San Lucas 9:3 - Nuevo Testamento Uwotjüja

³ päinä̧u̧: —Kui̧'chä̧tu̧kua̧'a̧ttü̧, kkorojueimä̧ kuȩpä̧tu̧kuä̧: kuittä'katuku'i̧nä̧, kusakuyutuku'i̧nä̧, ku̧kuȩtu̧ku̧'i̧nä̧, pärätä'i̧nä̧; ja̧'wa̧ta̧nü̧ ku̧'ka̧tä̧wä̧ti̧yu̧tu̧ku̧'i̧nä̧, jü̧nä̧mä̧.

TÄ̧DO Ä̧CUÄ̧ I̧HUȨNȨ

³ Jesús päinä̧u̧do: —Cui̧'chä̧tu̧cuo̧mȩnä̧ cuitta'ca'inä, sacuyu'inä, i̧ri̧si̧'i̧nä̧, pärätä'inä cuȩpä̧tu̧cuä̧'. Cua̧mö̧ca̧ i̧sä̧ta̧mä̧, ji̧ta̧cu̧nä̧tä̧ ȩpä̧tu̧cui̧.

San Lucas 9:3 ပူးပေါင်းရင်းမြစ်များ

San Marcos 6:7

Ja̧'wa̧ta̧nü̧ u̧wo̧juȩtä̧u̧ ttü̧jä̧pü̧ttü̧ ta̧ju̧nü̧ wotürü wopo'ü, ttukuo iyü, ta̧ju̧pü̧nä̧ weinä̧u̧ epíritu-tu̧ suropätürü rä'epe'ü ttikua pä'ü.

San Lucas 12:22

Jua̧u̧nü̧ o'ka'a Jesú-mä̧ u̧wo̧juȩtä̧u̧rü pä'inü̧: Pi̧yȩ ukuturu pä'üsä: Kua̧'kua̧rä̧tu̧ku̧ jäwämä̧, kua̧'kua̧ rokuekuätukuä, däjé chukuäkua'ajó pä'ümä̧; ja̧'wa̧ta̧nü̧ kuidepätuku jäwä'i̧nä̧, däjé chü̧'ka̧tä̧wä̧kua̧'a̧jó pä'ümä̧.

San Lucas 12:28

Ja̧'wa̧nü̧ jo̧ka̧'a̧'i̧nä̧, isä'kua jitä mo̧ro̧mä̧ de'a kkä̧'kua ja̧'a̧nä̧, yo̧i̧mo̧ro̧mä̧ kku ikuäwäkuä'kua'i̧nä̧, Dio-mä̧ ü̧'ka̧ta̧'a̧mä̧, ¿jua'a abonä̧nü̧, ukuturumä̧, ü̧'ka̧to̧ka̧'a̧ jä̧kua̧'a̧ tä̧jí̧?

San Lucas 22:35

Ja̧'wa̧nü̧ ja̧'a̧, Jesú-mä̧ jä'epü ä̧ju̧kui̧nä̧u̧: —Ttü pärätä juiyünä̧, ku̧kuȩtu̧ku̧ juiyünä̧, kui̧jä̧pü̧ isäyatuku'i̧nä̧ juiyünä̧ wedinü̧mä̧ ¿rekuä rü̧ji̧nä̧u̧jä̧? —Päomȩnä̧, ädätinä̧tü̧: —yoriso, rekuä rü̧jo̧ko̧u̧ pinä̧tü̧jä̧.

San Lucas 3:11

Jättepäku Ju̧a̧-mä̧ ädätinä̧u̧: —ü̧'ka̧tä̧wä̧ti̧yu̧ to̧ta̧rȩ kku̧nä̧rü̧mä̧, jui̧'a̧rü̧ ppä'ädi; ja̧'wa̧ta̧nü̧ u̧kuȩ kku̧nä̧rü̧'i̧nä̧, u̧kuȩ jui̧'a̧rü̧ ppä'ädi.

San Lucas 5:29

Mateo-mä̧ ojusodettü, Jesú-ru eseu ü'ä'käri jȩi̧ni̧yä̧ku̧; ja̧'wa̧nü̧ u̧ju̧na̧'a̧ kkorotü impuesto ka̧ka̧tä̧'i̧jä̧tü̧'i̧nä̧ ja̧'wa̧ta̧nü̧ kkorotü'i̧nä̧ juätütäku mesa isodenä̧ pȩji̧nä̧tü̧.

San Lucas 9:4

Kkorode jü̧ta̧'a̧nü̧, ttojusode kui̧rȩbȩwä̧tu̧kuodenä̧, juodenä̧tä̧ ku̧ja̧kuä̧tu̧kua̧jä̧, juorü räkuopächätukuomȩbü päi'ünä̧.

2 Timoteo 2:4

Su̧ro̧do̧u̧ ttu̧ru̧wa̧ esewätü pä'ätümä̧, yoriso kkoro su̧ro̧do̧u̧ jäwä jo̧kü̧mä̧ tta̧'kua̧ ro'ekuokotü.