San Marcos 10:32 - Nuevo Testamento Uwotjüja

³² Ja̧'wa̧ta̧nü̧, Jerusarȩ́-ra̧'a̧ku̧ tti̧'cho̧mȩnä̧, Jesú-mä̧ u̧wo̧juȩtä̧u̧ ttä'kanä̧ 'chi̧nü̧. Juätümä̧, rü̧ȩnä̧ amükuädinä̧tü̧ ja̧'wa̧ta̧nü̧ o'ka'anä̧ 'chä̧tü̧mä̧ ye'ekuinä̧tü̧. Ttü̧jä̧pü̧ttü̧ ta̧ju̧nü̧ wotü, u̧wo̧juȩtä̧u̧rü kkoromȩku̧ o'ipächü pä'äji ta̧'a̧nü̧ churutä 'kuäopä̧kuȩ ji̧ä̧wi̧nä̧u̧:

TÄ̧DO Ä̧CUÄ̧ I̧HUȨNȨ

³² Jesús Jerusalén ötahuiyära̧'a̧ mä̧nä̧nä̧ i̧'cho̧mȩnä̧, u̧huo̧juȩtä̧u̧ ttä'canä 'chi̧nö̧do. Jesúsru ye'ecunänö to̧pä̧rö̧, o'ca'anä 'chi̧nä̧tö̧do. Ja̧'hua̧ ja̧'a̧ u̧huo̧juȩtä̧u̧ru̧, ttö̧jä̧pö̧ttö̧nö̧ ta̧ju̧nu̧ru̧, i̧mi̧cu̧nä̧ tti̧'cha̧ pä'ö o'ipinödo Jesús. Yodoji ja̧u̧ru̧ 'cuäopä̧cuȩ huȩnȩ ji'ähuinödo jahuätörö.

San Marcos 10:32 ပူးပေါင်းရင်းမြစ်များ

San Mateo 11:25

Ji̧yȩnü̧ mo̧ro̧ Jesú-mä̧ ädätinü̧: Chä'o, uku mo̧ro̧jä̧'i̧nä̧ pi̧jä̧'i̧nä̧ u̧ru̧wa̧rü̧ eseusä, isopäi'ünä̧ wo̧juä̧wä̧ kku̧nä̧rä̧tü̧ ttu̧wo̧jui̧pü̧ juiyünä̧ dajü kku̧nu̧, ppo̧'ä̧tü̧rü̧tä̧ ttu̧wo̧jui̧pü̧nä̧ i̧jȩpi̧nü̧jä̧.

San Mateo 13:11

Pättäku ädätinä̧u̧: Ukuturumä̧ i̧yä̧wi̧'i̧nä̧u̧jä̧ mo̧ro̧jä̧ ru̧wa̧ weü wo̧juä̧wo̧kü̧ ku̧wo̧juä̧tu̧kua̧ pä'ü; ja̧'wa̧nü̧ ja̧'a̧nä̧ jitüjarümä̧ i̧yä̧wi̧'o̧ko̧u̧ pinä̧tü̧.

San Marcos 1:27

Jua̧u̧ topü, o'katoi'ünä̧, ye'ünä̧nü̧, yotukunä̧ jä̧'ȩpä̧rä̧kuä̧wi̧nä̧tü̧: —¿Pi̧yȩmä̧ däjejä̧ttü̧? ¿Jareünä̧ kkä̧kuä̧wä̧ u̧wo̧juȩtü̧mä̧? ja̧'wa̧ta̧nü̧ ¿ujuruku weümä̧? ¿juiyo, epíritu suropätü'i̧nä̧ ttukuotünä̧ weümä̧?

San Marcos 4:34

Ji̧yȩtȩ'i̧nä̧ u̧wȩnȩto̧ka̧'a̧mä̧ ji̧ä̧wo̧ko̧u̧ pinä̧tü̧ ja̧'wa̧nü̧ ja̧'a̧nä̧ u̧wo̧juȩtä̧u̧rümä̧ o'kajuiyünä̧tä̧ i̧mi̧ku̧nä̧ rä'epü iku ji'äwinü̧.

San Lucas 10:23

Pä'ü kä'ädü, suro u̧wo̧juȩtä̧u̧rütä kkärächi'ü pä'inü̧: Eseäkuäwä rü̧ȩnä̧ kka̧'a̧, ukutu jitä to'kuätuku topätürümä̧.

San Lucas 19:28

Pi̧yȩ ji'äu kä'ädäji̧'ka̧, Jesú-mä̧ Jerusarȩ́-ra̧'a̧ 'chi̧nü̧.

San Lucas 9:51

Jesú-mä̧ mo̧ro̧jä̧ra̧'a̧ käekuächäkua'a tü'küwächäku, Jerusarȩ́ ütawiyära̧'a̧ ujuruku 'chi̧nü̧.

San Juan 11:16

Ja̧'wa̧nü̧ päiyäku, Tomá, ta̧ju̧winü̧ pä'ü ottinä̧ku̧mä̧ awaruwä, Jesú u̧wo̧juȩtä̧u̧rü pä'inü̧: —Ujutu'i̧nä̧, chutäku 'korujuotächa ti̧'chä̧tu̧kua̧.

San Juan 11:8

Pä̧u̧ u̧wo̧juȩtä̧u̧mä̧, pättinä̧ku̧: —Wo̧juȩkuä̧ i̧sa̧, ni̧po̧ ji̧nü̧mä̧ judío-mä̧, i̧nä̧ o'kinä̧ ikuäu kuä'ü ttikua pättäja'anä̧ ¿Pä'äjita'anü̧ kui̧'cha̧ päkua'a tä̧jí̧?