San Lucas 24:47 - Nuevo Testamento Uwotjüja

⁴⁷ Ja̧'wa̧ta̧nü̧ i̧mi̧mä̧ pi̧jä̧ o'kajuiyünä̧tä̧ jiäkuäwäkua'a, suronä̧ jȩttä̧'i̧jü̧ kättädi'a pä'ümä̧, Dio surojü jȩpo̧ko̧tü̧ 'kua̧rü̧nä̧ jȩpü̧ ikuatü pä'ümä̧. Jerusarȩ́-ttü̧ kkä̧mä̧dü̧ jiäkuäwäkua'a.

TÄ̧DO Ä̧CUÄ̧ I̧HUȨNȨ

⁴⁷ Ja̧'hua̧ta̧nö̧ chutä i̧mi̧nä̧ o'ca toi'önä ttö̧ja̧rö̧ Jerusalén ötahuiyära̧'a̧ kä̧mä̧dö̧ jittähuäcua'a̧nö̧ pärocuäcutä ttamöcuädarö pä'ö, suronä jȩttö̧ jȩpö̧ icuatö pä'ö.

San Lucas 24:47 ပူးပေါင်းရင်းမြစ်များ

San Mateo 28:19

Ja̧'wa̧nü̧ ja̧'a̧ttü̧ pi̧jä̧ o'kajuiyünä̧ 'chä̧nü̧ ttü̧ja̧rü̧ chu̧wo̧juȩtä̧u̧ jü̧nä̧; Jä'o i̧mi̧nä̧, i̧tti̧ i̧mi̧nä̧ ja̧'wa̧ta̧nü̧ Epíritu Sa̧tu̧ i̧mi̧nä̧ bautizo jȩpä̧tu̧kui̧,

San Mateo 3:2

Jua̧u̧mä̧ ji̧ä̧wi̧nä̧u̧: «¡Suronä̧ jȩ'kuä̧'i̧jä̧tu̧ku̧ kä'ädi'ätukui, mo̧ro̧jä̧ra̧'a̧ttü̧ ruwo weäwämä̧ tü'küwächa'a!»

San Mateo 9:13

Jua̧u̧nu̧mä̧ wo̧jui̧pä̧jä̧tu̧kui̧, pa̧'a̧nü̧ pä'ijü tü'kü: «Rȩrü̧jü̧ toäkuäwätä pä̧wä̧rü̧jä̧ku̧sä̧, sacrificios jü̧nä̧ kuä'ü jȩ'kuä̧tu̧ku̧mä̧ kkü'koküsä» pä'ijomȩ. Isopäi'ünä̧ adiu jȩpä̧tü̧rü̧mä̧ ȩmü̧ ichokü pinü̧sä̧ ja̧'wa̧nü̧ ja̧jü̧ jueimä̧ suronä̧ jȩpä̧tü̧rü̧, surojüttü kättädächa pä'ü ichinü̧sä̧.

San Lucas 13:34

¡Jerusarȩ́ ttü̧ja̧we, Jerusarȩ́ ttü̧ja̧we, profetas wotürü kuä'äu iku, Dio wȩä̧u̧ru̧'i̧nä̧ inä̧dunä̧ ikuäu kuä'äu ikuätüjä̧! ¡kko̧ro̧nü̧ jü̧ta̧'a̧nü̧, kui̧tti̧mü̧tu̧ku̧ru̧mä̧, äkärä isaju kki̧tti̧mü̧rü̧ kkujuabiyä dȩa̧'a̧ kkü̧tä̧ra̧'a̧ jä̧'i̧jü̧'a̧nü̧ chü̧ka̧ka̧ta̧ pädomȩnä̧, kkü'kokotü pä'ijätüjä̧!

Hechos 10:43

Profeta-mä̧ o'katoi'ünä̧, pide Jesú ütü'kümä̧ jittäwinü̧ o'ka'a ji̧na̧'a̧, Jua̧u̧ru̧ esetätümä̧ o'katoi'ünä̧ suronä̧ jȩttü̧ttü̧mä̧ jȩpü̧ i̧kuä̧kuä̧u̧ pä'ü.

