San Marcos 10:30 - Nuevo Testamento Uwotjüja

³⁰ Jitä pä̧nä̧mä̧, Ciȩttü̧'i̧nä̧ yabonä̧nü̧ ȩmo̧ka̧'a̧mä̧ ü̧ji̧po̧kä̧kua̧ ojusodettü'i̧nä̧, ü̧jä̧wa̧tü̧ttü̧'i̧nä̧, ijäwajutu̧ttü̧'i̧nä̧, ja̧ju̧tü̧ttü̧'i̧nä̧ i̧tti̧mü̧ttü̧'i̧nä̧, ü'ättattü'i̧nä̧, usurä ȩmä̧wa̧'a̧mä̧ ja̧'wa̧ta̧nü̧ kkä̧kuä̧wä̧ ichü mo̧ro̧ päi'omȩnä̧'i̧nä̧, kkä̧kuä̧wä̧ i'ko ȩmä̧kua̧.

San Marcos 10:30 ပူးပေါင်းရင်းမြစ်များ

San Mateo 12:32

Ja̧'wa̧ta̧nü̧ yotüte Dio I̧tti̧rü̧ suronä̧ pättüttümä̧ surojü jȩpü̧ ikuäwäkuotü ttäkuotü; ja̧'wa̧nü̧ ja̧'a̧nä̧ Epíritu Sa̧tu̧rü̧ suronä̧ pä'ätürümä̧, surojü jȩpü̧ ikuäwokotü ttäkuotü jitä pä̧nä̧'i̧nä̧, yodoji mo̧ro̧'i̧nä̧, jü̧nä̧.

San Mateo 13:8

Ja̧'wa̧nü̧ ja̧'a̧nä̧ kkoro ppächämä̧, rȩjȩ adiwomȩ ma̧ä̧chi̧nü̧tä̧ ji̧na̧'a̧ u̧wä̧ju̧ adiu wȩji̧nü̧mä̧. Ji̧yȩtȩnä̧mä̧ ciȩnü̧ pünä̧, kkoronä̧mä̧ sesenta-nü̧ pünä̧, kkoronä̧tä̧ treinta-nü̧ pünä̧, jü̧nä̧.

San Mateo 6:33

Ja̧'wa̧nü̧ ja̧'a̧ttü̧ ä'kanä̧mä̧, Ru̧wa̧ Dio weütätä, adiwomȩnä̧ jȩä̧kuä̧wä̧tä̧ usätukui ja̧'wa̧nü̧ jo̧mȩnä̧ jua̧u̧ jä̧ji̧ o'kajuiyünä̧ yaboku i̧yä̧kuä̧u̧jä̧.

San Lucas 18:30

Ja̧'wa̧nü̧ ja̧'a̧nä̧, pi̧jä̧ttü̧mä̧ u̧ju̧ni̧'i̧nü̧ttü̧'i̧nä̧ abonä̧nü̧ ȩmä̧kua̧ ja̧'wa̧ta̧nü̧ yodoji'i̧nä̧ kkä̧kuä̧wä̧ i'ko ȩmä̧kua̧.

San Juan 10:23

Jesú-mä̧ juodettü Saromón pä'ü mikuate äpatenä̧ kue'ächinü̧.

Hechos 14:22

Jua̧u̧ ütawiyä pünä̧ rȩbȩä̧kuä̧u̧mä̧, ttesetäjinä̧ tta̧'kua̧ wȩnä̧rü̧ yaboku tti̧'chü̧nä̧ jittäwinä̧u̧; jua̧u̧ ji'äumä̧ pättinä̧u̧: Dio weomȩ dodeta pä'ümä̧, rü̧ȩnä̧ usurä ȩmä̧u̧tä̧ dotächa pä'ü rekuä rü̧ja̧'a̧, pä'ü jittäwinä̧u̧.

Hechos 16:25

Ja̧'wa̧nü̧ ja̧'a̧ yodó kkä'ko päi'omȩnä̧, Pauru-rü'i̧nä̧, Sira-rü'i̧nä̧ Dio-rü ra̧wä̧wä̧ ra̧tta̧'a̧ ä̧ju̧kui̧nä̧tü̧, kkorotü juȩnȩ kärenä̧ pȩjä̧tü̧mä̧.

