San Lucas 22:66 - Nuevo Testamento Uwotjüja

⁶⁶ Mo̧ro̧ juoäja'amä̧, judío-ttü tä̧mü̧'i̧nä̧, sacerdote wotü tturuwotü'i̧nä̧, weäwä wȩnȩ wo̧juȩtä̧'i̧jä̧tü̧'i̧nä̧ ka̧ka̧ku̧ ttü̧'ȩjä̧ma̧'a̧. Ji̧nä̧so ukuo isotü ttü̧'ȩjo̧mȩ Jesú-ru ȩpi̧nä̧tü̧. Juorü ja'epä̧rü̧ ttä̧ju̧kui̧nä̧ku̧:

TÄ̧DO Ä̧CUÄ̧ I̧HUȨNȨ

⁶⁶ Mo̧ro̧ juomenä, judíos ttö̧ja̧ ancianos huotö'inä, sacerdotes ruhuotö'inä, hueähuä huȩnȩ huo̧juȩtä̧tö̧'i̧nä̧ ca̧ca̧cui̧pö̧, Jesúsru ȩpi̧nä̧tö̧do judíos ttö̧ja̧ ji̧nä̧ isocu ruhuotö ttä'ca jo̧mȩ. Juhua'attö ja̧u̧ru̧ jä'epinätödo:

San Lucas 22:66 ပူးပေါင်းရင်းမြစ်များ

San Mateo 27:1

Mo̧ro̧ päia'a, sacerdote tturuwotü o'katoi'ünä̧ ja̧'wa̧ta̧nü̧ judío-ttü a̧ci̧a̧nu̧ wotü'i̧nä̧ Jesú-ru kuä'ü ttikua pä'ü amükuädü kku̧ni̧nä̧tü̧.

San Mateo 5:22

Ja̧'wa̧nü̧ ji̧na̧'a̧nä̧ ttümä̧ ukuturu pä'üsä, ya̧tȩ ü̧jä̧wa̧rü̧ ü̧ra̧wä̧rü̧ttü̧mä̧, weäwä wȩnȩnä̧tä̧ ro̧ȩkui̧'ä̧kua̧, jü̧nä̧. Ja̧'wa̧ta̧nü̧ ü̧jä̧wa̧rü̧ ttu̧'ȩpä̧ro̧kü̧jä̧ päüttümä̧ ukuo isotü ttä'ka jo̧mȩ ȩkuä̧kua̧ tä̧bo̧kui̧'a̧rü̧ pä'ü; ja̧'wa̧ta̧nü̧ ü̧jä̧wa̧rü̧ «Kuamükuädü jui̧'a̧jä̧» päüttümä̧ okurä na̧wi̧po̧karänä̧ usurä ȩmä̧wa̧ pä'ütä, pä̧wi̧'ä̧kua̧.

San Marcos 15:1

Mo̧ro̧ päia'a, yotäku, sacerdote wotü tturuwotümä̧, judío-ttü a̧ci̧a̧nu̧ wotüku ja̧'wa̧ta̧nü̧ weäwä wȩnȩ wo̧juȩkuä̧ isotüku'i̧nä̧, ja̧'wa̧ta̧nü̧ Sanedrín wotüku'i̧nä̧ o'katoi'ünä̧ ka̧ka̧kui̧pü̧ ukuokuäjä'kotü. Jesú-ru nü̧'käwa̧rü̧tä̧ ȩmi̧pü̧, Pilato-rü iyinä̧tü̧.

San Juan 18:28

Ja̧'wa̧nü̧ ja̧'a̧, mo̧ro̧juoa'aku juätümä̧ Caifá ojusodettü ru̧wa̧ gobernador ojusodeku Jesú-ru ȩpi̧nä̧tü̧. Ja̧'wa̧nü̧ ja̧'a̧nä̧, judío tturuwotümä̧ juodenä̧ dodepokotü pinä̧tü̧, Pacua ttukuäkua'a ja̧'a̧, surojuotächä pä'ü.

Hechos 22:5

Sacerdote ttu̧ru̧wa̧'i̧nä̧, judío-ttü a̧ci̧a̧nu̧ wotü'i̧nä̧ topinä̧tü̧, pi̧yȩ pädümä̧. Juätütä ttiyinä̧ku̧sä̧ wȩyu̧kuojämä̧, Damasco-ttü Jesucrito-rü esetätürü, 'chudädäja pä'ümä̧, porü Jerusarȩ́-ttü̧ ro̧ttȩpa̧tü̧ pä'ü.