Hechos 11:18

Ja̧'wa̧nü̧ jiäwa'a ä̧ju̧ku̧, 'koruchi'ijä'kotü Dio-rütä eseu pä'inä̧tü̧: —¡Ja̧'wa̧nü̧ jü̧ttü̧mä̧, Dio-mä̧ Judío pokotürü'i̧nä̧ surojüttü kki̧'ä̧kuä̧wä̧ra̧'a̧ku̧ ttü̧ji̧pi̧ya̧rü̧ pä'ü iyäja'a tä̧jí̧!

Hechos 13:46

Ja̧'wa̧nü̧ pä̧tti̧yä̧u̧, Pauru-mä̧, Bernawé-ku pä̧i̧ku̧nä̧ pättinä̧u̧: —Isopäi'ünä̧, ä̧kuo̧mȩnä̧mä̧ ukutu judío-rü, Dio i̧wȩnȩ jitäwa pä'ü ji̧na̧'a̧nä̧; kkü'kü jui'ü ya'oku kkä̧kuä̧wä̧ i'ko'i̧nä̧ kuȩma̧ päkuätukuoka'attü̧, judío pokotürütä ji'äu 'chä̧tü̧jä̧.

Hechos 2:38

Peduru-mä̧ ädätinä̧u̧: —Suronä̧ jȩ'kuä̧'i̧jä̧tu̧ku̧ttü̧ kä'ädäkuäu Jesucrito i̧mi̧nä̧ yotukunä̧ bautizo jȩpä̧kuä̧wä̧tu̧kui̧; suronä̧ jȩ'kuä̧tu̧ku̧ Dio jȩpü̧ ikuomȩnä̧, pärokuä Epíritu Sa̧tu̧ iyü kuȩmä̧tu̧kua̧ pä'ümä̧.

Hechos 20:21

Judío-rü'i̧nä̧, griego-rü'i̧nä̧, ji'äwä'ijüsä Dio-ku ppa̧'ä̧chü̧, Tu̧ru̧wa̧ Jesucrito-rü tteseta pä'ümä̧.

Hechos 26:18

tti'äre bakuepa pä'ü, yo̧ü̧ttü̧ tȩya̧u̧ku̧ tti'ärowächa pä'ü; Satanás ujuruttü Dio-ku tti'ärowächa pä'ü; suronä̧ jȩttä̧'i̧ja̧'a̧, jua̧u̧ jȩpü̧ chi̧kuä̧u̧, tta̧'kua̧ wȩnä̧kuä̧wä̧ ttüttü tȩmä̧kua̧'a̧nü̧, surojü jui'ätü jü̧nä̧tä̧.

Hechos 26:20

ja̧'wa̧nü̧ jä̧ku̧, ä̧kuo̧mȩnä̧ Damasco ütawiyä ttü̧ja̧rü̧, jua̧u̧nü̧ o'ka'a Jerusarȩ́-nä̧'i̧nä̧, Judea rȩjȩ o'kajuiyünä̧ kka̧kuä̧tü̧rü̧'i̧nä̧ ja̧'wa̧ta̧nü̧ judío pokotürü'i̧nä̧ ji'äwinü̧sä̧, surojü kä'ädäkuäu Dio-rü ukuotü kkä̧kuä̧wä̧ wȩnȩmä̧.

Hechos 28:28

Ja̧'wa̧nü̧ ja̧'a̧ttü̧ ä̧ju̧kuä̧tu̧kui̧, pi̧yȩ ra̧wä̧pi̧jü̧ttü̧ kki̧'i̧kuä̧ wȩnȩmä̧ judío pokotürü rȩbȩä̧kuä̧wo̧mȩnä̧mä̧; juätütä ja̧'a̧ pi̧yȩ adiu ttä̧ju̧kuä̧kuo̧tü̧mä̧.

