San Lucas 21:19 - Nuevo Testamento Uwotjüja

¹⁹ Isopäi'ünä̧ rüjí mo̧ro̧bü päi'ünä̧, 'kȩkui̧pä̧chä̧tu̧kuo̧ka̧'a̧ jü̧ttü̧mä̧, surojüttü ku̧ji̧pä̧kuo̧tü̧jä̧.

TÄ̧DO Ä̧CUÄ̧ I̧HUȨNȨ

¹⁹ Cuami 'qui'ächi'ö cu̧ja̧cuä̧tu̧cu̧ttu̧mä̧, kä̧cuä̧huä̧ i'co cu̧ju̧nä̧rä̧cuo̧tö̧jä̧.

San Lucas 21:19 ပူးပေါင်းရင်းမြစ်များ

San Mateo 10:22

Ttü chi̧mi̧ jäwänä̧mä̧, o'katoi'ünä̧tä̧ tta̧mi̧suru tottäkuä̧u̧jä̧; ja̧'wa̧nü̧ ja̧'a̧nä̧ rüjí mo̧ro̧bü päi'ünä̧ a̧mi̧ 'ki'ächi'ü ü̧jü̧ttü̧mä̧, jua̧u̧tä̧tä̧ jä̧kua̧'a̧ ü̧ji̧pä̧kua̧mä̧.

San Mateo 24:13

Ja̧'wa̧nü̧ ja̧'a̧nä̧ pi̧jä̧ beipächomȩbü päi'ünä̧, a̧mi̧ 'ki'ächi'ü kkü̧mä̧ ra̧wä̧pi̧jü̧ttü̧mä̧ ü̧ji̧pä̧kua̧,

San Lucas 8:15

Ja̧'wa̧ta̧nü̧ rȩjȩ adiwomȩ ma̧ä̧chi̧nü̧ jä̧ji̧mä̧, Dio i̧wȩnȩ tta̧mi̧so'kinä̧ adiu 'chu'ädü ä̧ju̧ku̧, ji̧yȩnä̧tä̧ ukuotü kkä̧nü̧, u̧wä̧ju̧ kku̧nä̧rä̧tü̧rü̧ wȩnȩkuä̧cha̧'a̧.

Romanos 15:4

Isopäi'ünä̧ mo̧ täbokü tti̧wȩyu̧ti̧nü̧mä̧, ujutu tu̧wo̧jui̧pa̧ pä'ü wȩyu̧ti̧nä̧tü̧, ta̧mi̧'ki'ächi'ü; wȩyu̧kuä̧ wȩnȩ ppäda'aku tta̧wä̧rä̧kuä̧wä̧ tu̧ju̧nä̧ra̧ pä'ü.

Romanos 2:7

Tturuwo, wa'ü ikuäwokü, ukuo jäwä Dio iyatü pä'ü tta̧'ä̧rü̧nü̧ adiwä juei jȩpü̧ kki̧nä̧tü̧rü̧mä̧, Dio-mä̧ kkä̧kuä̧wä̧ i̧yä̧kuä̧u̧.

Romanos 5:3

Suro jua̧u̧tä̧mä̧kü̧, usurä tȩmä̧kuä̧wa̧'a̧'i̧nä̧ esewätüjä̧, jua̧u̧ usurä ȩmä̧wä̧kuä̧wä̧mä̧, tta̧'a̧rü̧ weye wotünä̧ ppädü pä'ü tu̧wo̧jua̧'a̧ttü̧;

Romanos 5:4

Jua̧u̧ ta̧mi̧ 'kitächi'ümä̧, kka̧kuä̧mü̧ toüttü 'kuäto'ünä̧ ja̧'a̧, jua̧u̧ttü̧ 'kuäto'omȩnä̧mä̧, tta̧'a̧rü̧ tü̧ja̧ku̧nä̧ ja̧'a̧;

Romanos 8:25

Ja̧'wa̧nü̧ ja̧'a̧nä̧, ji̧nä̧ totokü tta̧tä̧ro̧mȩnä̧mä̧, tta̧mi̧'ki'ächi'ü tta̧'a̧rä̧tü̧jä̧.

1 Tesalonicenses 1:3

Tä'o Dio ä'ka jo̧mȩ tukuokuomȩnä̧mä̧ amükuädätü̧jä̧, kua̧'kua̧ wȩnä̧rü̧ kuaditä'ijätuku'i̧nä̧, eseu kuaditä'ijätuku'i̧nä̧ ja̧'wa̧ta̧nü̧ 'kiyünä̧, Tu̧ru̧wa̧ Jesucrito surojüttü kki̧'ä̧kuä̧wä̧ i̧yä̧kuȩ tta̧kuä̧rä̧tu̧ku̧'i̧nä̧, jü̧nä̧.

2 Tesalonicenses 3:5

Tu̧ru̧wa̧tä̧ ppä̧dä̧kuä̧u̧jä̧ Dio eseuta'anü̧ kuesewätukunä̧ usurä kuȩmä̧wä̧tu̧kuo̧mȩnä̧ Crito ujuru ku̧ju̧nä̧rä̧kuo̧tü̧jä̧.

