San Lucas 7:28 - Nuevo Testamento Uwotjüja

²⁸ Ukuturu pä'üsä: o'katoi'ünä̧ nä̧tü̧ ttu̧wä̧bekuinä̧u̧ttü̧, Ju̧a̧-ttü̧'i̧nä̧ abonä̧nü̧ wa̧mä̧ toa'a; ja̧'wa̧nü̧ ja̧'a̧nä̧ Dio weüttü ji̧'ki̧cha̧wä̧mä̧, jua̧u̧ttü̧'i̧nä̧ abonä̧nü̧ u̧wä̧mȩnä̧ wa̧ ja̧'a̧.

TÄ̧DO Ä̧CUÄ̧ I̧HUȨNȨ

²⁸ Ucuturu pä'ösä, Dios i̧huȩnȩ jiäcuähuä i̧sa̧ Juan el Bautistattö'inä abonänö adihuä i̧sa̧mä̧ yoröiso ko̧cö̧ pi̧nö̧do pi̧jä̧nä̧mä̧. Ja̧'hua̧nö̧ ja̧'a̧nä̧ ya̧tȩ pi̧jä̧ttö̧ usurä i̧sa̧mä̧, Dios Ttu̧ru̧hua̧ päi'önä ö̧jo̧mȩttö̧ kö̧mä̧, Juan el Bautistattö'inä abonänö adihuä i̧sa̧do.

San Lucas 7:28 ပူးပေါင်းရင်းမြစ်များ

San Mateo 11:11

Isopäi'ünä̧ pädäu̧jä̧: O'katoi'ünä̧ nä̧tü̧ttü̧ uwäpächinä̧tü̧mä̧, bautizo jȩä̧kuä̧wä̧ i̧sa̧ Ju̧a̧ u̧wä̧mȩnä̧ wa̧mä̧ toa'a; ja̧'wa̧nü̧ ja̧'a̧nä̧ mo̧ro̧jä̧ jäwä weomȩttü̧ a̧'u̧kua̧mä̧ jua̧u̧ttü̧'i̧nä̧ u̧wä̧mȩnä̧ wa̧ jä̧kua̧.

San Mateo 3:1

Ji̧yȩnü̧ mo̧ro̧, bautizo jȩä̧kuä̧wä̧ i̧sa̧ Ju̧a̧ pä'ü mi̧kua̧ rȩbi̧yu̧ dȩ'a̧ra̧'a̧ ji'äwä̧ya̧ ichinü̧.

San Lucas 3:16

Jua̧u̧ topü Ju̧a̧-mä̧ päinä̧u̧: Ttümä̧, isopäi'ünä̧ ukuturumä̧ ajiyanä̧tä̧ bautizo jȩpü̧sä̧; ja̧'wa̧nü̧ ja̧'a̧nä̧, ttüttü'i̧nä̧ abonä̧nü̧ ujuru kku̧nä̧rü̧ ichü; jua̧u̧ ü̧jä̧pü̧ isäya isappä chejädü juiyü'anü̧ wa̧sä̧. Jua̧u̧tä̧tä̧ jä̧kua̧'a̧ ukuturu Epíritu Sa̧tu̧nä̧'i̧nä̧, okuränä̧'i̧nä̧ bautizo jȩä̧kuä̧mä̧.

San Lucas 7:27

Wȩyu̧kuä̧ wȩnȩ pä'a, Ju̧a̧ ütü'kü: «Ttü chi̧wȩnȩ ȩkuä̧ i̧sa̧rü̧ kuä'kanä̧ we'üsä, Jua̧u̧tä̧ ja̧'a̧, kuä'kanä̧ ku̧mä̧nä̧ a̧di̧tä̧kua̧,» pä'ijäkumä̧ pide Ju̧a̧ ja̧'a̧.

San Lucas 7:29

O'katoi'ünä̧ Ju̧a̧-rü̧ ä̧ju̧kuä̧tü̧mä̧, Roma jäwä pärätä ka̧ka̧kuä̧ isotü'i̧nä̧, jua̧u̧ bautizo jȩü̧nä̧ we'äwinä̧tü̧, isopäi'ünä̧ Dio-mä̧ adiutä jȩpü̧ pätta'attü̧.

San Lucas 9:48

päinä̧u̧: —Ttü chi̧mi̧nä̧ pide ji̧'ki̧cha̧wa̧rü̧ do'ädümä̧, ttürü'i̧nä̧ do'ädü; ja̧'wa̧ta̧nü̧ ttürü do'ädürümä̧, ttürü we'inü̧rü̧'i̧nä̧ do'ädü. Ja̧'wa̧nü̧ ja̧'a̧ttü̧ ukutu o'katoi'ünä̧ttü̧ ji̧'ki̧cha̧wa̧mä̧, jua̧u̧ jä̧kua̧'a̧ ku̧wä̧mȩtu̧ku̧nä̧ ukuo i̧sa̧mä̧.