Hechos 3:19

Ja̧'wa̧nü̧ ja̧'a̧ttü̧, suronä̧ jȩ'kuä̧'i̧jä̧tu̧ku̧ kä'ädi'ü, Dio-ku ppa̧'ä̧chä̧tu̧kui̧, suronä̧ jȩ'kuä̧'i̧jä̧tu̧ku̧ jȩpü̧ ikuätukuaku pä'ümä̧; Dio-ttü unichä̧rü̧ eseu kkä̧kuä̧wä̧ ichäkua'anü̧.

Hechos 4:12

Ya̧tȩtä̧ Jesú-tä ja̧'a̧ surojüttü kki̧'ä̧kuä̧wä̧ ujuru kku̧nä̧rü̧mä̧; pi̧jä̧ra̧'a̧ mo̧ro̧jä̧ra̧'a̧ttü̧ weinä̧ku̧ kka̧ra̧mä̧ toa'a; Jua̧u̧tä̧tä̧ ja̧'a̧ i̧mi̧nä̧ ra̧wä̧pi̧jü̧ttü̧ ttü̧ja̧ kki̧'ä̧kuä̧wa̧mä̧.

Hechos 5:31

Jua̧u̧ru̧mä̧ Dio-mä̧ u̧wo̧jua̧'a̧ku̧nä̧ rütäu, ru̧wa̧ päi'ünä̧ jȩpü̧ ra̧wä̧pi̧jü̧ttü̧ ttü̧ji̧pü̧nä̧ ppädäkuäwä i̧sa̧ päi'ünä̧ jȩi̧nä̧ku̧, Irae ttü̧ja̧rü̧ suronä̧ jȩttü̧ttü̧ kättädi'a pä'ü ja̧'wa̧ta̧nü̧ suronä̧ jȩttä̧'i̧jü̧ jȩpü̧ ikuatü pä'ü.

Romanos 5:20

Isopäi'ünä̧ weäwä wȩnȩmä̧, surojütä yaboku rü̧ä̧chü̧nä̧ kkiopina̧'a̧; ja̧'wa̧nü̧ ji̧na̧'a̧nä̧, surojü kki̧no̧mȩmä̧, Dio re ü̧ji̧nü̧mä̧ abo 'kuäo'ünä̧ juiyo rü̧i̧na̧'a̧.

Efesios 1:6

Pa̧'a̧nü̧tä̧ jȩpi̧nü̧ Dio-mä̧ rü̧ȩnä̧ rȩrü̧jü̧ toü tesewarü pä'ümä̧, ja̧'wa̧nü̧ ja̧'a̧ttü̧ chutä I̧tti̧ repeäkunä̧ surojüttü kki̧'i̧kuä̧ iyinä̧u̧jä̧.

Efesios 3:8

Ttümä̧ o'katoi'ünä̧ Dio pojopü weinä̧u̧ttü̧'i̧nä̧ tti̧dȩ'a̧nä̧ cha'anä̧, pi̧yȩ mippoünä̧ iyinä̧ku̧sä̧, judío pokotürü Crito ukuo jäwä jidäwiyarü pä'ü.

Colosenses 1:27

Dio-mä̧ pi̧yȩ bäreu eseäkuäwä jäwämä̧ pi̧jä̧ o'kajuiyünä̧ ttü̧ja̧rü̧ iyinü̧, jua̧u̧mä̧ pi̧yȩ ja̧'a̧: Dio-mä̧ Crito-rü we'inü̧ ukutu ku̧'kä̧tȩtu̧ku̧nä̧ ü̧ja̧ pä'ü. Ja̧'wa̧nü̧ kkä̧nü̧ Dio ujuru'i̧nä̧, ukuo jäwä'i̧nä̧ iya pä'ü.

1 Juan 2:12

Ukutu chi̧tti̧mü̧ wotürü, wȩyu̧tu̧ we'üsä; ukutu suronä̧ jȩ'kuä̧'i̧jä̧tu̧ku̧mä̧, Jesucrito jȩi̧nü̧nä̧tä̧, Dio-mä̧ jȩpü̧ i̧kui̧nä̧u̧jä̧ pä'ü.