San Marcos 13:13 - Nuevo Testamento Uwotjüja

¹³ Ja̧'wa̧ta̧nü̧ ttü jäwänä̧mä̧, o'katoi'ünä̧ tta̧mi̧ suru tottäkuä̧u̧jä̧; ja̧'wa̧nü̧ ja̧'a̧nä̧ rüjí mo̧ro̧ päi'ünä̧ a̧mi̧ 'ki'ächi'ü kkü̧tä̧ jä̧kua̧'a̧ ra̧wä̧pi̧jü̧ttü̧ ttü̧ji̧pä̧kuo̧tü̧mä̧.

TÄ̧DO Ä̧CUÄ̧ I̧HUȨNȨ

¹³ Ttörö cuesetätucua'attö, o'ca toi'önä ttö̧ja̧ kö'cocotö ttäcuotö ucuturu. Ja̧'hua̧nö̧ ja̧'a̧nä̧ röji mo̧ro̧ päi'önä adiu esetömä, kä̧cuä̧huä̧ i'co u̧ju̧nä̧rä̧cua̧.

San Marcos 13:13 ပူးပေါင်းရင်းမြစ်များ

San Mateo 10:22

Ttü chi̧mi̧ jäwänä̧mä̧, o'katoi'ünä̧tä̧ tta̧mi̧suru tottäkuä̧u̧jä̧; ja̧'wa̧nü̧ ja̧'a̧nä̧ rüjí mo̧ro̧bü päi'ünä̧ a̧mi̧ 'ki'ächi'ü ü̧jü̧ttü̧mä̧, jua̧u̧tä̧tä̧ jä̧kua̧'a̧ ü̧ji̧pä̧kua̧mä̧.

San Mateo 24:13

Ja̧'wa̧nü̧ ja̧'a̧nä̧ pi̧jä̧ beipächomȩbü päi'ünä̧, a̧mi̧ 'ki'ächi'ü kkü̧mä̧ ra̧wä̧pi̧jü̧ttü̧mä̧ ü̧ji̧pä̧kua̧,

San Mateo 24:9

Ja̧'wa̧nü̧ jo̧mȩnä̧ usurä kuȩmä̧wä̧tu̧ku̧nä̧ iyü tti̧kuä̧kuä̧u̧jä̧; ja̧'wa̧nü̧ jȩpü̧ kuä'äu iku, pi̧jä̧ ttü̧ja̧mä̧ o'katoi'ünä̧ ttü jäwänä̧ ttüjü'koko̧u̧ kuäkuotüjä̧.

San Marcos 13:12

Ja̧'wa̧ta̧nü̧ ttü̧bü̧o̧tü̧ku̧mä̧, ttü̧jä̧wa̧tü̧ku̧mä̧ iyäkuäu ttikuäkuotü kuä'ü ttikuatü pä'ü; ttä'otü̧'i̧nä̧, tti̧tti̧mü̧ku̧ mi̧kuä̧ri̧yä̧kuä̧u̧ iyä'chäkuäu ttikuäkuotü; ja̧'wa̧nü̧ jȩttä̧kuä̧wo̧mȩnä̧ kuä'äu ttikuäkuä̧u̧.

San Lucas 21:17

Ja̧'wa̧ta̧nü̧ o'katoi'ünä̧, Ttü jäwänä̧mä̧ ttü̧jü̧'ko̧ko̧u̧ kuäkuotüjä̧.

San Lucas 6:22

Eseäkuäwä rȩbȩä̧kuä̧wä̧kua̧'a̧, Ttü jäwänä̧, ttü̧ja̧ ukuturu kkü'kü jui'ü ya̧'a̧wä̧'chü̧, kuäkuäpü jȩtto̧mȩnä̧.

San Juan 15:21

Ja̧'wa̧nü̧ ja̧'a̧ttü̧, pi̧yȩ o'kajuiyünä̧ jȩttä̧kuo̧tü̧jä̧, ttü chi̧mi̧ jäwänä̧, jua'amä̧ ttürü we'inü̧rü̧ ttieruwa'attü̧.

