San Lucas 24:27 - Nuevo Testamento Uwotjüja

²⁷ Jua̧u̧ pä'ü kä'ädü, Moisé i̧wȩyu̧ti̧nü̧ttü̧ kkä̧mä̧dü̧, profeta tti̧wȩyu̧ti̧nü̧'i̧nä̧ ukuokuinä̧u̧, wȩyu̧kuä̧ wȩnȩ chutä ütü'kü ukuokumä̧ o'kajuiyünä̧tä̧.

TÄ̧DO Ä̧CUÄ̧ I̧HUȨNȨ

²⁷ Ja̧u̧nu̧ o'ca'a o'ca juiyönä Huȩyu̧cuä̧ Huȩnȩ churutä huȩyu̧cua̧'a̧ ji'ähuinödo jahuätörö. Moisés i̧huȩyu̧ti̧nö̧ kä̧mä̧dö̧, o'ca juiyönä Dios i̧huȩnȩ jiäcuähuä isotö tti̧huȩyu̧ti̧nö̧ ji'ähuinödo.

San Lucas 24:27 ပူးပေါင်းရင်းမြစ်များ

San Marcos 4:34

Ji̧yȩtȩ'i̧nä̧ u̧wȩnȩto̧ka̧'a̧mä̧ ji̧ä̧wo̧ko̧u̧ pinä̧tü̧ ja̧'wa̧nü̧ ja̧'a̧nä̧ u̧wo̧juȩtä̧u̧rümä̧ o'kajuiyünä̧tä̧ i̧mi̧ku̧nä̧ rä'epü iku ji'äwinü̧.

San Lucas 24:25

Ja̧'wa̧nü̧ jitäwäku Jesú-mä̧ päinä̧u̧: —¡Isoo, ukutumä̧, ku̧wo̧jui̧pä̧tu̧kua̧ pä'ü'i̧nä̧ jui'ätüjä̧ tä̧jí̧, kuesetätukua pä'ü'i̧nä̧ kua̧mi̧ 'ki'ätüjä̧ tä̧jí̧, profetas jittäwinü̧mä̧!

San Lucas 24:44

Ja̧'wa̧ta̧nü̧ päinä̧u̧: —Pi̧yȩ ukuokuinü̧sä̧ ukutuku kue'ächümä̧: Ttü chütü'kümä̧, Moisé i̧wȩyu̧ti̧nü̧'i̧nä̧, profeta tti̧wȩyu̧ti̧nü̧'i̧nä̧ ja̧'wa̧ta̧nü̧ Salmos-nä̧ wȩyu̧kuä̧'i̧nä̧ o'kajuiyünä̧tä̧ 'kuäopäkua'a pädinü̧mä̧.

San Juan 1:45

Ja̧'wa̧ta̧nü̧ Felipe-mä̧, Natanael-rü po̧kui̧pü̧ pä'inü̧: —Weäwä wȩnȩnä̧ Moisé i̧wȩyȩti̧nä̧ku̧ pä'ijürü, profeta winä̧tü̧ tti̧wȩyu̧ti̧nä̧ku̧ pä'ijürü, Jesú nazare i̧sa̧, José i̧tti̧rü̧ po̧kui̧pä̧jä̧tü̧jä̧,

San Juan 12:41

Isaía-mä̧ Jesú ütü'kü ukuokuinü̧, jua̧u̧ ukuo jäwä topü.

San Juan 5:37

Ja̧'wa̧ta̧nü̧ Chä'o ttürü we'inü̧'i̧nä̧, ttü chütü'kümä̧ ji'äwinü̧. Jua'akumä̧ i̧wȩnȩ'i̧nä̧ kuä̧ju̧kuä̧tu̧kuo̧ko̧ku̧ ja̧'a̧nä̧, topü'i̧nä̧ to'kuätukuokoku ja̧'a̧nä̧,

San Juan 5:39

Wȩyu̧kuä̧ wȩnȩ adiu topü ukuokuätukui; jua̧u̧nä̧tä̧ kka̧'a̧ 'kua̧'ra̧'a̧, ukutu ku̧jä̧tu̧kuä̧kuȩ kkä̧kuä̧wä̧ i'komä̧; jua̧u̧tä̧tä̧ ja̧'a̧ ttü chütü'kü jiäumä̧.

Hechos 10:43

Profeta-mä̧ o'katoi'ünä̧, pide Jesú ütü'kümä̧ jittäwinü̧ o'ka'a ji̧na̧'a̧, Jua̧u̧ru̧ esetätümä̧ o'katoi'ünä̧ suronä̧ jȩttü̧ttü̧mä̧ jȩpü̧ i̧kuä̧kuä̧u̧ pä'ü.

Hechos 3:18

Ja̧'wa̧nü̧ ja̧'a̧nä̧, Dio umüwäyotü profeta-tü̧nä̧ ukuokuinü̧mä̧ 'kuäopina̧'a̧: Jua̧u̧ weäku Crito-mä̧ 'korujuoächä̧kua̧, pä'ü ukuokuinü̧ta'anü̧.

Hechos 3:22

Moisé-mä̧ tü̧tä̧mü̧ mi̧nä̧rü̧ pä'inü̧: Ku̧ä̧nä̧wa̧tu̧ku̧ Dio-mä̧, kui̧jä̧wa̧tü̧ttü̧ ya̧tȩ profeta wa̧rü̧ ä̧rä̧bȩ'ä̧kua̧, ttü jü̧ta̧'a̧nü̧. Jua̧u̧ru̧mä̧ o'kajuiyünä̧ päümä̧ kukuotätukuäkuotüjä̧.

Hechos 3:24

Ja̧'wa̧ta̧nü̧ o'katoi'ünä̧ profeta-mä̧, Samue-ttü kkä̧mä̧dü̧ ukuokuinätü̧ pi̧yȩ jitä mo̧ro̧ 'kuäopümä̧.

Hechos 7:37

Ja̧'wa̧ta̧nü̧, jua̧u̧ Moisé-tä ji̧na̧'a̧ Irae ttü̧ja̧rü̧ pä'inü̧mä̧: Dio-mä̧ ttü ta̧'a̧nü̧ profeta-rü ukututtü ya̧tȩrü̧ rä̧ȩpä̧kua̧, jua̧u̧ru̧ kuä̧ju̧kuä̧tu̧kua̧jä̧, jü̧nä̧.

Hechos 8:35

Ja̧'wa̧nü̧ ja̧'a̧ Felipe-mä̧, juȩnȩ wȩyu̧kua̧'a̧ ukuokuäjämȩttü̧tä̧ kkä̧mä̧dü̧, Jesú jäwä jareünä̧ wȩnȩ jiäwinä̧ku̧.

Apocalipsis 19:10

Á̧gȩ-rü̧ ä'ka jo̧mȩ chiwe'kiyunä̧ pä̧mä̧dü̧, chesewarü pä'ü jȩchä̧ku̧ päinä̧ku̧sä̧: Ja̧'wa̧nü̧mä̧ jȩ'kuä̧, ttü'i̧nä̧ ukuta'a̧nü̧ u̧mü̧wä̧ya̧sä̧, ku̧jä̧wa̧tü̧ Jesú jiäwinü̧nä̧ ukuotü kka̧kuä̧tü̧ jü̧ta̧'a̧nü̧ Dio u̧mü̧wä̧ya̧sä̧, Dio-rütä esewi. Isopäi'ünä̧ Jesú wo̧juȩtü̧ jiäwinü̧tä̧ ja̧'a̧ profeta wotürü yaboku tti̧'chü̧nä̧ jȩü̧mä̧.