San Lucas 5:35 - Nuevo Testamento Uwotjüja

³⁵ Ja̧'wa̧nü̧ ja̧'a̧nä̧, irekuarü ȩmä̧ji̧rü̧ ttȩmi̧pü̧ mo̧ro̧ rȩbȩä̧kuä̧wä̧kua̧'a̧. Ja̧'wa̧nü̧ jü̧ mo̧ro̧mä̧, ttu̧kuȩ a̧do̧chü̧ Dio-rü ttukuokuäkuotü.

TÄ̧DO Ä̧CUÄ̧ I̧HUȨNȨ

³⁵ Ja̧'hua̧nö̧ ja̧'a̧nä̧ koronö mo̧ro̧ irecuarö ȩmä̧ji̧mä̧ kara'a ttȩmi̧po̧mȩnä̧, ttu̧cuȩ ttucuoca'a tta̧do̧chä̧cuo̧tö̧.

San Lucas 5:35 ပူးပေါင်းရင်းမြစ်များ

San Mateo 9:15

Pättäku, Jesú-mä̧ ädätinä̧u̧: —¿Jua̧u̧nu̧mä̧, ya̧tȩ irekuarü ȩma̧'a̧ ä̧tȩpä̧jä̧u̧mä̧, chutä jitütäku ü̧ja̧'a̧nä̧mä̧ tta̧'kua̧ tta̧ttȩku̧'a̧nü̧ tä̧jí̧? Ja̧'wa̧nü̧ ja̧'a̧nä̧, irekuarü ȩmü̧rü̧ ttȩmi̧pü̧ mo̧ro̧ päi'omȩnä̧mä̧, jua̧u̧nu̧tä̧ jä̧kua̧'a̧ ttu̧kuȩ a̧do̧chü̧ jȩttä̧kua̧'a̧mä̧.

San Marcos 2:20

Ja̧'wa̧nü̧ ja̧'a̧nä̧, irekuarü jareünä̧ ȩmü̧rü̧ ttȩmi̧pü̧ mo̧ro̧ rȩbȩä̧kuä̧wä̧kua̧'a̧, jua̧u̧nü̧ mo̧ro̧tä̧ ttu̧kuȩ a̧do̧chü̧ jȩttä̧kuo̧tü̧.

San Lucas 17:22

Pä'ü kä'ädü, Jesú-mä̧ u̧wo̧juȩtä̧u̧rü pä'inü̧: —Ji̧yȩtȩ mo̧ro̧ ichäkua'a ubo I̧tti̧ uruwoku wea'a to'kua päkuätuku mo̧ro̧ ja̧'wa̧nü̧ ja̧'a̧nä̧, topokotü kuäkuotüjä̧.

San Lucas 5:34

Pättiyäku Jesú-mä̧ ädätinä̧u̧: —¿Ditäjä̧ttü̧, ya̧tȩ irekuarü ȩmü̧ pä'käri jȩo̧mȩnä̧, ä̧tȩpä̧jä̧u̧ttu̧ u̧kuȩ a̧do̧chü̧mä̧, chutä ä̧tȩpä̧ji̧ jitütäku ü̧ja̧'a̧nä̧mä̧?

San Lucas 5:36

Ja̧'wa̧ta̧nü̧ wȩnȩtü̧ päinä̧u̧: —Ya̧tȩ'i̧nä̧ pü̧jä̧ta̧ tä̧bo̧i̧sä̧ta̧ttü̧mä̧ 'kui'opümä̧, ja̧rȩä̧ta̧nä̧mä̧ be'epümä̧ 'tü̧ä̧wo̧kü̧; ja̧'wa̧nü̧ 'tü̧ttü̧ttü̧mä̧ ja̧rȩä̧ta̧ 'tü̧ȩkuä̧cho̧mȩnä̧ tä̧bo̧i̧sä̧ta̧mä̧, sȩrä̧wi̧'a̧'a̧nä̧, ja̧rȩä̧ta̧tä̧tä̧ kki̧'i̧pa̧'a̧, adiu yoräteunä̧mä̧ kki̧'o̧ka̧'a̧ tä̧bo̧i̧sä̧ta̧ku̧mä̧.