San Juan 17:14

Ttümä̧ kui̧wȩnȩ chiyinä̧u̧; ja̧'wa̧nü̧ ja̧'a̧ pi̧jä̧ ttü̧ja̧mä̧ ttü̧jü̧'ko̧ko̧u̧ pinä̧tü̧, pi̧jä̧ ttü̧ja̧ ttoka'attü, ttü'i̧nä̧ pi̧jä̧ ttü̧ja̧sa̧ chü juiyüta'anü̧.

Romanos 2:7

Tturuwo, wa'ü ikuäwokü, ukuo jäwä Dio iyatü pä'ü tta̧'ä̧rü̧nü̧ adiwä juei jȩpü̧ kki̧nä̧tü̧rü̧mä̧, Dio-mä̧ kkä̧kuä̧wä̧ i̧yä̧kuä̧u̧.

Gálatas 6:9

Ja̧'wa̧nü̧ ja̧'a̧ttü̧ adiwä juei jȩpü̧mä̧ 'kuäkuächi'ätukuä; isopäi'ünä̧ tijuiyuwächi'oka'a jü̧ttü̧mä̧, ji̧yȩtä̧ mo̧ro̧ päi'omȩnä̧ u̧wä̧ju̧ tȩmä̧kuo̧tü̧jä̧.

Hebreos 10:39

Ja̧'wa̧nü̧ ja̧'a̧ttü̧ ujutumä̧ tto'ka'aku ppa̧'ä̧chü̧ toe'ächäkuäwä isotümä̧kü̧jä̧ ja̧'wa̧nü̧ ja̧jü̧ jueimä̧ ta̧'kua̧ wȩnä̧rü̧, ta̧'kua̧rü̧ kki̧'i̧kuä̧ isotüjä̧.

Hebreos 3:14

Isopäi'ünä̧ ujutumä̧ Crito-ku ji̧nä̧ ji̧yȩtȩnä̧ juo'ächinä̧tü̧jä̧, ä̧kuo̧mȩnä̧ ji̧nü̧ta'anü̧ ta̧mi̧ 'ki'ächi'ü ti̧'chü̧ttü̧mä̧ adiwäkua'a.

Santiago 1:12

Surojü kka̧kuä̧mȩ'a̧'a̧nä̧ ujuruku a̧mi̧ 'ki'ächi'ümä̧ eseäkuäwä u̧ju̧nä̧rä̧kua̧, jua'amä̧ ja̧u̧ 'kuä'o'ü jo̧mȩnü̧ pä'i'ümä̧ Dio rȩpȩä̧u̧ru̧ premio pättü chiyäkua̧sä̧ päinü̧ kkä̧kuä̧wä̧ i'ko ȩmä̧kua̧'a̧ttü̧.

1 Juan 3:13

Chawaruwä chü̧jä̧wa̧tü̧ pi̧jä̧ ttü̧ja̧ ttüjü'küjuiyüttümä̧, ¿tta̧'a̧nü̧ pä'ü ttü̧jü̧'ko̧ko̧u̧jä̧ttü̧? pä'ümä̧ kuamükuädätukuä.

Apocalipsis 2:10

Usurä kuȩmä̧wä̧kuȩmä̧ yekuekuätukuä. Äwettämä̧ ukututtü yotüterü kärenä̧ra̧'a̧ 'chuttädünä̧ jȩä̧kua̧, kka̧kuä̧mü̧ toätukuaku pä'ü ja̧'wa̧ta̧nü̧ to̧mü̧rȩ mo̧ro̧ jo̧mȩnä̧ usurä kuȩmä̧wä̧kuo̧tü̧jä̧. Wa'ü kuikuomȩbü päi'ünä̧, kua̧mi̧ 'ki'ächi'ü kkä̧wi̧ ja̧'wa̧nü̧ jo̧mȩnä̧ a̧'kua̧rä̧kuä̧wä̧ premio pättü chi̧yä̧kua̧jä̧.

Apocalipsis 3:10

Ttü kua̧mi̧ 'kikuächi'ätukunä̧ wedinü̧mä̧ kukuotinä̧tu̧kua̧'a̧ttü̧, pi̧jä̧ ttü̧ja̧ o'katoi'ünä̧rü̧ kka̧kuä̧mü̧ toäkuäwä mo̧ro̧ päi'omȩnä̧'i̧nä̧ ttümä̧ tta̧dä̧rä̧kuä̧u̧jä̧.