji̧yȩnä̧tä̧ ttü̧jo̧mȩnä̧, 'kuo̧pa̧ja̧'a̧nä̧ tta̧'kua̧ roekuäkuäwänä̧, pärätänä̧, pi̧jä̧ üadiwänä̧, u̧wä̧ju̧ ttiyü juiyünä̧tä̧ ma̧'ä̧mä̧tü̧rü̧ wȩnȩkuä̧cha̧'a̧.

San Lucas 8:7

Ja̧'wa̧ta̧nü̧ kkoro u̧wä̧ju̧mä̧ so̧ä̧'kua 'kä̧tȩ jo̧mȩ ma̧ä̧chi̧na̧'a̧; ja̧'wa̧nü̧ ja̧'a̧ yo̧mȩtȩnä̧ so̧ä̧'kua'i̧nä̧ bawi'omȩnä̧; jua̧u̧ jä̧ji̧mä̧ bau juiyünä̧tä̧ kkȩnü̧ ikuina̧'a̧.