Hechos 5:41

Ja̧'wa̧nü̧ ja̧'a̧ juätü ruwotüttü rä'opächü, apótore-mä̧ eseäkuäwinä̧tü̧ Jesú i̧mi̧nä̧ usurä ȩmä̧jä̧'kotü.

Romanos 5:3

Suro jua̧u̧tä̧mä̧kü̧, usurä tȩmä̧kuä̧wa̧'a̧'i̧nä̧ esewätüjä̧, jua̧u̧ usurä ȩmä̧wä̧kuä̧wä̧mä̧, tta̧'a̧rü̧ weye wotünä̧ ppädü pä'ü tu̧wo̧jua̧'a̧ttü̧;

Romanos 6:23

Isopäi'ünä̧ surojü ukuotäkuäwokümä̧ wa'arenä̧tä̧ mikuäwächa'a ja̧'wa̧nü̧ ja̧'a̧nä̧ tu̧ru̧wa̧ Jesucrito-nä̧ Dio-mä̧ kkä̧kuä̧wä̧ i'ko mippoünä̧ iyinäu̧jä̧.

2 Corintios 6:10

Tta̧'kua̧ tta̧'ȩkuä̧tü̧ 'kua̧ra̧'a̧nä̧, 'kuäopünä̧tä̧ esewätüjä̧; usurä isotü 'kua̧ra̧'a̧nä̧, rekuätü ruwotü juottünä̧ ppä'ädätüjä̧; yoriso jui'ätü 'kua̧ra̧'a̧nä̧, o'kajuiyünä̧ kku̧nä̧rä̧tü̧jä̧.

Filipenses 3:8

Juȩnȩ yabo päi'ünä̧, o'kajuiyünä̧tä̧ toe'ächü jäwä ja̧'a̧, Chu̧ru̧wa̧ Crito-rü wo̧juä̧wä̧ mikuäu wȩnȩku̧ yorätetü tochomȩnä̧mä̧. Jua̧u̧ku̧ pä'i'ümä̧ o'kajuiyünä̧tä̧ to'e'ächinü̧sä̧, jua̧u̧ ji̧nü̧mä̧ ikuikuä o'ko jü̧nä̧tä̧ tochü, Crito-rü chi̧rȩbȩwa̧ pä'ümä̧.

2 Tesalonicenses 2:16

Tä'o Dio-mä̧ adiwä i̧sa̧; ja̧'wa̧nü̧ ja̧'a̧ttü̧ ujuturumä̧ eseunu̧ repe'ü ja̧'wa̧ta̧nü̧ a̧'u̧ri̧jo̧mȩnä̧ tta̧'kua̧ ȩmä̧wä̧ beipächokü, ja̧'wa̧ta̧nü̧ ra̧wä̧pi̧jü̧ttü̧ tü̧ji̧pä̧kuȩ jueünä̧ wo̧juä̧wä̧'i̧nä̧ iyinä̧u̧jä̧. Jä'o Dio-rü'i̧nä̧ tu̧ru̧wa̧ Jesucrito'i̧nä̧ jä'epüsä,

1 Timoteo 4:8

Pi̧yȩ wȩnȩ tawaruwä tü̧jä̧wa̧tü̧rü̧ ku̧wo̧juȩtü̧ttü̧mä̧, Jesucrito adiwänä̧ u̧mü̧wä̧ya̧ jä̧kua̧, ttu̧mü̧wä̧ya̧ ta̧'kua̧ wȩnä̧rä̧kuä̧wä̧ wȩnȩttü̧ kku jü̧nä̧ ja̧'wa̧ta̧nü̧ adiwäjuei wo̧juȩkuä̧ i̧'chȩ'i̧jü̧nä̧.

1 Timoteo 6:6

Ja̧'wa̧ta̧nü̧ jueünä̧tä̧ ja̧'a̧ Dio-rü esetäkuäwämä̧ rü̧ä̧nä̧ ruwotü juoäwä, ja̧'wa̧nü̧ ja̧'a̧nä̧ ji̧'ki̧cha̧nü̧tä̧ u̧ju̧nära̧'a̧nä̧'i̧nä̧ eseurütä.

