San Lucas 5:17 - Nuevo Testamento Uwotjüja

¹⁷ Ya'ute mo̧ro̧ Jesú u̧wo̧juȩto̧mȩnä̧, Galirea rȩjȩ ütawiyättü'i̧nä̧, Judea rȩjȩ ütawiyättü'i̧nä̧, Jerusarȩ́ ütawiyättü'i̧nä̧ ichäjä'kotü fariseo wotü'i̧nä̧, weäwä wȩnȩ wo̧juȩkuä̧ isotü'i̧nä̧ pȩji̧nä̧tü̧. Tu̧ru̧wa̧ ujurumä̧ kki̧na̧'a̧ na̧'ä̧chä̧tü̧rü̧ aditü ikua'a i̧jȩkuä̧chü̧nä̧.

TÄ̧DO Ä̧CUÄ̧ I̧HUȨNȨ

¹⁷ Koro mo̧ro̧ Jesús huo̧juȩtö̧ ki̧nö̧do. Ja̧'hua̧nö̧ ja̧'a̧ fariseos huotö'inä pȩji̧nä̧tö̧do Moisés hueähuä huȩnȩ huo̧juȩtä̧tö̧cu̧. Koro ötahuiyä Galilea rȩjȩttö̧'i̧nä̧, Judea rȩjȩttö̧'i̧nä̧, Jerusalén ötahuiyättö'inä ichäcuähuotö pi̧nä̧tö̧do. Ja̧'hua̧ta̧nö̧ Dios ujuru i̧jȩpi̧na̧'a̧do, Jesús na̧nȩpä̧tö̧rö̧ aditä̧rö̧ icuomenä.

San Lucas 5:17 ပူးပေါင်းရင်းမြစ်များ

San Mateo 11:5

Ä̧to̧kä̧'i̧jä̧tü̧'i̧nä̧ topätü, tti̧'chü̧ juiyünä̧ wotü'i̧nä̧ kue'ächätü, Repra na̧nȩpä̧tü̧'i̧nä̧ pȩji̧pä̧tü̧, ttä̧ju̧ku̧ juiyünä̧ wotü'i̧nä̧ ä̧ju̧kuä̧tü̧, 'korujuo'ächätü'inä̧ tto'ächätü ja̧'wa̧ta̧nü̧ usurä isotürü'i̧nä̧ jareü wȩnȩ ji'äkuäwia'a.

San Mateo 15:1

Ja̧'wa̧nü̧ ja̧'a̧ Jerusarȩ́-ra̧'a̧ttü̧ ichi'äjä'kotü fariseo wotüttü'i̧nä̧, weäwä wȩnȩ wo̧juȩtä̧tü̧ttü̧'i̧nä̧, yotüte Jesú-ru jä'epü ä̧ju̧kui̧nä̧tü̧:

San Marcos 1:45

Ja̧'wa̧nü̧ ro̧ȩpä̧jä̧ku̧mä̧, juorü rä'opächü o'katoi'ünä̧rü̧ churutä 'kuäopäjimä̧ ji'äwä'chinü̧. Ja̧'wa̧nü̧ jo̧mȩnä̧, Jesú-mä̧ wäjunä̧, ütawiyäpünä̧mä̧ doächü juiyünä̧ jä̧ku̧, ttü̧ja̧ tometä̧ kkä̧'chi̧nü̧. Ja̧'wa̧nü̧ ja̧'a̧nä̧ ttidepiyu pünä̧, o'katoi'ünä̧tä̧ ka̧ka̧ku̧ topü ttichinä̧ku̧.

San Marcos 16:18

Ä̧ka̧tü̧rü̧ 'chuttäda'anä'i̧nä̧; ni̧yȩkua̧'a̧ ttauttu'i̧nä̧ surojuoepo̧ko̧u̧ ttäkuotü; ja̧'wa̧ta̧nü̧ na̧'ä̧chä̧tü̧rü̧ ttu̧mü̧ mȩtto̧mȩnä̧'i̧nä̧ ttü̧'i̧pi̧yä̧kuä̧u̧.

San Marcos 3:22

Ja̧'wa̧nü̧ ja̧'a̧nä̧, weäwä wȩnȩ wo̧juȩkuä̧ isotü, Jerusarȩ́-ra̧'a̧ttü̧ ichäjätü'i̧nä̧, pättä'chinä̧ku̧: «Beelzebú ü̧jä̧ku̧, epíritu-tu̧ suropätü ttu̧ru̧wa̧, jua̧u̧tä̧ ujurunä̧tä̧ rä'epä'chü iku pättinä̧ku̧.»

San Marcos 5:30

Jesú-mä̧, chutättü ujuru räopächäjäku wo̧juä̧u̧, ttü̧ja̧rü̧ kkärächi'ü pä'inü̧: —¿Chü̧'ka̧tä̧wä̧ta̧nä̧mä̧, dí mȩä̧jä̧ttü̧ttü̧?

San Marcos 7:1

Fariseo wotümä̧, weäwä wȩnȩ wo̧juȩkuä̧ isotü Jerusarȩ́-ra̧'a̧ttü̧ ichäjätüku, Jesú ü̧jo̧mȩku̧ ichi'inä̧tü̧.

