San Lucas 5:26 - Nuevo Testamento Uwotjüja

²⁶ O'katoi'ünä̧, ¡isottü̧! pä'ü ye'inä̧tü̧, ye'ükkä̧nü̧ Dio-rü eseäkuäu, pä'inä̧tü̧: —Jitä mo̧ro̧ totokü jä̧'i̧jü̧ topäjätüjä̧.

TÄ̧DO Ä̧CUÄ̧ I̧HUȨNȨ

²⁶ O'ca toi'önä ye'önänö topinätödo. Ja̧'hua̧ta̧nö̧ Diosrö adiu ucuocuinätödo. Rö̧ȩnä̧ ye'ecu pä'inätödo: —Pi̧yȩ mo̧ro̧ topäjätöjä juiyo rö̧ȩnä̧ adihuä juäi, totocö juäi.

San Lucas 5:26 ပူးပေါင်းရင်းမြစ်များ

San Mateo 12:23

Ja̧'wa̧nü̧ ji̧yä̧u̧ o'katoi'ünä̧ rü̧ȩnä̧ amükuädü, pä'inä̧tü̧: ¿Pidetä, chu Dawi i̧tti̧do pättinä̧ku̧mä̧?

San Mateo 28:8

Nä̧tü̧mä̧ wa'are rütäwomȩttü̧ jurunä̧ rä'opächü ye'ükkä̧nü̧, rü̧ȩnä̧ eseunu̧ u̧mü̧wä̧yotürü wȩnȩ ji'äu 'chä̧nü̧ jopinä̧tü̧.

San Mateo 9:8

Ja̧'wa̧nü̧ ja̧'a̧ topü ttü̧ja̧mä̧ ukuo te'äunu̧, Dio-rü esewinä̧tü̧, ttü̧ja̧rü̧ ttukuo iyini̧yä̧u̧.

San Marcos 2:12

Ja̧'wa̧nü̧ päku, na̧'ä̧chä̧ji̧mä̧, yotäku ä̧rä̧mi̧'ü̧ ttü̧ja̧ o'katoi'ünä̧ ttä'ka jo̧mȩttü̧ ü̧'ä̧bä ȩmi̧pü̧, juorümä̧ rä'opächü, 'chi̧nü̧. Ja̧'wa̧nü̧ ji̧yä̧u̧, o'katoi'ünä̧, Dio-rü eseäkuäu, pä'inä̧tü̧: —Yoriso, pa̧'a̧nü̧ jü̧mä̧ topokotü pä'ijä̧tü̧jä̧, jü̧nä̧.

San Lucas 1:65

O'katoi'ünä̧ juȩnȩ ppeyänä̧ kka̧kuä̧tü̧mä̧ rü̧ȩnä̧ ye'inä̧tü̧. Ja̧'wa̧ta̧nü̧ o'katoi'ünä̧tä̧ judea rȩjȩnä̧ kka̧kuä̧tü̧'i̧nä̧ pi̧yȩ tü'kümä̧ juo'ekuinä̧tü̧.

San Lucas 5:8

Ja̧'wa̧nü̧ ja̧'a̧ topü Simón Peduru-mä̧, Jesú ä'ka jo̧mȩ iwe'kiyunä̧ pä̧mä̧dü̧nü̧ pä'inü̧: —¡Chu̧ru̧wa̧, ttüttümä̧ 'kȩ'i̧pä̧chi̧. Ttümä̧ surojütä jȩä̧kuä̧wä̧ i̧sa̧sä̧!

San Lucas 7:16

Ja̧'wa̧nü̧ ja̧'a̧ topü o'katoi'ünä̧tä̧ ye'ünü̧, Dio-rü eseäkuäu, pä'inä̧tü̧: —Ujutu tü̧'kä̧tȩnä̧ttü̧, rü̧ȩnä̧ profeta wa̧ rä'opü. Pä'ükkä̧nü̧ pä'inä̧tü̧: —Dio-mä̧ ujutu u̧mü̧wä̧yotürü ppä'ädü ichäji ja̧'a̧.

San Lucas 8:37

Ja̧'wa̧nü̧ jȩä̧ji̧yä̧u̧, ye'i'äjä'kotü, Gerasa rȩjȩ jäyänä̧ kka̧kuä̧tü̧'i̧nä̧, ttü̧ja̧mä̧ o'katoi'ünä̧tä̧ Jesú-ru tti̧rȩjä̧ttü̧ räopächünä̧ pättinä̧ku̧. Ja̧'wa̧nü̧ we'ü ttikuäku Jesú-mä̧ woi'kanä̧ pä̧mä̧dü̧ ppa̧'ä̧chi̧nü̧.

Hechos 4:21

Ja̧'wa̧nü̧ pä̧tti̧yä̧u̧ ye'epe'ipütä rä'epü tti̧kui̧nä̧u̧. Ro̧'ȩpü̧ suronä̧ jȩtta̧tü̧ pättäja'anä̧ suronä̧ jȩttä̧ji̧ jui̧yi̧yä̧u̧ ja̧'wa̧ta̧nü̧ ttü̧ja̧rü̧'i̧nä̧ ye'eku. Ttü̧ja̧mä̧ Dio-rü rü̧ȩnä̧ o'katoi'ünä̧ esewinä̧tü̧ ja̧'wa̧nü̧ 'kuäopäjämȩnä̧.

Gálatas 1:24

Ja̧'wa̧nü̧ ttürü pärotü ikuina̧'a̧ topü, Dio-rümä̧ juiyo eseäkuäwinä̧tü̧.