San Marcos 1:32 - Nuevo Testamento Uwotjüja

³² Täkü, kkä̧wa̧ ma̧ä̧chä̧ji̧ o'ka'a, yodó päi'omȩnä̧. Ttü̧ja̧mä̧, rü̧ȩnä̧ na̧nȩpä̧tü̧rü̧'i̧nä̧ ja̧'wa̧ta̧nü̧ epíritu-tu̧ suropätü ttü̧ja̧kuä̧u̧ru̧'i̧nä̧ Jesú ü̧jo̧mȩku̧ i'kächinä̧tü̧.

TÄ̧DO Ä̧CUÄ̧ I̧HUȨNȨ

³² Ja̧u̧nu̧ o'ca'a kä̧hua̧ ma̧ä̧chä̧ji̧ o'ca'a, yodo päi'omenä, o'ca toi'önä na̧'ä̧chä̧tö̧rö̧'i̧nä̧, espíritus suropätörö ku̧nä̧rä̧tö̧rö̧'i̧nä̧ i'cächinätödo Jesús ö̧ja̧'a̧cu̧.

San Marcos 1:32 ပူးပေါင်းရင်းမြစ်များ

San Mateo 4:24

Ja̧'wa̧nü̧ ja̧'a̧, Siria rȩjȩ o'kajuiyünä̧ Jesú-mä̧ ukuowi'omȩnä̧ o'katoi'ünä̧ kkorottü'i̧nä̧, kkorottü'i̧nä̧ na̧nȩpä̧tü̧rü̧ i'chächinä̧tü̧. Barau na̧nȩpä̧tü̧rü̧'i̧nä̧, epíritu-tu̧ suropätü ttü̧ja̧kuä̧u̧ru̧'i̧nä̧, epilépcia mä̧richei na̧nȩpä̧tü̧rü̧'i̧nä̧ ja̧'wa̧ta̧nü̧ parárisi mä̧richei na̧nȩpä̧tü̧rü̧'i̧nä̧, Jesú-mä̧ aditü ikuinä̧u̧.

San Mateo 8:16

Ni̧pä̧cho̧mȩnä̧, Jesú ü̧jo̧mȩku̧ epíritu-tu̧tu̧ suropätü ttü̧ja̧kuä̧u̧ru̧ tti'chächa'a aditü ikuinü̧; suro i̧wȩnȩnä̧tä̧ rä'epä'chü iku, o'katoi'ünä̧rü̧ na̧nȩpä̧tü̧rü̧ aditü ikuinü̧.

San Mateo 8:17

Pi̧yȩ 'kuäopinü̧mä̧ profeta Isaía pa̧'a̧nü̧ jiäwinü̧'a̧kuä̧ 'kuäopina̧'a̧: «Chutätä aditü iku, tu̧mä̧richeimä̧ kä'eku wȩnä̧u̧ ȩpi̧nü̧.»

San Marcos 1:21

Cafarnaúm ütawiyänä̧ tti̧rȩbȩwi̧'ä̧ja̧'a̧. Sawaru mo̧ro̧ päi'omȩnä̧, Jesú-mä̧ sinagoga isodenä̧ do'ächi'ü wo̧juȩti̧nü̧.

San Marcos 1:31

Ja̧'wa̧nü̧ ja̧'a̧, 'chä̧wi̧'ü̧ kku̧mü̧ttü̧ ȩmo̧po̧'ü̧ äräbe'omȩnä̧; yotäku du'unä̧ na̧jä̧chä̧ji̧ttü̧mä̧ pi̧'i̧nä̧ju̧. Jua̧u̧ o'ka'amä̧ ttu̧kuȩ iyü jȩpi̧nä̧ju̧.

San Marcos 3:2

Ja̧'wa̧nü̧ ja̧'a̧nä̧ fariseo wotümä̧, Jesú-ru sawaru mo̧ro̧, jua̧u̧ru̧ aditü ikuaja pä'ü, to̧pä̧ri̧nä̧tü̧, kkorotürü jittäwa pä'ü.

San Lucas 4:40

Kkä̧wa̧ ma̧ä̧cho̧mȩnä̧, o'katoi'ünä̧ ttumä̧richei na̧nȩpä̧tü̧rü̧ kku̧nä̧rä̧tü̧mä̧, Jesú ü̧jo̧mȩku̧ i'kächinä̧tü̧. Ja̧'wa̧nü̧ ja̧'a̧ juätü yotukunä̧rü̧ u̧mü̧ mȩ'ü̧ aditü ikuinä̧u̧.

San Lucas 4:41

Ja̧'wa̧ta̧nü̧ rekuätü epíritu-tu̧ rä'äkuäu wopinä̧tü̧: ¡Ukumä̧ Dio i̧tti̧jä̧! pä'ü wottäku, Jesú-mä̧ wottü juiyünä̧tä̧ ra̧wä̧rü̧nü̧ wȩo̧ko̧u̧ pinä̧tü̧, Chujuamä̧ Crito ja̧'a̧ pä'ü ttu̧wo̧juä̧ku̧.