San Marcos 13:11 - Nuevo Testamento Uwotjüja

¹¹ Ja̧'wa̧ta̧nü̧, ruwotü ttä'ka jo̧mȩ ttȩpo̧mȩnä̧, däjé jitäwäkua'ajó pä'ümä̧, kua̧'kua̧ tta̧kuȩkuä̧tu̧kuä̧. Jua̧u̧nu̧mä̧ iyäwi'ütä kukuokuäkuotüjä̧, ukuturu pä̧wä̧rü̧jü̧mä̧kü̧, Epíritu Sa̧tu̧tä̧ i̧yä̧kua̧ kukuokuätukua pä'ümä̧.

TÄ̧DO Ä̧CUÄ̧ I̧HUȨNȨ

¹¹ Ucuturu ruhuotörö ttiya pä'ö ttȩpo̧mȩnä̧, jicuhuähuätucuä̧cuȩmä̧ yoröiso cuamöcuädätucuä'. Jicuhuähuätucuä̧cuȩmä̧, Dios iyä̧cuȩmä̧ jicuhuähuäcuotöjä. Ja̧'hua̧nö̧ jicuhuähuätucuomenä, Espíritu Santo huo̧juȩcuä̧nä̧ jicuhuähuäcuotöjä.

San Marcos 13:11 ပူးပေါင်းရင်းမြစ်များ

San Mateo 10:17

Ja̧'wa̧ta̧nü̧ tta̧kuä̧rä̧kuä̧wä̧tu̧kua̧jä̧, isopäi'ünä̧ ruwotürü iyü iku kkä̧nü̧'i̧nä̧, sinagogas odewiyättü'i̧nä̧ kuäkuättäkuä̧u̧jä̧.

San Marcos 13:12

Ja̧'wa̧ta̧nü̧ ttü̧bü̧o̧tü̧ku̧mä̧, ttü̧jä̧wa̧tü̧ku̧mä̧ iyäkuäu ttikuäkuotü kuä'ü ttikuatü pä'ü; ttä'otü̧'i̧nä̧, tti̧tti̧mü̧ku̧ mi̧kuä̧ri̧yä̧kuä̧u̧ iyä'chäkuäu ttikuäkuotü; ja̧'wa̧nü̧ jȩttä̧kuä̧wo̧mȩnä̧ kuä'äu ttikuäkuä̧u̧.

San Marcos 13:9

Ja̧'wa̧nü̧ ukututä'i̧nä̧, tta̧'a̧rä̧kuä̧u̧ kka̧kuä̧tu̧kui̧; isopäi'ünä̧, ruwotürü iyü ttikuäkuä̧u̧jä̧ ja̧'wa̧ta̧nü̧ sinagoga odewiyättü kuäkuättäkuä̧u̧jä̧. Ttü jäwänä̧mä̧, gobernador ruwotü ttä'ka jo̧mȩ'i̧nä̧, rȩjȩ ruwotü ttä'ka jo̧mȩ'i̧nä̧ ttȩpä̧kuä̧u̧jä̧; ttü chütü'kü juätürü jikuäwätukua pä'ü.

San Lucas 21:12

Ja̧'wa̧nü̧ ja̧'a̧nä̧ pi̧yȩ 'kuäopäkua'a ä'kanä̧mä̧, 'chuttädätukuaku pä'ü ttusäkuä̧u̧jä̧. Ja̧'wa̧ta̧nü̧ sinagoga odewiyära̧'a̧ ttȩpä̧kuä̧u̧jä̧ jua'attü kärenä̧ ku̧'ä̧tu̧ku̧nä̧ wetta pä'ü, ruwotü ttä'ka jo̧mȩ'i̧nä̧ ttȩpä̧kuo̧tü̧jä̧ ttü chi̧mi̧ jäwänä̧mä̧.

San Juan 3:27

Pättiyäku, Ju̧a̧-mä̧ päinä̧u̧: —Ttü̧ja̧sa̧rü̧ kkorojuei Dio iyoka'a jo̧mȩnä̧mä̧, yoriso u̧ju̧nä̧ra̧ pä'ümä̧ jui̧'a̧.

Hechos 2:4

Ja̧'wa̧nü̧ päi'omȩnä̧ Epíritu Sa̧tu̧ jäwä jo̧mȩnü̧ pätti'a'attü, kkorotü tti̧wȩnȩnä̧ ukuokuinä̧tü̧; Epíritu ttukuokua pä'ü iyü'akuä̧.

