San Marcos 4:19 - Nuevo Testamento Uwotjüja

¹⁹ pi̧jä̧ttü̧ tta̧'kua̧ roekuäkuäwänä̧, ruwotü juoäwänä̧, yaparetä̧u̧ o'kajuiyünä̧ ttu̧ju̧nä̧ra̧ pä'ü amükuädäkuäwänä̧. Ja̧'wa̧nü̧ jo̧mȩnä̧ Dio i̧wȩnȩ ttä̧ju̧kuä̧ji̧mä̧ a̧ttä̧di̧'a̧'a̧, u̧wä̧ju̧ wȩjü̧ juiyünä̧tä̧.

TÄ̧DO Ä̧CUÄ̧ I̧HUȨNȨ

¹⁹ Ja̧'hua̧nö̧ ja̧'a̧nä̧ pi̧jä̧ jähuä rö̧ȩnä̧ amöcuädätö. Ja̧u̧ juäitä esetätö. Pi̧jä̧ jähuä o'ca juiyönä ttu̧ju̧nä̧ra̧ pä'ö amöcuädätö. Ja̧u̧ juäi o'ca juiyönä rȩä̧cha̧'a̧ Dios i̧huȩnȩ ttesetomenä. U̧huä̧ju̧ jui'ätö.

San Marcos 4:19 ပူးပေါင်းရင်းမြစ်များ

San Mateo 13:22

Ja̧'wa̧ta̧nü̧ so̧ä̧'kua 'kä̧tȩ jo̧mȩ ma̧ä̧chi̧nü̧ u̧wä̧ju̧ jä̧ji̧mä̧, Dio i̧wȩnȩ ttä̧ju̧kua̧'a̧nä̧, pi̧jä̧ jäwänä̧tä̧, pärätä ruwonä̧tä̧ tta̧'kua̧ ro'ekuätürü wȩnȩkuä̧cha̧'a̧; ttä̧ju̧kuä̧ji̧mä̧ a̧ttä̧di̧'ä̧u̧ u̧wä̧ju̧ iyü juiyünä̧ wotürü.

San Mateo 19:23

Ja̧'wa̧nü̧ ji̧yä̧ku̧ Jesú-mä̧ u̧wo̧juȩtä̧u̧rü pä'inü̧: —Isopäi'ünä̧ pädäu̧jä̧ Dio weomȩ pärätä ru̧wa̧ doächa pä'ümä̧, rü̧ȩnä̧ weyekua'a abotä ja̧'a̧.

San Mateo 3:10

Ja̧'wa̧ta̧nü̧ i̧da̧pä̧'kȩmä̧, dauwiyä ujukäkänä̧ jo̧mȩnü̧ to̧'ü̧ kku̧nä̧wa̧'a̧ kka̧'a̧, adiwäjuei u̧wä̧ju̧ wȩjo̧kü̧ oi dauwiyä kku̧'u̧ ttikua pä'ü. Ja̧'wa̧nü̧ jü̧ oimä̧ o'kajuiyünä̧tä̧ kku̧'u̧ iku okuränä̧ kku ikuäwä oi ja̧'a̧.

San Marcos 4:18

Ja̧'wa̧ta̧nü̧ kkorotümä̧ so̧ä̧'kuanä̧ kku̧nä̧wi̧'i̧nü̧ jä̧ji̧nä̧ wȩnȩkuä̧cha̧'a̧; Dio i̧wȩnȩ ttä̧ju̧kua̧'a̧nä̧,

San Lucas 10:41

Päjiyäku, Jesú-mä̧ ädätinä̧kua̧: —Marta, Marta kuaditäwänä̧tä̧ kua̧'kua̧ ro'ekuäjujä̧.

San Lucas 21:34

Ja̧'wa̧ta̧nü̧ kua̧mü̧nä̧ pa̧ja̧tü̧ ttu̧'ȩpä̧rä̧kuäu̧nu̧ kka̧kuä̧tu̧kui̧, abo 'kuäo'ünä̧ kuä̧nü̧mä̧, tä̧'ä̧mä̧kuä̧u̧mä̧ ja̧'wa̧ta̧nü̧ pi̧jä̧ jäwämä̧ rü̧ȩnä̧ amükuädümä̧ jȩ'kuä̧tu̧kuä̧ ja̧'wa̧nü̧ jȩ'kuä̧tu̧ku̧ttü̧mä̧ ku̧ni̧chä̧rä̧tu̧kua̧'a̧nä̧ jua̧u̧ mo̧ro̧ rȩbȩä̧kuä̧u̧ juiyäkua'anü̧.

San Juan 15:2

O'kajuiyünä̧, ä̧na̧jui̧yä̧, ttünä̧ u̧wä̧ju̧ wȩjo̧kü̧mä̧, ȩmü̧ i̧kuä̧kuȩ; ja̧'wa̧nü̧ ja̧'a̧nä̧, o'kajuiyünä̧ ji̧yȩ u̧wä̧ju̧ wȩjü̧mä̧, surojü juiyünä̧ aditü u̧ju̧nä̧kuȩ, yabonü̧ u̧wä̧ju̧ wȩja̧ pä'ü.

