San Lucas 8:48 - Nuevo Testamento Uwotjüja

⁴⁸ Juäjuru, Jesú-mä̧, pä'inü̧: —Chittiju, kua̧'kua̧ ku̧wȩnä̧ra̧'a̧ttü̧ pi̧'ä̧ju̧jä̧; wȩnȩ juiyünä̧tä̧ täi.

TÄ̧DO Ä̧CUÄ̧ I̧HUȨNȨ

⁴⁸ Jesús pä'inödo jahuäjuru: —Chittiju, cuesetäja'attö na̧cu̧huä̧chä̧ji̧mä̧ pi̧'ä̧jä̧ju̧jä̧. Jitämä cua̧'cua̧ adiunätä kä̧hui̧.

San Lucas 8:48 ပူးပေါင်းရင်းမြစ်များ

San Mateo 12:20

Nä̧yü̧na̧ 'tȩä̧wi'inä̧na̧mä̧ 'te'ädü ikuokü jä̧kua̧, ra̧pa̧ra̧ isä'pa 'teyunu̧ kuoä'pa'i̧nä̧ na̧'ȩpo̧kü̧ jä̧kua̧, jueü wȩnȩ iso juoepomȩbü päi'ünä̧.

San Mateo 8:13

Jua̧u̧ o'ka'a Jesú-mä̧ su̧ro̧do̧u̧ ttu̧ru̧wa̧rü̧ pä'inü̧: —Täkü kuojusodera̧'a̧ täi, kuesetäji'a̧kuä̧ 'kuäopä̧kua̧jä̧. Päomȩnä̧ su̧ro̧do̧u̧ ttu̧ru̧wa̧ u̧mü̧wä̧ya̧mä̧, jua̧u̧nu̧tä̧ kkä̧mä̧dü̧ na̧wä̧chä̧ji̧mä̧ pi̧'i̧nü̧.

San Mateo 9:2

Jua'atä ü̧ja̧'a̧, ya̧tȩ parárisi na̧'ä̧chü̧rü̧ cama-bänä̧ ü̧'a̧'a̧ i'kächipinätü̧; ja̧'wa̧nü̧ tta̧'kua̧ ttu̧wȩnä̧ra̧'a̧ topü Jesú-mä̧ na̧'ä̧chü̧rü̧ pä'inü̧: —Kua̧'kua̧ tta̧kuȩkuä̧ chi̧tti̧; suronä̧ jȩ'kuä̧'i̧jü̧mä̧ jȩpü̧ chikuäkujä̧.

San Mateo 9:22

Ja̧'wa̧nü̧ jä̧ku̧ Jesú-mä̧ aboja̧'a̧ku̧ kkärächi'ü, topü päinä̧kua̧: —Chittiju esewipi, kua̧'u̧ ku̧wȩnä̧ro̧mȩttü̧ na̧kuä̧chü̧ttü̧mä̧ pi̧'ä̧jä̧ju̧jä̧. Päüta'anü̧, yotäku na̧ja̧chä̧'i̧jü̧ttü̧mä̧ pi̧'i̧nä̧ju̧.

San Marcos 5:34

Ja̧'wa̧nü̧ jijäwäku, Jesú-mä̧, päinä̧kua̧: —Chittiju, kua̧'kua̧ ku̧wȩnä̧ra̧'a̧ttü̧ na̧kuä̧chü̧ttü̧mä̧ pi̧'ä̧ju̧jä̧. Kua̧'kua̧ tta̧kuȩkuo̧ka̧'a̧ täi, täkü kumä̧richeittümä̧ pi̧'ä̧jä̧ju̧jä̧.

San Lucas 17:19

Pä'ü kä'ädü jua̧u̧ru̧ pä'inü̧: —Ä̧rä̧mi̧'ü̧ täi; kua̧'kua̧ ku̧wȩnä̧ro̧mȩttü̧ kumä̧richeittümä̧ pi̧'ä̧ji̧jä̧.

San Lucas 18:42

Jesú-mä̧ päinä̧ku̧: —¡Jua̧u̧nu̧mä̧ pä'äji ji̧nü̧ta'anü̧ topi!, jua'amä̧ kua̧'kua̧ ku̧wȩnä̧ro̧mȩttü̧ pi̧'i̧pü̧jä̧.

San Lucas 7:50

Ja̧'wa̧nü̧ ja̧'a̧nä̧, Jesú-mä̧ yabonü̧ juäjuru pä'inü̧: —Kua̧'kua̧ ku̧wȩnä̧ro̧mȩttü̧ kki̧'ä̧ju̧jä̧. Wȩnȩ juiyünä̧tä̧ täi.

San Lucas 8:47

Ja̧'wa̧nü̧ ja̧'a̧, kkä̧ppü̧tä̧rü̧ juiyäkua, ä'ka jo̧mȩ tti̧'ä̧wäyaju 'chä̧wi̧'ü̧ kkiwe'kiyunä̧ pä̧mä̧dü̧, ttü̧ja̧ o'katoi'ünä̧ ttä'ka jo̧mȩttü̧ ji'äwinä̧ju̧ ja̧'wa̧nü̧ jä̧kua̧sä̧ jȩpä̧jä̧ju̧ pä'ü ja̧'wa̧ta̧nü̧ yotäku kku̧'i̧pä̧ja̧'a̧'i̧nä̧ ji'äwinä̧ju̧.

Hechos 14:9

Pauru-mä̧ ukuokua'a ä̧ju̧kuä̧ri̧yä̧ku̧, toinä̧ku̧ ja̧'wa̧nü̧ toomȩnä̧ ü̧'i̧pü̧'a̧nü̧ a̧'kua̧ u̧wȩnä̧ri̧yä̧ku̧,

2 Corintios 6:18

Ja̧'wa̧nü̧ jȩ'kuä̧tu̧kuo̧mȩnä̧, Ttümä̧ Kuä'otuku Dio chä̧kua̧sä̧, ja̧'wa̧ta̧nü̧ ukutumä̧, u̧mä̧tü̧'i̧nä̧, nä̧tü̧'i̧nä̧ chi̧tti̧mü̧ kuäkuotüjä̧. Tu̧ru̧wa̧ o'kajuiyünä̧ ju̧ru̧wa̧mä̧ ja̧'wa̧nü̧tä̧ pä'ü.

Hebreos 4:2

Isopäi'ünä̧ ujutu'i̧nä̧ juätü Irae ttü̧ja̧ Egito-ttü rä'opinä̧tü̧ ji̧nü̧ta'anü̧ jareü adiwä wȩnȩ jittäwi̧nä̧u̧jä̧; ja̧'wa̧nü̧ ja̧'a̧nä̧ juätürümä̧ ppädoka'a ji̧na̧'a̧ ä̧ju̧ku̧tä̧ ttä̧ju̧kuo̧mȩnä̧mä̧, esetü tta̧'kua̧ ttu̧wȩnä̧ro̧ko̧mȩnä̧mä̧.