San Marcos 10:23 - Nuevo Testamento Uwotjüja

²³ Ja̧'wa̧nü̧ ji̧yä̧ku̧, Jesú-mä̧ kkärächi'ü topü u̧wo̧juȩtä̧u̧rü pä'inü̧: —¡Ru̧wa̧ Dio weomȩ järe ruwotü dottächa pä'ümä̧, yoriso rü̧ȩnä̧ 'kiya'a abotä dottächäkuotü!

TÄ̧DO Ä̧CUÄ̧ I̧HUȨNȨ

²³ Jesús kärächi'ö topö, u̧huo̧juȩtä̧u̧ru̧ pä'inödo: —Iso päi'önä järe ruhuotö Dios ö̧jo̧mȩ 'chä̧cuä̧huä̧nä̧ 'quiya'a.

San Marcos 10:23 ပူးပေါင်းရင်းမြစ်များ

San Mateo 18:3

pä'inü̧: —Isopäi'ünä̧ pädäu̧jä̧ ppo̧'ä̧tü̧ jä̧'i̧nü̧'a̧nü̧ kui'ärowächätuku juiyüttümä̧, mo̧ro̧jä̧ ru̧wa̧ weomȩmä̧ do'ächokotü kuäkuotüjä̧.

San Marcos 10:15

Isopäi'ünä̧ pädäu̧jä̧, ji̧'chi̧cha̧wa̧ jä̧'i̧nü̧'a̧nü̧ Dio weü ȩmo̧kü̧mä̧, juȩnȩ Dio weomȩmä̧ do'ächokü jä̧kua̧.

San Marcos 10:22

Ja̧'wa̧nü̧ pä'a ä̧ju̧ku̧, a̧'kua̧ tta̧'ȩkui̧pü̧, mȩya̧pä̧chi̧'ä̧ji̧tä̧ i̧wi̧nü̧, rü̧ȩnä̧ ru̧wa̧ ja̧'a̧.

San Marcos 3:5

Ja̧'wa̧nü̧ jä̧ku̧, Jesú-mä̧ juȩnȩ kka̧kuä̧tü̧rü̧ üjü'kü juiyünä̧ toa'anä̧, a̧'kua̧tta̧nü̧'i̧nä̧ toinä̧u̧, ttesetü juiyünä̧ juottächini̧yä̧ku̧. Ja̧'wa̧nü̧ ja̧'a̧nä̧ päinä̧ku̧: —Ku̧mü̧ te'ädi. Päku, teädomȩnä̧ u̧mü̧nä̧ adiwächi'inä̧ku̧.

San Marcos 5:32

Ja̧'wa̧nü̧ pätta'anä̧, Jesú-mä̧, yabokutä ippeyänä̧ kka̧kuä̧tü̧rü̧, dí mȩä̧ja̧rü̧ já̧ pä'ü topä'chinü̧.

San Lucas 18:24

Ja̧'wa̧nü̧ päia'a topü Jesú-mä̧ pä'inü̧: —¡Isoo, rü̧ȩnä̧ 'kiya'a abotä jä̧kua̧'a̧, pärätä ruwotü, Ru̧wa̧ Dio weünä̧ dodetta pä'ümä̧!

San Juan 3:5

Jesú ädätinä̧ku̧: —Isopäi'ünätä̧ pädäkujä̧, ajiyattü'i̧nä̧, Epíritu-ttü'i̧nä̧ uwäpächokümä̧ Ru̧wa̧ Dio weomȩmä̧ do'ächokü jä̧kua̧.

1 Corintios 1:26

Chawaruwä chi̧jä̧wa̧tü̧, ukuturu Dio woinü̧ ku̧ja̧kui̧nä̧tu̧ku̧ amükuädätukui. Ukuturumä̧, ttü̧ja̧mä̧ pä'ätü, wo̧juä̧tü̧mä̧ a̧'u̧ku̧nä̧tä̧ winä̧tü̧, ruwonä̧ wotümä̧ a̧'u̧ku̧nä̧tä̧ winä̧tü̧ ja̧'wa̧ta̧nü̧ ttukuo kku̧nä̧rä̧tü̧ isotümä̧ a̧'u̧ku̧nä̧tä̧ winä̧tü̧, jü̧nä̧.

Santiago 2:5

Chawaruwä chü̧jä̧wa̧tü̧ pi̧yȩ adiu ä̧ju̧kuä̧tu̧kui̧: Dio-mä̧ pi̧jä̧nä̧ttü̧ usurä isotürü pojopü ȩmi̧nü̧ tta̧'kua̧ wȩnä̧rä̧kuä̧wä̧nä̧ ruwotü juotta pä'ü, ja̧'wa̧ta̧nü̧ eseu rȩpȩä̧u̧ru̧ Ru̧wa̧ Dio iäre ju'to uruwotü pätti'ünä̧, chi̧yä̧kua̧sä̧ päinü̧ ji̧nü̧ ttȩma̧ pä'ümä̧;

Santiago 4:4

¡Ukutu ttü̧ja̧ ukuotokotümä̧! ¿Yoriso jerupätüjä̧, pi̧jä̧nä̧ jäwä awaruwä juo'ächätümä̧ Dio aboiyotü ja̧'a̧ pä'ümä̧? Ya̧tȩ pi̧jä̧ jäwä a̧wa̧ru̧wa̧ juo'ekumä̧ Dio a̧bo̧i̧ya̧ jü̧nä̧tä̧ juoächü.

2 Pedro 1:11

Ja̧'wa̧nü̧tä̧ tu̧ru̧wa̧ Jesucrito surojüttü tü̧ji̧pü̧nä̧ jȩpi̧nü̧ ruwo beipokü weomȩ doächäkuäwomȩ bawekuächäkua'a.