San Lucas 15:2

Ja̧'wa̧nü̧ ji̧yä̧u̧ fariseo wotü'i̧nä̧, weäwä wȩnȩ wo̧juȩkuä̧ isotü'i̧nä̧, pä'ä'chinä̧tü̧: —Suronä̧ jȩpä̧tü̧ku̧tä̧ eseku, juätükutä u̧kuȩ'i̧nä̧ kuä'chü jȩpü̧, jü̧nä̧.

San Lucas 2:46

Ja̧'wa̧nü̧ jä̧ja̧'a̧ttü̧mä̧ wäbodäkuä mo̧ro̧ o'ka'atä, Dio-rü ukuokuäkuäwodenä̧ weäwä wȩnȩ wo̧juȩkuä̧ isotü ttü̧'kä̧tȩ jo̧mȩ, ä̧ju̧kuä̧rü̧ ttü̧'ȩja̧'a̧, jä̧'ȩpä̧rü̧'i̧nä̧ jȩttä̧ku̧ ü̧'a̧'a̧ ttü̧'o̧kui̧'i̧nä̧ku̧.

San Lucas 5:21

Ja̧'wa̧nü̧ pä̧i̧yä̧u̧, weäwä wȩnȩ wo̧juȩkuä̧ isotü'i̧nä̧, fariseo wotü'i̧nä̧ ukuokuinä̧tü̧: ¿Díjä̧ttü̧ ja̧'wa̧nü̧ Dio-rü suronä̧ pä'ümä̧? ¡suronä̧ jȩttü̧ jȩpü̧ iku Dio-mä̧, ya̧tȩtä̧ ja̧'a̧!, pä'ü

San Lucas 5:30

Ja̧'wa̧nü̧ ji̧yä̧u̧ fariseo wotümä̧ ja̧'wa̧ta̧nü̧ weäwä wȩnȩ wo̧juȩkuä̧ isotü'i̧nä̧ Jesú u̧wo̧juȩtä̧u̧rü ttüjü'kü juiyünä̧ jä̧u̧ pä'inä̧tü̧: —¿Tta̧'a̧nü̧ pä'ü ukutumä̧ impuesto ka̧ka̧kuä̧ isotüku, suronä̧ jȩä̧kuä̧wä̧ isotüku kuänü̧'i̧nä̧, au'i̧nä̧ pȩjä̧tü̧jä̧ttü̧?

San Lucas 6:19

Ja̧'wa̧nü̧ ja̧'a̧ttü̧ ttü̧ja̧ o'katoi'ünä̧tä̧ mȩtta̧rü̧ pä'ü jȩpi̧nä̧tü̧, Chunä̧tä̧ ujuru kka̧'a̧ ttumä̧richei aditü ikuiyä̧u̧.

San Lucas 7:30

Ja̧'wa̧nü̧ ja̧'a̧nä̧ fariseo wotü'i̧nä̧, weäwä wȩnȩ wo̧juȩkuä̧ isotü'i̧nä̧, Dio weina̧'a̧ku̧, Ju̧a̧ bautizo jȩa̧tü̧ pä'ü we'äwokotü pinä̧tü̧.

San Lucas 8:46

Ja̧'wa̧nü̧ pätta'anä̧, Jesú-mä̧ yabonü̧ pä'inü̧: —Ya̧tȩ mȩä̧jä̧ku̧sä̧, chu̧wo̧juä̧u̧nä̧ ttüttü chujuru räopächäja'a.

San Juan 3:10

Jesú päinä̧ku̧: —¿Ukumä̧, Iraettü wo̧juȩkuä̧ isotüttü ttu̧wä̧mȩnä̧ wa̧ kua'anä̧, pi̧yȩmä̧ kuieruwa'a tä̧jí̧?

San Juan 3:21

Ja̧'wa̧nü̧ ja̧'a̧nä̧, jueü wȩnȩnä̧ jȩpü̧ kka̧kuä̧tü̧mä̧ tȩya̧u̧ra̧'a̧ku̧ ichätü, Dio a̧'kua̧ iweyenä̧ jȩpü̧ ttü̧jä̧'i̧jü̧ i̧jȩkuä̧chü̧nä̧.

Hechos 19:11

Dio-mä̧ rü̧ȩnä̧ jȩtto̧kü̧ juei'i̧nä̧ jȩpi̧nü̧ Pauru-nä̧mä̧,

Hechos 4:30

Ku̧mü̧ te'ädü ppä'äditü na̧nȩpä̧tü̧ ttü̧'ȩji̧'ü̧nä̧, jȩtto̧kü̧ juei, kui̧tti̧ Jesú i̧mi̧nä̧ jȩtü̧nä̧.»

Hechos 5:34

Ja̧'wa̧nü̧ ja̧'a̧nä̧, juätü ruwotüku kki̧nü̧ ya̧tȩ Fariseo wa̧, Gamalie pä'ü mi̧kua̧, weäwä wȩnȩ wo̧juȩkuä̧ i̧sa̧, ttü̧ja̧ rü̧ȩnä̧ ttukuotäku. Jua̧u̧mä̧ ä̧rä̧mi̧'ü̧, apótore-rü jurunä̧tä̧ rättepo'a pä'ü we'inü̧.