San Lucas 5:33 - Nuevo Testamento Uwotjüja

³³ Jesú-ru pä'inä̧tü̧: —¿Tta̧'a̧nü̧ pä'ü Ju̧a̧ u̧wo̧juȩtä̧u̧'i̧nä̧, fariseo wotü ttu̧wo̧juȩtä̧u̧'i̧nä̧ ttu̧kuȩ a̧do̧chü̧ Dio-rü ukuoku jȩtta̧'a̧nä̧, uku ku̧wo̧juȩtä̧u̧mä̧ a̧wä̧rü̧tä̧, kuä̧nü̧tä̧tä̧ jȩpä̧tü̧jä̧ttü̧?

TÄ̧DO Ä̧CUÄ̧ I̧HUȨNȨ

³³ Ja̧'hua̧ ja̧'a̧ttö̧ jahuätö pä'inätödo Jesúsru: —Juancu cue'ächätö'inä, fariseos huotöcu cue'ächätö'inä ttu̧cuȩ ttucuoca'a a̧do̧chö̧ jȩpö̧ rö̧ȩnä̧ Diosrö ttucuocua'anä, ucu cu̧huo̧juȩtä̧u̧mä̧, ¿tta̧'a̧nö̧ pä'ö ttu̧cuȩ cuä̧nö̧'i̧nä̧ ttahua au'inä 'cuäopönä jȩtta̧'a̧jä̧ttö̧?

San Lucas 5:33 ပူးပေါင်းရင်းမြစ်များ

San Mateo 23:13

¡Isottü̧ ukutuwe! weäwä wȩnȩ wo̧juȩtä̧tü̧mä̧ ja̧'wa̧ta̧nü̧ fariseo wotümä̧ ä'koyättütä esetätüjä̧, ukutumä̧ mo̧ro̧jä̧ ru̧wa̧ weünä̧ dodettü juiyünä̧ tto̧'ȩpä̧rä̧tü̧jä̧. Ukututä'i̧nä̧ dode'kuätukuoka'anä̧, kkorotürü'i̧nä̧ dottächa pä'ätürü dodettü juiyünä̧ jȩpä̧tü̧jä̧.

San Marcos 12:40

Ja̧'wa̧ta̧nü̧, rȩkua̧mü̧rü̧'i̧nä̧ tüäre rȩni̧yü̧ nä̧u̧kuä̧rü̧ kkä̧nü̧, jȩpo̧ko̧tü̧ 'kua̧rü̧nä̧ Dio-rü rekuo ukuokuätü. Juätümä̧ rü̧ȩnä̧ usurä ttȩmä̧u̧nä̧ ro̧ȩkuä̧kuo̧tü̧.

San Lucas 11:1

Ya'utenä̧, Jesú-mä̧ yo̧mȩtȩttü̧ Dio-rü ukuoku kädäja'a, u̧wo̧juȩtä̧u̧ttü̧ ya̧tȩ ichi'ü päinä̧ku̧: —Chu̧ru̧wa̧, Ju̧a̧ u̧wo̧juȩtä̧u̧rü u̧wo̧juȩti̧nü̧ta̧'a̧nü̧ Dio-rü ukuokuäkuäwä wo̧juȩti̧tü̧.

San Lucas 18:12

ttümä̧ ji̧yȩtȩ semana-nä̧mä̧, todärenä̧ chu̧kuȩ a̧do̧chü̧ Dio-rü ukuokuä'ijüsä ja̧'wa̧ta̧nü̧ chaditäwä mikuä chȩmü̧ o'kajuiyüttümä̧, diezmo-mä̧ iyüsä.

San Lucas 2:37

Ochenta y cuatro año-nü̧ jo̧mȩnä̧ 'kuäopina̧'a̧ ji̧na̧'a̧, rekua juojina̧'a̧ttü̧mä̧. Juajumä̧, Dio-rü ukuokuäkuäwodettümä̧, räjopoka'atä mo̧ro̧'i̧nä̧, yodo'i̧nä̧ Dio-rü ukuoku kki̧nä̧ju̧, ayuno'i̧nä̧ jȩpü̧nü̧.

San Lucas 20:47

Ja̧'wa̧ta̧nü̧ rȩkua̧mü̧rü̧ ttoju odewiyä 'choipä'chü, adiu jȩpä̧tü̧jä̧ pä'ü, rekuo Dio-rü ukuokuätürü. Juätümä̧ kkorotüttü'i̧nä̧ abonä̧nü̧ usurä ttȩmä̧wä̧kuo̧tü̧.»

San Lucas 5:32

Ttümä̧ adiu jȩpä̧tü̧rü̧mä̧ ȩmü̧ ichokü pinü̧sä̧, pärokua'akutä surojü jȩpä̧tü̧rü̧, jua̧u̧ttü̧ kättädächa pä'ü ȩmü̧ ichinü̧sä̧.

San Lucas 5:34

Pättiyäku Jesú-mä̧ ädätinä̧u̧: —¿Ditäjä̧ttü̧, ya̧tȩ irekuarü ȩmü̧ pä'käri jȩo̧mȩnä̧, ä̧tȩpä̧jä̧u̧ttu̧ u̧kuȩ a̧do̧chü̧mä̧, chutä ä̧tȩpä̧ji̧ jitütäku ü̧ja̧'a̧nä̧mä̧?

San Juan 1:35

Ja̧'wa̧ta̧nü̧ kkoro mo̧ro̧ Ju̧a̧-mä̧ u̧wo̧juȩtä̧u̧ ta̧ju̧ku̧ kki̧nü̧.

San Juan 3:25

Ja̧'wa̧nü̧ ja̧'a̧, Ju̧a̧ u̧wo̧juȩtä̧u̧mä̧ judío i̧sa̧ku̧ pä'ä'chäkuäwinä̧tü̧ surojü tükäu ikuäwä tü'kü.

Hechos 9:11

Tu̧ru̧wa̧mä̧ päinä̧ku̧: «ä̧rä̧mi̧'ü̧ täi, Ttu̧wo̧jua̧'a̧ku̧nä̧ pä'ü mikuämä̧nä̧, jua'attü Juda ojusodenä̧ do'ächi'ü kusajä̧, ya̧tȩ Taso ttü̧ja̧sa̧, Sauro pä'ü mi̧kua̧rü̧; Jua̧u̧mä̧ Dio-rü ukuoku.