Santiago 1:12

Surojü kka̧kuä̧mȩ'a̧'a̧nä̧ ujuruku a̧mi̧ 'ki'ächi'ümä̧ eseäkuäwä u̧ju̧nä̧rä̧kua̧, jua'amä̧ ja̧u̧ 'kuä'o'ü jo̧mȩnü̧ pä'i'ümä̧ Dio rȩpȩä̧u̧ru̧ premio pättü chiyäkua̧sä̧ päinü̧ kkä̧kuä̧wä̧ i'ko ȩmä̧kua̧'a̧ttü̧.

Santiago 5:11

Ja̧'wa̧ta̧nü̧ ujutumä̧ usurä ttȩmä̧wa̧'a̧nä̧ ttujuruku tta̧mi̧ 'ki'ächi'ü kka̧kuä̧tü̧rü̧ eseu kka̧kuä̧tü̧ pä'ätüjä̧. Ukutumä̧ Job usurä ȩmä̧wa̧'a̧nä̧ a̧mi̧ 'ki'ächi'ü ü̧ji̧nü̧ wȩnȩ'i̧nä̧, ja̧'wa̧ta̧nü̧ rüjinä̧ ü̧ä̧nä̧wa̧ Dio-mä̧ tta̧'a̧nü̧ jȩpü̧ esekuinä̧ku̧ttü̧ pä'ü'i̧nä̧ ä̧ju̧kui̧nä̧tü̧jä̧, isopäi'ünä̧ tü̧ä̧nä̧wa̧mä̧ rȩrü̧jü̧ toäkuäwä i̧sa̧ ja̧'a̧ttü̧ rȩrü̧jü̧nü̧ topü ppä'ädü.

1 Juan 2:25

Ja̧'wa̧nü̧ jo̧mȩttü̧, pi̧yȩ ja̧'a̧ ujuturu, chi̧yä̧kuä̧u̧jä̧ päinü̧mä̧: kkä̧kuä̧wä̧ i'ko.

1 Juan 3:1

Topätukui, Tä'o Dio ujuturu rü̧ȩnä̧ repe'ü jȩi̧nü̧, Dio i̧tti̧mü̧ pä'ü ottatü pä'ü. Ja̧'wa̧nü̧ jo̧mȩttü̧ pi̧jä̧ ttü̧ja̧mä̧ ttu̧wo̧juo̧ko̧u̧jä̧, Churutä'i̧nä̧ ttu̧wo̧juo̧ka̧'a̧ ji̧na̧'a̧ttü̧.

Apocalipsis 2:9

Aditü usurä kuȩmä̧u̧mä̧ ja̧'wa̧ta̧nü̧ usurä i̧sa̧ wokü'i̧nä̧ (jua'akumä̧ ru̧wa̧ kua'anä̧) wo̧jua̧sä̧ ja̧'wa̧ta̧nü̧ judío-mä̧ ttoka'anä̧, ujutumä̧ judío-jä̧, ya̧'a̧wä̧'chü̧ pättü'i̧nä̧ ku̧wo̧jua̧'a̧mä̧ wo̧jua̧sä̧, Satanás-rü̧ ukuokuäkuäwode jü̧nä̧tä̧ wotü pä'ü.

Apocalipsis 3:18

Ja̧'wa̧nü̧ ja̧'a̧ttü̧ jidäwäkujä̧, ttüttü kuȩma̧ pä'ü, okuränä̧ kkuwü iku säruwuönä̧ adikuä oro-ttü kuȩma̧ pä'ü ru̧wa̧ kuäkua'a̧nü̧; pü̧jä̧ta̧ tȩä̧ta̧ ku̧'ka̧tä̧wä̧kua̧'a̧nü̧, dä'ä ttüku juiya pä'ümä̧. Ja̧'wa̧ta̧nü̧ kui'äriyänä̧ jawapüja dachäwi pä'äjita'anü̧ to'kuäkua'anü̧.