Hechos 3:13

Abraha̧'i̧nä̧, Isaa'i̧nä̧ ja̧'wa̧ta̧nü̧ Jaco'inä̧, tü̧tä̧mü̧mi̧nä̧ pinä̧tü̧ ttü̧ä̧nä̧wa̧ Dio ja̧'a̧, i̧tti̧ Jesú-ru ukuo iyinü̧mä̧, ukutu kkü'kü jui'ü iyü kuikuinä̧tu̧kuä̧ku̧ru̧, Pilato-mä̧ rä'epü ikuarü pä'ü amükuädäja'anä̧.

Hechos 4:31

Ja̧'wa̧nü̧ pä'ü Dio-rü ukuoku kättädomȩnä̧, juȩnȩ ttü̧'ȩjo̧mȩmä̧ tti̧ȩ́'i̧na̧'a̧; ja̧'wa̧nü̧ päi'omȩnä̧ juȩnȩ kka̧kuä̧tü̧ o'katoi'ünä̧ Epíritu Sa̧tu̧ jäwä jo̧mȩnü̧ pätti'omȩnä̧, Dio i̧wȩnȩ ttujuruku ji'äwinä̧tü̧.

Hechos 6:10

Ja̧'wa̧nü̧ ja̧'a̧nä̧, pättü juiyünä̧ ji̧nä̧u̧, wo̧juȩku̧nä̧ ukuokuomȩttü̧ ja̧'wa̧ta̧nü̧ Epíritu Sa̧tu̧ u̧wo̧juetä̧ra̧'a̧nä̧ ukuokuomȩttü̧.

Hechos 6:15

Ja̧'wa̧nü̧ pä̧tti̧yä̧u̧, juȩnȩ ruwonä̧ pȩjä̧tü̧mä̧, Esteba̧ ü'änä̧ tottomȩnä̧, á̧gȩ ü'ä 'kua̧rü̧nä̧ tottinä̧ku̧.

Hechos 7:55

Ja̧'wa̧nü̧ ja̧'a̧nä̧, chutämä̧ Epíritu Sa̧tu̧ jäwä jo̧mȩnü̧ wa̧ ja̧'a̧, mo̧ro̧jä̧ra̧'a̧ku̧ toomȩnä̧ Dio ukuo jäwä topinü̧, Jesú-mä̧ Dio u̧wo̧jua̧'a̧ku̧nä̧ ü̧'ja̧'a̧.

1 Corintios 2:13

Jua̧u̧ tü'kümä̧ ukuokuätüjä̧, jua̧u̧ tukuokumä̧ ta̧mü̧nä̧ pa̧ja̧tü̧ tu̧wo̧juö̧ wȩnȩnä̧mä̧kü̧ ja̧'a̧, jua'amä̧ Dio i̧sa̧ Epíritu u̧wo̧juȩta̧'a̧ku̧ ukuokuätüjä̧, Epíritu jäwämä̧.

Efesios 3:5

jua̧u̧mä̧ tü̧tä̧mü̧ mi̧nä̧ ttü̧ja̧kui̧nü̧mä̧ ttu̧wo̧jui̧pa̧ pä'ümä̧ iyäwi'okü ji̧nü̧; ja̧'wa̧nü̧ ji̧na̧'a̧nä̧ jitämä̧, Epíritu-nä̧ apótore-rü'i̧nä̧, profeta-rü'i̧nä̧ Dio-mä̧ i̧jȩpi̧nü̧.

Santiago 1:5

Ja̧'wa̧ta̧nü̧ ukututtü ya̧tȩ wo̧juä̧wä̧ wȩnȩ juiüttümä̧, Dio-rü jä'epätukui, jua̧u̧tä̧ ja̧'a̧ o'katoi'ünä̧rü̧ rü̧ä̧nä̧ iyümä̧; ja̧'wa̧ta̧nü̧ yawokuoka'atä iyü.

1 Pedro 1:12

Ja̧'wa̧nü̧ ja̧'a̧nä̧, Dio-mä̧, jittäu jitütä jäwämä̧ jo̧ka̧'a̧ pä'ü ttu̧wo̧juö̧nä̧ jȩi̧nä̧u̧, ja̧'wa̧nü̧ ja̧jü̧ jueimä̧ ukuturu ppädomȩnä̧tä̧, ja̧'wa̧nü̧ ja̧'a̧ttü̧ pi̧yȩ ja̧'a̧ Epíritu Sa̧tu̧ mo̧ro̧jä̧nä̧ttü̧ wȩ'ä̧wa̧ ujurunä̧ jareü wȩnȩ jiäwinü̧mä̧. ¡Pi̧yȩmä̧ á̧gȩrȩ'i̧nä̧ jȩtta̧ pä'ü tta̧mü̧kuädü ja̧'a̧!