Romanos 12:2

Jitä pä̧nä̧, pi̧jä̧ ttü̧ja̧ tta̧mü̧kuäda'akumä̧ ku̧ja̧kuä̧tu̧kuä̧; ja̧'wa̧nü̧ ja̧jü̧jueimä̧, pärokua'aku ku̧wo̧jui̧'ä̧tu̧kua̧'a̧ku̧tä̧ pärowächätukui, jȩpü̧ ku̧jä̧tu̧ku̧'i̧nä̧ pärowächünä̧ Dio-rü pä̧wä̧rü̧jü̧, Dio eseu, jo̧mȩnü̧ adiwä juei ku̧wo̧juä̧tu̧kuä̧kua̧'a̧nü̧.

Efesios 2:2

Mo̧ täbokümä̧ jua̧u̧nä̧tä̧ kue'ächinä̧tü̧jä̧, pi̧jä̧nä̧ isoppanä̧ we'ü wea'akutä. Epíritu jü̧nä̧ uwäpokü jua̧u̧mä̧ jitä'i̧nä̧ ukuotokotürü we'ü.

Efesios 6:12

Isopäi'ünä̧ ujutumä̧, pi̧jä̧ ttü̧ja̧ jü̧'a̧nü̧ ttidepä'i̧nä̧, ttiwe'kiyu'i̧nä̧ kku̧nä̧rä̧tu̧ku̧mä̧ rowäwokotüjä̧, pärokua'aku ruwo we'ätuku, ttujuru kku̧nä̧rä̧tu̧ku̧, ja̧'wa̧ta̧nü̧ pi̧jä̧ttü̧ yo̧ä̧jä̧nä̧ we'ätuku, epíritu wotü suropätü mo̧ro̧jä̧nä̧ we'ätuku rowäwätüjä̧.

Filipenses 4:6

Kkorojueinä̧mä̧ kua̧'kua̧ rokuekuätukuä, ja̧'wa̧nü̧ ja̧jü̧ jueimä̧, ukuturu rekuä rü̧jü̧mä̧ Dio u̧wo̧juö̧nä̧tä̧ ji'äwätukuirü; churutä esewuönü̧.

1 Timoteo 6:17

Pi̧jä̧nä̧ttü̧ pärätä ruwotürümä̧, kku̧nä̧rä̧tü̧jä̧ pä'ü ukuo tettäu juiyünä̧ ja̧'wa̧ta̧nü̧ tturuwonä̧ tta̧'kua̧ ttu̧wȩnä̧rü̧ juiyünä̧ we'itü, ja̧'wa̧nü̧ ja̧jü̧ jueimä̧ kkorojuei'i̧nä̧ o'kajuiyünä̧ rü̧ä̧nä̧ iyü Dio 'kuäopü kkü̧rü̧tä̧ tesewäkua'anü̧.

2 Timoteo 4:10

ja̧'wa̧ta̧nü̧ Dema, pi̧jä̧ jäwä kkü'kekuienä̧ku̧'i̧nä̧ Tesalónica-ra̧'a̧ 'chä̧nü̧ kkatä u̧ju̧ni̧'i̧nä̧ku̧sä̧. Crecente-tä Galacia rȩjȩra̧'a̧ i̧'cha̧'a̧nä̧ Tito-mä̧ Dalmacia-ra̧'a̧ 'chi̧nü̧.

2 Pedro 1:8

Isopäi'ünä̧ pi̧yȩ ukutunä̧ kko̧mȩnä̧mä̧ büó juo'ätüjä̧, kua̧'kua̧ru̧tu̧ku̧nä̧'i̧nä̧ mikuäwokü jü̧nä̧mä̧ jo̧ka̧'a̧ jä̧kua̧'a̧, tu̧ru̧wa̧ Jesucrito-rü'i̧nä̧ tteruwäku jü̧nä̧mä̧ jo̧kü̧ jä̧kua̧.

Judas 1:12

Juätü eseu jȩpä̧tü̧jä̧ pä'ü jȩttü̧ pä'kärimä̧ dä'ä ttuäwätä ja̧'a̧, jua'amä̧ ttu̧kuȩ kuä̧nü̧'i̧nä̧, au'i̧nä̧ ttukuotäkuäwoka'a jȩtta̧'a̧ttü̧. Juätümä̧ tturuwotü ja̧'a̧nä̧, tta̧mü̧nä̧ jäwätä a̧mü̧kuä̧rü̧ jȩpä̧tü̧. Juätümä̧ kkä̧rü̧'koppa ajiya juiyoppa jä̧'i̧nü̧'a̧nü̧ kkoromȩ, kkoromȩnü̧ kuȩä̧dä̧u̧. Ja̧'wa̧ta̧nü̧ Dauwiyä u̧wä̧ju̧ wȩjo̧kü̧ oi jä̧'i̧nü̧'a̧nü̧ wotü, ujukäkiyä ke'opü ikuäwä jä̧'i̧nü̧'a̧nü̧ wa'ü ikuinä̧tü̧.