San Marcos 4:24 - Nuevo Testamento Uwotjüja

²⁴ Ja̧'wa̧ta̧nü̧ päinä̧u̧: «Adiu ä̧ju̧kuä̧tu̧kui̧. Kkorotürü jȩ'kuä̧tu̧ku̧'ta̧'a̧nü̧, ukuturu'i̧nä̧ jȩä̧kuä̧wä̧kua̧'a̧, juȩnȩ yabonä̧ kuä̧ju̧kuä̧tu̧ku̧'i̧nä̧ jäekuäkua'a.

TÄ̧DO Ä̧CUÄ̧ I̧HUȨNȨ

²⁴ Ja̧'hua̧ta̧nö̧ pä'inödo jahuätörö: —Cuä̧ju̧cuä̧tu̧cu̧mä̧ a̧mö̧cuä̧rä̧tu̧cui̧. Ucutu korotörö päcuhuätucu ta'anö, Dios pä̧cua̧ ucuturu'inä. Ucutu ä̧ju̧cuä̧tö̧rö̧, rö̧ȩnä̧nö̧ i̧yä̧cua̧.

San Marcos 4:24 ပူးပေါင်းရင်းမြစ်များ

San Mateo 7:2

Isopäi'ünä̧ Dio-mä̧ kkorotürü ja̧'wa̧nü̧ wotüjä̧ pä'ü jȩ'kuä̧tu̧ku̧ta̧'a̧nü̧, ukuturu'i̧nä̧ ja̧'wa̧ta̧nü̧tä̧ jȩä̧kuä̧u̧jä̧; ja̧'wa̧ta̧nü̧ kkorotü jȩttü̧ pa̧ja̧tȩ'ü̧ jȩ'kuä̧'i̧jä̧tu̧ku̧ta'anü̧, ukuturu'i̧nä̧ ji̧yȩta̧'a̧kuä̧ jȩä̧kua̧.

San Marcos 9:7

Ja̧'wa̧ta̧nü̧ juätü ttu̧wä̧mȩ jo̧mȩ kkä̧rü̧'koppa juiächia'attü, rȩmi̧pi̧na̧'a̧ «pidemä̧, ttütä chi̧tti̧ rü̧ä̧nä̧ rȩni̧'a̧: jua̧u̧ru̧ ä̧ju̧kuä̧tu̧kui̧,» jü̧nä̧.

San Lucas 8:18

«Ja̧'wa̧nü̧ ja̧'a̧ttü̧, kuä̧ju̧kuä̧tu̧ku̧mä̧ adiu ä̧ju̧kuä̧tu̧kui̧; isopäi'ünä̧ kku̧nä̧rü̧rü̧mä̧ yabonü̧ iyäwäkua'a; ja̧'wa̧ta̧nü̧ jui̧'a̧rü̧mä̧, suro a̧'u̧ku̧nä̧ u̧ju̧nä̧rü̧'i̧nä̧ 'choikuäkua'a.»

San Juan 10:16

Ja̧'wa̧ta̧nü̧, kkorotü oweja-tü̧ po̧ka̧nä̧ kka̧kuo̧ko̧tü̧rü̧'i̧nä̧ kku̧nä̧rü̧sä̧; juätürü'i̧nä̧ chi̧'chä̧chä̧kua̧sä̧, chi̧wȩnȩ ttä̧ju̧kua̧'a̧ttü̧; ja̧'wa̧nü̧ jo̧mȩnä̧ oweja-tü̧mä̧, ji̧nä̧ yo̧mȩtȩ ttu̧ru̧wa̧ku̧ ttü̧ja̧kuä̧kuo̧tü̧.

San Juan 10:27

Ttü chä̧ji̧mü̧ oweja-tü̧mä̧, chi̧wȩnȩ ä̧ju̧ku̧mä̧ wo̧juä̧tü̧, pärokua'aku ttü'i̧nä̧ chu̧wo̧juä̧u̧ ja̧'a̧ttü̧ cho'ka'anä̧ ichätü.

San Juan 5:25

Isopäi'ünä̧ pädäu̧jä̧: Täkü mo̧ro̧ rȩbȩä̧kuä̧wa̧'a̧, jua̧u̧ mo̧ro̧mä̧ jitätä ja̧'a̧; wa'inä̧tü̧ Dio I̧tti̧ i̧wȩnȩ ttä̧ju̧kuä̧kuo̧mȩmä̧; ja̧'wa̧nü̧ ja̧'a̧ttü̧ ä̧ju̧kuä̧tü̧mä̧ tta̧'kua̧ri̧'ä̧kuo̧tü̧.

Hechos 17:11

Juätü judío-mä̧ Tesalónica-nä̧ kka̧kuä̧tü̧ttü̧'i̧nä̧ abonä̧nü̧ adiu eseäkuäwinä̧tü̧, Dio i̧wȩnȩmä̧ eseunu̧ ä̧ju̧kui̧nä̧tü̧, mo̧ro̧ ji̧nü̧'a̧kuä̧ wȩyu̧kuä̧ wȩnȩ topü wo̧jui̧pi̧nä̧tü̧, jittäumä̧ isopäi'ünä̧ ja̧ pä'ü.

2 Corintios 9:6

Pi̧yȩ amükuädätukui: a̧'u̧ku̧nä̧tä̧ kku̧nu̧mä̧, a̧'u̧ku̧nä̧tä̧ ü̧ka̧ka̧tä̧kua̧ u̧wä̧ju̧mä̧; ja̧'wa̧ta̧nü̧ rü̧ȩnä̧ kku̧nu̧mä̧, rü̧ȩnä̧ ü̧ka̧ka̧tä̧kua̧, u̧wä̧ju̧mä̧.

Hebreos 2:1

Ja̧'wa̧nü̧ ja̧'a̧ttü̧, tä̧ju̧kuä̧'i̧jü̧mä̧ adiu ttu̧'ȩpä̧rü̧nü̧ tä̧ju̧kua̧ pä'ü rekuä rü̧ja̧'a̧. Jueü mä̧nä̧ttü̧ 'kȩtȩkuä̧chü̧ juiyäkua'anü̧.

1 Pedro 2:2

Ji̧'chi̧cha̧wa̧ jareünä̧ uwäpächü atate isoya päkuoya pä̧wä̧rü̧jü̧nä̧ usa'a jä̧'i̧nü̧'a̧nü̧ Epíritu jäwä usätukui, ja̧u̧nä̧tä̧ büó juokuätukuomȩnä̧ ra̧wä̧pi̧jü̧ttü̧ kki̧'i̧kuä̧mä̧ ku̧ju̧nä̧rä̧tu̧kua̧,

1 Juan 4:1

Chawaruwä chi̧jä̧wa̧tü̧, Dio iyinä̧ku̧ Epíritu-ru kku̧nä̧rä̧tü̧jä̧ pä'ätürümä̧ o'katoi'ünä̧rü̧mä̧, kuesetätukuä, kka̧kuä̧mü̧ topätukui, isopäi'ünä̧ Dio iyinä̧ku̧ Epíritu-ru ttu̧ju̧nä̧ra̧ja̧ pä'ü. Isopäi'ünä̧ pi̧jä̧nä̧, rekuätü Dio i̧wȩnȩ ji'äwätü profetas 'kua̧rü̧nä̧ rä'ekuätü.