San Lucas 7:6 - Nuevo Testamento Uwotjüja

⁶ Pättäjäku Jesú-mä̧ jitütäku 'chä̧ji̧'ka̧, isode tü'künä̧nü̧ päia'a, su̧ro̧do̧u̧ ttu̧ru̧wa̧mä̧ awaruwärü we'inü̧, Jesú-ru pa̧'a̧nü̧ jittäwäjiyarü pä'ü: «Chu̧ru̧wa̧, ttü chojusodenä̧mä̧ dokuächü juiyü'anü̧ wa̧sä̧;

TÄ̧DO Ä̧CUÄ̧ I̧HUȨNȨ

⁶ Ja̧'hua̧ ja̧'a̧ttö̧ Jesús jahuätötäcu 'chi̧nö̧do. Ja̧'hua̧nö̧ ja̧'a̧nä̧ isode ttötö'cöhuächi'omettö, romanos ttö̧ja̧ su̧ro̧da̧u̧ ttu̧ru̧hua̧ hue'inödo yotöte ahuaruhuärö Jesúsru jittähua pä'ö. Pa̧'a̧nö̧ pä'inätödo: —“Chu̧ru̧hua̧, ucuru pä̧huä̧ juiyöttömä, chojusodera̧'a̧ cuichö juiyö'a̧nö̧ ja̧'a̧. Ttömäsä yoröiso adihuocösä chojusodenä docuhuächaja pä'ö'inä.

San Lucas 7:6 ပူးပေါင်းရင်းမြစ်များ

San Mateo 20:28

Ttü, Ubo I̧tti̧ chüta'anü̧, ttümä̧ weda pä'ümä̧ ichokü pinü̧sä̧, pärokua'aku ttu̧mü̧wä̧ya̧ jü̧nä̧tä̧, rekuätürü ppä'ädü iku cha̧'kua̧rü̧ iyäu ichinü̧sä̧.

San Mateo 3:11

Isopäi'ünä̧ ttümä̧, Dio-ku ppa̧kuä̧chä̧tu̧kua̧'a̧ kui̧jȩkuä̧tu̧kua̧ pä'ümä̧ ajiyanä̧tä̧ bautizo jȩpü̧sä̧; ja̧'wa̧nü̧ ja̧'a̧nä̧ ttü cho'komȩnä̧ ichümä̧ Epíritu Sa̧tu̧nä̧'i̧nä̧, okurä jäwänä̧'i̧nä̧ bautizo jȩä̧kua̧. Jua̧u̧mä̧ ttüttü'i̧nä̧ abonä̧nü̧ ujuru kku̧nä̧rü̧, jua̧u̧ ü̧jä̧pü̧ isäya chȩpü̧ juiyü'anü̧'i̧nä̧ wa̧sä̧.

San Marcos 5:24

Pä'ü ajuäkuäwäku, Jesú-mä̧ jua̧u̧tä̧ku̧ i̧'cha̧'a̧ ttü̧ja̧ rekuätü, ppi̧ttä̧chä̧rü̧nä̧tä̧ päi'ünä̧ 'chi̧nä̧tü̧.

San Lucas 5:8

Ja̧'wa̧nü̧ ja̧'a̧ topü Simón Peduru-mä̧, Jesú ä'ka jo̧mȩ iwe'kiyunä̧ pä̧mä̧dü̧nü̧ pä'inü̧: —¡Chu̧ru̧wa̧, ttüttümä̧ 'kȩ'i̧pä̧chi̧. Ttümä̧ surojütä jȩä̧kuä̧wä̧ i̧sa̧sä̧!

San Lucas 7:4

Wȩä̧jä̧u̧mä̧ Jesú-ru rü̧ȩnä̧ ajuäkuäunü̧ ukuokuinä̧tü̧: —Jua̧u̧ su̧ro̧do̧u̧ ttu̧ru̧wa̧rü̧ ppäkuädarü pä'ü rekuä rü̧ja̧'a̧ pä'ü.

San Lucas 7:5

Ja̧u̧mä̧ ti̧rȩjä̧'i̧nä̧ repe'ü, ja̧'wa̧ta̧nü̧ sinagogas isode'i̧nä̧ aditü iyinä̧u̧jä̧.

San Lucas 7:7

Ja̧'wa̧nü̧ jä̧ku̧ tochaku pä'ümä̧ chichü juiyünä̧ jä̧jä̧ku̧sä̧. Ja̧'wa̧nü̧ ja̧'a̧nä̧, suro kui̧wȩnȩnä̧tä̧'i̧nä̧ pä'iyittü, ja̧'wa̧nü̧tä̧'i̧nä̧ chu̧mü̧wä̧ya̧mä̧ ü̧'i̧pi̧yä̧kua̧sä̧,

San Lucas 8:49

Jesú-mä̧ ja̧'wa̧nü̧ ukuoku ü̧ja̧'a̧nä̧, ya̧tȩ Jairo-rü ojusodera̧'a̧ttü̧ ichi'ü ji'äwinü̧: —Kuittijumä̧, täkü 'koru pä'i'äjäju; täkü wo̧juȩkuä̧ i̧sa̧rü̧mä̧ icha pä'ümä̧ jȩ'kuä̧.

Hechos 10:38

Dio-mä̧, Epíritu Sa̧tu̧ jäwänä̧ jȩpü̧, ujuru'i̧nä̧ iyinä̧ku̧ Jesú Nazare i̧sa̧rü̧mä̧. Ja̧'wa̧nü̧ ja̧'a̧ttü̧, Jesú-mä̧ adiutä ppä'ädü kue'ächinü̧, äwettä usurä ttȩmä̧u̧nä̧ jȩü̧'i̧nä̧ aditü ikuinü̧. Jua'amä̧ Dio chutäku ü̧ja̧'a̧ttü̧.

Santiago 4:10

Ku̧ä̧nä̧wa̧ ä'ka jo̧mȩ kuiwe'kiyunä̧ kkä̧mä̧dä̧tu̧kui̧, ja̧'wa̧nü̧ jo̧mȩnä̧tä̧ chutämä̧ esewäkuotüjä̧.

Santiago 4:6

Ja̧'wa̧nü̧ ja̧'a̧nä̧ Dio-mä̧ rü̧ä̧nä̧ rȩrü̧jü̧nü̧ topü ppä̧dä̧u̧jä̧, ja̧'wa̧ta̧nü̧ wȩyu̧kuä̧ wȩnȩmä̧ pä'a: Dio-mä̧ ttukuo te'äwätürümä̧ kkü'kokü, ja̧'wa̧nü̧ ja̧'a̧nä̧ ttukuo te'äkuäwokotürütä eseunu̧ ppä'ädü.