San Marcos 2:12 - Nuevo Testamento Uwotjüja

¹² Ja̧'wa̧nü̧ päku, na̧'ä̧chä̧ji̧mä̧, yotäku ä̧rä̧mi̧'ü̧ ttü̧ja̧ o'katoi'ünä̧ ttä'ka jo̧mȩttü̧ ü̧'ä̧bä ȩmi̧pü̧, juorümä̧ rä'opächü, 'chi̧nü̧. Ja̧'wa̧nü̧ ji̧yä̧u̧, o'katoi'ünä̧, Dio-rü eseäkuäu, pä'inä̧tü̧: —Yoriso, pa̧'a̧nü̧ jü̧mä̧ topokotü pä'ijä̧tü̧jä̧, jü̧nä̧.

TÄ̧DO Ä̧CUÄ̧ I̧HUȨNȨ

¹² Ja̧u̧ 'cuä̧'a̧mä̧ yotäcu ä̧rä̧mi̧'i̧nö̧do. Ö̧rä̧sa̧ ȩmi̧pö̧, juhua'attö rä'opächinödo, o'ca toi'önä to̧ttä̧ro̧mȩnä̧. Ja̧'hua̧nö̧ ja̧'a̧ttö̧ o'ca toi'önä to̧pä̧rö̧ kä̧nö̧ esehuinätödo Diosrö. Pä'inätödo: —Ja̧'hua̧nö̧ jö̧mä̧ yoröiso topocotö pä'iätöjä.

San Marcos 2:12 ပူးပေါင်းရင်းမြစ်များ

San Mateo 12:23

Ja̧'wa̧nü̧ ji̧yä̧u̧ o'katoi'ünä̧ rü̧ȩnä̧ amükuädü, pä'inä̧tü̧: ¿Pidetä, chu Dawi i̧tti̧do pättinä̧ku̧mä̧?

San Mateo 15:31

Ttü̧ja̧mä̧ to̧o̧ to̧ttä̧rü̧nä̧tä̧ päi'ünä̧ ukuokuokotü päjätümä̧ ukuokuinä̧tü̧, ttidepättü ji̧yȩtȩ jui'ätü'i̧nä̧ adiwächinä̧tü̧, ppi̧sä̧ ppi̧sä̧ 'chä̧jä̧tü̧'i̧nä̧ adiu kue'ächinä̧tü̧ ja̧'wa̧ta̧nü̧ ä̧to̧kä̧jä̧tü̧'i̧nä̧ topinä̧tü̧. Ja̧'wa̧nü̧ ji̧yä̧u̧ Irae ttü̧ja̧ ttü̧ä̧nä̧wa̧ Dio-rütä esewinä̧tü̧.

San Mateo 9:33

Jesú epíritu su̧ro̧pa̧rü̧ rä'epü ikuomȩnä̧; i̧wȩnȩ jui'äjimä̧ jua̧u̧nu̧tä̧ kkä̧mä̧dü̧ ukuokuinü̧. Ukuokuiyä̧u̧ ttü̧ja̧mä̧ rü̧ȩnä̧ amükuädünü̧ pä'inä̧tü̧: —¡Iraettümä̧ pa̧'a̧nü̧ jü̧mä̧ yorisotä topokotü pä'ijätüjä̧!

San Mateo 9:8

Ja̧'wa̧nü̧ ja̧'a̧ topü ttü̧ja̧mä̧ ukuo te'äunu̧, Dio-rü esewinä̧tü̧, ttü̧ja̧rü̧ ttukuo iyini̧yä̧u̧.

San Marcos 1:27

Jua̧u̧ topü, o'katoi'ünä̧, ye'ünä̧nü̧, yotukunä̧ jä̧'ȩpä̧rä̧kuä̧wi̧nä̧tü̧: —¿Pi̧yȩmä̧ däjejä̧ttü̧? ¿Jareünä̧ kkä̧kuä̧wä̧ u̧wo̧juȩtü̧mä̧? ja̧'wa̧ta̧nü̧ ¿ujuruku weümä̧? ¿juiyo, epíritu suropätü'i̧nä̧ ttukuotünä̧ weümä̧?

San Marcos 2:11

—Ä̧rä̧mi̧'ü̧, ku̧'ä̧bä ȩmi̧pü̧, kuojusodera̧'a̧ täi.

San Lucas 13:13

Pä'ükkä̧nü̧, kku̧wä̧mȩ mȩo̧mȩnä̧, yotäku, 'tu̧wa̧yu̧nü̧ kkäja'amä̧ jue'ächipü, Dio-rü rü̧ȩnä̧ esewinä̧ju̧.

San Lucas 17:15

Juätüttü ya̧tȩ umä̧richei jä̧ji̧ttü̧ adiutä pi̧'o̧po̧'ü̧mä̧, ppa̧'ä̧chä̧chi̧nü̧ Dio-rü eseu rü̧ȩnä̧ wo̧pä̧ya̧.

San Lucas 5:26

O'katoi'ünä̧, ¡isottü̧! pä'ü ye'inä̧tü̧, ye'ükkä̧nü̧ Dio-rü eseäkuäu, pä'inä̧tü̧: —Jitä mo̧ro̧ totokü jä̧'i̧jü̧ topäjätüjä̧.

San Lucas 7:16

Ja̧'wa̧nü̧ ja̧'a̧ topü o'katoi'ünä̧tä̧ ye'ünü̧, Dio-rü eseäkuäu, pä'inä̧tü̧: —Ujutu tü̧'kä̧tȩnä̧ttü̧, rü̧ȩnä̧ profeta wa̧ rä'opü. Pä'ükkä̧nü̧ pä'inä̧tü̧: —Dio-mä̧ ujutu u̧mü̧wä̧yotürü ppä'ädü ichäji ja̧'a̧.

San Juan 7:31

Ja̧'wa̧nü̧ ja̧'a̧mä̧, rekuätü Jua̧u̧ru̧ esetätümä̧ pä'inä̧tü̧: —Chutä Crito ichomȩnä̧mä̧ ¿Pide jȩü̧ abonä̧nü̧dí̧ jȩä̧kua̧, jȩtto̧kü̧ jueimä̧?

San Juan 9:32

Yoriso ya'utenä̧'i̧nä̧ ä̧ju̧kuä̧kuä̧wo̧ka̧'a̧ jä̧'i̧ja̧'a̧; ya̧tȩ uwäpächinü̧tä̧ päi'ünä̧ ä̧to̧ka̧rü̧ aditü ikuäjido pätta'amä̧.

Hechos 4:21

Ja̧'wa̧nü̧ pä̧tti̧yä̧u̧ ye'epe'ipütä rä'epü tti̧kui̧nä̧u̧. Ro̧'ȩpü̧ suronä̧ jȩtta̧tü̧ pättäja'anä̧ suronä̧ jȩttä̧ji̧ jui̧yi̧yä̧u̧ ja̧'wa̧ta̧nü̧ ttü̧ja̧rü̧'i̧nä̧ ye'eku. Ttü̧ja̧mä̧ Dio-rü rü̧ȩnä̧ o'katoi'ünä̧ esewinä̧tü̧ ja̧'wa̧nü̧ 'kuäopäjämȩnä̧.