Hebreos 10:36

Isopäi'ünä̧ rekuo ja̧'a̧nä̧ kua̧mi̧ 'ki'ächi'ü tta̧'a̧rä̧tu̧kui̧, Dio-rü pä̧wä̧rü̧jü̧ jȩpü̧ kä'ädi'ü'kotü, iya päinü̧ kuȩmä̧tu̧kuä̧kua̧'a̧nü̧.

Hebreos 6:11

Ja̧'wa̧nü̧ ja̧'a̧nä̧ ukutu yotukunä̧ jua̧u̧ kuesewätukumä̧ rüjibü päi'ünä̧ tottünä̧ jȩpü̧ ku̧jä̧tu̧kua̧ pä̧wä̧rü̧jä̧u̧jä̧ ujutumä̧, tta̧'a̧rü̧ ku̧jä̧'i̧jä̧tu̧ku̧ jo̧mȩnü̧ jä̧kua̧'a̧nü̧.

Hebreos 6:15

Ja̧'wa̧nü̧ ji̧nü̧ o'ka'a, a̧mi̧ 'ki'ächi'ü tta̧wä̧ri̧na̧'a̧mä̧, Abraha̧-mä̧ Dio iya päinü̧mä̧ iyinä̧ku̧.

Santiago 1:3

Ja̧'wa̧ta̧nü̧ täkü wo̧juä̧tü̧jä̧ kua̧'kua̧ ku̧wȩnä̧rä̧tu̧ku̧nä̧ pi̧jä̧ jäwä kka̧kuä̧mȩ'ü̧ toomȩnä̧mä̧ usurä ȩmä̧u̧ ttujuruku tta̧mi̧ 'kiächi'äkuäwä pä'ümä̧.

Santiago 1:4

Ja̧'wa̧nü̧ ja̧'a̧nä̧ ja̧u̧ kujurutukunä̧ juekuächäkuäwära̧'a̧, ja̧'wa̧ta̧nü̧ jo̧mȩnü̧ buojuoäwära̧'a̧ kkoro'i̧nä̧ rekuä rü̧jü̧ juiyünä̧ ȩpa̧'a̧nä̧ kua̧mi̧ 'ki'ächi'ätukui.

2 Pedro 1:6

Ja̧'wa̧ta̧nü̧ wo̧jui̧'ä̧kuä̧wä̧tä̧, tta̧mü̧nä̧ weäkuäwoküra̧'a̧, ja̧'wa̧ta̧nü̧ tta̧mü̧nä̧ weäkuäwokümä̧ tta̧mi̧ 'kiächi'äkuäwära̧'a̧; tta̧mi̧'kiächi'äkuäwätä, rȩrü̧jü̧ toäkuäwära̧'a̧;

Apocalipsis 1:9

Ttü, Ju̧a̧, Crito-nä̧ ku̧jä̧wa̧tu̧ku̧ wa̧, ukutu jü̧ta̧'a̧nü̧ Dio weü jäwänä̧ usurä ȩmä̧kuä̧wä̧ i̧sa̧, Jesucrito a̧mi̧ 'ki'ächi'ü jäwänä̧ wa̧sä̧. Pamo pä̧ttä̧sa̧ kkä'ko i̧sä̧sa̧nä̧; Dio i̧wȩnȩ jäwänä̧ ja̧'wa̧ta̧nü̧ Jesucrito jäwänä̧ ttȩpi̧nä̧ku̧ kkä̧nü̧,

Apocalipsis 13:10

«Kärenä̧ra̧'a̧ ttȩpä̧u̧ru̧mä̧, kärenä̧ra̧'a̧ ttȩpä̧kuä̧u̧; kurodiyänä̧ kuä'äu tti̧kuä̧u̧ru̧mä̧, kuä'äu ttikuäkuä̧u̧ Jua̧u̧ pä̧nä̧ jä̧kua̧'a̧, Dio i̧tti̧mü̧ tta̧mi̧ 'kittächi'ü'i̧nä̧, tta̧'kua̧ ttu̧wȩnä̧rü̧'i̧nä̧ i̧jȩkuä̧chä̧kua̧'a̧mä̧.»

Apocalipsis 14:12

¡Pȩnȩ́ jä̧kua̧'a̧ surojüttü 'kȩ'ȩpü̧ ikuinä̧u̧, Dio-rü ukuotätü ja̧'wa̧ta̧nü̧ Jesú-ru tta̧'kua̧ wȩnä̧rä̧tü̧ tta̧mi̧ 'kittächi'a'a i̧jȩkuä̧chä̧kuo̧mȩmä̧!

Apocalipsis 3:10

Ttü kua̧mi̧ 'kikuächi'ätukunä̧ wedinü̧mä̧ kukuotinä̧tu̧kua̧'a̧ttü̧, pi̧jä̧ ttü̧ja̧ o'katoi'ünä̧rü̧ kka̧kuä̧mü̧ toäkuäwä mo̧ro̧ päi'omȩnä̧'i̧nä̧ ttümä̧ tta̧dä̧rä̧kuä̧u̧jä̧.