San Juan 12:8

Usurä isotürümä̧ 'kuäopünä̧tä̧, ukututäku ku̧ju̧nä̧rä̧kuo̧tü̧jä̧ ja̧'wa̧nü̧ ja̧'a̧nä̧ ttürümä̧, 'kuäopünä̧mä̧ kku̧nä̧ro̧ko̧tü̧ kuäkuotüjä̧.

San Juan 13:33

Chi̧tti̧mü̧, ukutukumä̧ a̧'u̧kua̧'a̧tä̧ chü̧jä̧kua̧sä̧. Ttürümä̧ kusätukua'anä̧, judío-rü pädinü̧ta̧'a̧nü̧ pädäu̧jä̧: Ttü chi̧'cha̧'a̧mä̧ ichokotü kuäkuotüjä̧.

San Juan 16:28

Pi̧jä̧ra̧'a̧ ichümä̧, Chä'o ü̧jo̧mȩttü̧ rä'opinü̧sä̧; pä'äjita'anü̧ pi̧jä̧ jaropi'ü, Chä'o ü̧ja̧'a̧ 'chü̧sä̧.

Hechos 1:9

Pi̧yȩ pä'ü käda'a, to̧pä̧rü̧ ttü̧ja̧kua̧'a̧nä̧, Jesú-mä̧ käekuächa'attü̧, ajiya isoppa, a̧ttä̧di̧'i̧nä̧ku̧, jua'a yabomä̧ tottü juiyünä̧tä̧.

Hechos 14:23

Ja̧'wa̧ta̧nü̧ igresia jü̧'a̧kuä̧ A̧ci̧a̧nu̧tu̧-tü̧rü̧ kku̧nä̧'chi̧nä̧tü̧; ttu̧kuȩ a̧do̧chü̧ Dio-rü ukuoku, Ttu̧ru̧wa̧ ttesetäkuru iyü ukuokuinä̧tü̧.

Hechos 3:21

Jitämä̧ mo̧ro̧jä̧ra̧'a̧tä̧ ü̧ja̧ pä'ü ja̧'a̧ Jesú-mä̧, Dio aditü ikuomȩbü päi'ünä̧, täbokü kka̧kui̧nä̧tü̧ profeta-nä̧ ukuokuinü̧ ji̧nü̧ ta̧'a̧nü̧.

1 Corintios 7:5

Ja̧'wa̧nü̧ ja̧'a̧ttü̧ jȩ'kuä̧kuä̧wä̧tu̧kua̧ pä'ü kuirekuorü, kuirekuarü pä̧wä̧rü̧jo̧mȩnä̧mä̧ ya̧kuo̧kuä̧rä̧kuä̧wä̧tu̧kuä̧ ja̧'wa̧nü̧ ja̧'a̧nä̧ Dio-rü rekuonä̧nü̧ ukuokutä jua̧u̧mä̧ ro̧'ȩkuä̧tu̧kui̧, jua'a'i̧nä̧ ä'kanä̧ esekui'ü'kotütä, jua̧u̧ o'ka'a pä'äjita'anü̧ ku̧ja̧kuä̧mä̧tu̧kua̧. Pärokua'aku rekuo jȩ'kuä̧kuä̧tu̧kuo̧ka̧'a̧ ku̧ja̧kuä̧tu̧ku̧ttü̧'i̧nä̧ Satanás weomȩnä̧ surojuokuächätukuä.

2 Corintios 11:27

Aditü usurä ȩmä̧u̧'i̧nä̧, chä'oka'a'i̧nä̧, ppäi ttu'u'i̧nä̧, a̧di̧ ttu'u'i̧nä̧; diyo ttu'u'i̧nä̧, chü̧'ka̧tä̧wä̧ti̧yu̧ jui'ü'i̧nä̧ usurä ȩmä̧wä̧'i̧jü̧sä̧.