San Lucas 5:21 - Nuevo Testamento Uwotjüja

²¹ Ja̧'wa̧nü̧ pä̧i̧yä̧u̧, weäwä wȩnȩ wo̧juȩkuä̧ isotü'i̧nä̧, fariseo wotü'i̧nä̧ ukuokuinä̧tü̧: ¿Díjä̧ttü̧ ja̧'wa̧nü̧ Dio-rü suronä̧ pä'ümä̧? ¡suronä̧ jȩttü̧ jȩpü̧ iku Dio-mä̧, ya̧tȩtä̧ ja̧'a̧!, pä'ü

TÄ̧DO Ä̧CUÄ̧ I̧HUȨNȨ

²¹ Ja̧'hua̧nö̧ ja̧'a̧ Moisés hueähuä huȩnȩ huo̧juȩtä̧tö̧cu̧, fariseos huotöcu amöcuädinätödo: “¿Dijo chujuamä Diosrö suronä ucuocumä? Ka̧ra̧mä̧ toa'a ttö̧ja̧ suronä jȩttö̧ jȩpö̧ icumä. Ya̧tȩtä̧ Diostä suronä jȩttö̧ jȩpö̧ icumä.”

San Lucas 5:21 ပူးပေါင်းရင်းမြစ်များ

San Mateo 26:65

Ja̧'wa̧nü̧ päiyäku, sacerdote wotü ttu̧ru̧wa̧mä̧, a̧mi̧surächi'äku, ü̧'ka̧tä̧wä̧ta̧ sȩro̧ku̧nu̧ pä'inü̧: —¡Dio-rü suronä̧, to'ija̧'a̧ku̧ pä'üjä̧! ¡Täkü kkorotü pide ütü'kü jittäwa pä'ümä̧ rekuä rü̧jo̧ka̧'a̧! Ukututä ä̧ju̧kuä̧tü̧jä̧ suronä̧ päümä̧,

San Mateo 9:3

Ja̧'wa̧nü̧ pä̧i̧yä̧u̧, weäwä wȩnȩ wo̧juȩkuä̧ isotüttü yotüte ukuokuinä̧tü̧: ¿Däjéki̧ amükuädäkuäujä̧? Dio-rü, suronä̧tä̧ pä'ü.

San Lucas 3:8

Isopäi'ünä̧ surojü käkuädi'ätukua'attü ttü̧ja̧ tottünä̧ i̧jȩkuä̧tu̧kui̧, kua̧'kua̧tu̧ku̧ jakuänä̧: «Ujutumä̧ Abraha̧ i̧tti̧mü̧jä̧» pä'ümä̧ kuamükuädätukuä. Isopäi'ünä̧tä̧ pädäu̧jä̧, Dio-mä̧ pidü inäduttü'i̧nä̧ Abraha̧ i̧tti̧mü̧rü̧mä̧ rä'epü u̧ju̧nu̧'a̧nü̧ ja̧'a̧.

San Lucas 5:17

Ya'ute mo̧ro̧ Jesú u̧wo̧juȩto̧mȩnä̧, Galirea rȩjȩ ütawiyättü'i̧nä̧, Judea rȩjȩ ütawiyättü'i̧nä̧, Jerusarȩ́ ütawiyättü'i̧nä̧ ichäjä'kotü fariseo wotü'i̧nä̧, weäwä wȩnȩ wo̧juȩkuä̧ isotü'i̧nä̧ pȩji̧nä̧tü̧. Tu̧ru̧wa̧ ujurumä̧ kki̧na̧'a̧ na̧'ä̧chä̧tü̧rü̧ aditü ikua'a i̧jȩkuä̧chü̧nä̧.

San Lucas 5:22

Ja̧'wa̧nü̧ ttamükuäda'a wo̧juö̧, Jesú-mä̧ päinä̧u̧: —¿Tta̧'a̧nü̧ pä'ü, ja̧'wa̧nü̧ amükuädätüjä̧ttü̧?

San Lucas 7:49

Ja̧'wa̧nü̧ ja̧'a̧nä̧ kkorotü juȩnȩ pȩjä̧tü̧ ttä̧tȩpä̧jä̧u̧mä̧ ukuokuäkuäwinä̧tü̧: «¿Pidemä̧, díjä̧ttü̧ ja̧'wa̧nü̧ suronä̧ jȩttü̧'i̧nä̧ jȩpü̧ ikumä̧?»

San Juan 10:33

Judío-mä̧ ttädätinä̧ku̧: —Adiwä juei jȩ'kuä̧'i̧jü̧nä̧mä̧, i̧nä̧ o'kinä̧ ikuäu kuä'ü tikuakumä̧ pätokokujä̧; Dio-rü suronä̧ pä̧kuomȩttü̧ jȩtä̧ku̧jä̧: ukumä̧ ttü̧ja̧sa̧ kua'anä̧, kua̧mü̧nä̧ pa̧ja̧tü̧ Dio 'kua̧rü̧nä̧ päkuäwomȩttü̧.

Romanos 8:33

¿Ditä jä̧kua̧'a̧jä̧ttü̧ Dio pojopü ȩmi̧nä̧u̧ru̧, suronä̧ jȩpi̧nü̧jä̧ pä̧kua̧mä̧? Suronä̧ wotürü aditü ikumä̧, Dio-tätä ja̧'a̧mä̧.