San Lucas 6:37 - Nuevo Testamento Uwotjüja

³⁷ Surojü jȩttü̧mä̧ päkuätukuä, ukuturu'i̧nä̧ surojü jȩ'kuä̧tu̧ku̧ Dio päü juiyäkua'anü̧. Usurä ttȩmä̧u̧nä̧ päkuätukuä, ukuturu'i̧nä̧ usurä kuȩmä̧wä̧tu̧ku̧nä̧ Dio päü juiyäkua'anü̧. Pärokua'aku mikuämä̧ kuamükuädätukuä, ukuturu'i̧nä̧ pärokua'aku mikuä, Dio amükuädü juiyäkua'anü̧.

TÄ̧DO Ä̧CUÄ̧ I̧HUȨNȨ

³⁷ Juhua'a yabonö huo̧juȩti̧nö̧do Jesús: —Korotörö suronä päcuhuätucuä', Dios ucuturu'inä suronä päö juiyäcua'a̧nö̧. Ra̧huä̧rö̧ suronä cucuocuätucuä' korotörö, Dios'inä ra̧huä̧rö̧ ucuocu juiyäcua'a̧nö̧ ucuturu. Korotö suronä jȩtto̧mȩnä̧ unichi'ätucui, Dios'inä suronä jȩcu̧'ä̧tu̧cu̧ unichi'äcua'a̧nö̧.

San Lucas 6:37 ပူးပေါင်းရင်းမြစ်များ

San Mateo 18:30

Ja̧'wa̧nü̧ ajuäkuäwa'anä̧, jarodi'ü kärenära̧'a̧ rütü ttikunä̧ weinä̧ku̧, i̧mi̧ppotü i̧mi̧täwomȩbü päi'ünä̧.

San Mateo 5:7

Eseäkuäwä kka̧'a̧ rȩrü̧jü̧ topätürü, jua'amä̧ Dio juätürü rȩrü̧jü̧ toäkua'attü̧.

San Marcos 11:25

Ja̧'wa̧ta̧nü̧, Dio-rü kukuokuätukuomȩnä̧, kkorotürü suronä̧ kuamu̧kuädä'ijätuku kä'ädi'ätukui ja̧'wa̧nü̧ jü̧ta̧'a̧nü̧, Kuä'o mo̧ro̧jä̧ra̧'a̧ kkü̧'i̧nä̧ suronä̧ jȩ'kuä̧'i̧jä̧tu̧ku̧ mikuäwächü juiyünä̧ jȩpü̧ ikuäkua'anü̧.

San Lucas 23:16

Ja̧'wa̧nü̧ ja̧'a̧ttü̧, usurä ȩmä̧u̧nä̧ ro̧'ȩpi̧'ü̧tä̧, rä'epü chi̧kuä̧kua̧.

San Lucas 6:36

Ukutu'i̧nä̧ rȩrü̧jü̧ topätukui, Kuä'o Dio-tuku'i̧nä̧ rȩrü̧jü̧ toäkuäwä i̧sa̧ ja̧'a̧ttü̧.

Hechos 3:13

Abraha̧'i̧nä̧, Isaa'i̧nä̧ ja̧'wa̧ta̧nü̧ Jaco'inä̧, tü̧tä̧mü̧mi̧nä̧ pinä̧tü̧ ttü̧ä̧nä̧wa̧ Dio ja̧'a̧, i̧tti̧ Jesú-ru ukuo iyinü̧mä̧, ukutu kkü'kü jui'ü iyü kuikuinä̧tu̧kuä̧ku̧ru̧, Pilato-mä̧ rä'epü ikuarü pä'ü amükuädäja'anä̧.

Efesios 4:32

Pärokua'aku, rettü ppä'ädütä, mikuä suronä̧ päkuätukuoka'a unichi'ütä, suronä̧ jȩ'kuä̧'i̧jä̧tu̧ku̧ u̧ni̧chi'ü, Dio Crito-nä̧ unichi'inüta'anü̧ jȩpü̧ kka̧kuä̧tu̧kui̧ ukutu'i̧nä̧.

Colosenses 3:13

Kkorotü jäwä surojü kua̧mi̧ 'ki'ächi'ätukui, suronä̧ jȩttü̧mä̧ mikuämä̧ kuamükuädä juätürümä̧.

Santiago 2:13

Ja̧'wa̧ta̧nü̧ kkorotürü rȩrü̧jü̧nü̧ topokotü pä'ijätürümä̧, rȩrü̧jü̧ toäkuäwä juiyünä̧tä̧ ro̧ȩpä̧kuo̧tü̧, ja̧'wa̧nü̧ ja̧'a̧nä̧ rȩrü̧jü̧ toäkuäwä kku̧nä̧rä̧'i̧jä̧tü̧mä̧ Dio ro̧ȩpü̧ mo̧ro̧ adiu rä'opü tteseäkuäwäkuotü.

Santiago 5:9

Chawaruwä chü̧jä̧wa̧tü̧ kkorotünü̧rü̧mä̧ päkuä'chätukuä Dio ro̧ȩpü̧ juiyätukuaku pä'ümä̧; ja̧'wa̧ta̧nü̧ Juez-mä̧ täkü äpate ä'ka kkü̧.