San Lucas 20:46 - Nuevo Testamento Uwotjüja

⁴⁶ «Weäwä wȩnȩ wo̧juȩkuä̧ isotürü ttu̧'ȩpä̧rä̧kuäu̧nu̧ kka̧kuä̧tu̧kui̧, ttü̧'ka̧tä̧wa̧ta̧ o̧to̧ä̧ta̧ 'ka̧tä̧wä̧tü̧rü̧, ttu̧kuȩ ȩmä̧wo̧mȩttü̧ ttü̧ja̧mä̧ ukuotünü̧ tettäwatü pä'ätürü. Ttu̧kuȩ ttukuomȩ'i̧nä̧ adiwomȩtä̧ ttü̧'ȩja̧ pä'ätürü. Ja̧'wa̧ta̧nü̧ sinagoga odewiyättü'i̧nä̧ ukuo dȩä̧kä̧nä̧ ttü̧'ä̧mä̧da̧ pä'ätürü.

TÄ̧DO Ä̧CUÄ̧ I̧HUȨNȨ

⁴⁶ —Hueähuä huȩnȩ huo̧juȩtä̧tö̧rö̧ ttu̧ȩcuä̧nä̧ ka̧cuä̧tu̧cui̧. Jahuätö ttö̧'ca̧tä̧huä̧ta̧ o̧to̧ä̧ta̧ ra̧'a̧nä̧ cuettächa pä̧huä̧ rö̧jä̧u̧. Ja̧'hua̧ta̧nö̧ plazattö o'ca toi'önä ucuotönö tettähuatö pä'ätö. Judíos ttu̧huo̧jui̧'i̧nodehuiyättö'inä, ttu̧cuȩ ttucuomettö'inä korotöttö'inä abonänö adihuä̧cä̧nä̧ ttö̧'ä̧mä̧da̧ pä'ätödo.

San Lucas 20:46 ပူးပေါင်းရင်းမြစ်များ

San Mateo 16:6

Jesú-mä̧ päinä̧u̧: —Fariseo wotürü'i̧nä̧, saduceo wotürü'i̧nä̧ jȩttü̧ levadura pä'ü mikuttü ttu̧'ȩpä̧rä̧kuäu̧nu̧ tta̧'a̧rä̧kuä̧wä̧tu̧kui̧.

San Mateo 23:1

Jua̧u̧ jä̧ji̧ o'ka'a, Jesú-mä̧ ttü̧ja̧rü̧'i̧nä̧, u̧wo̧juȩtä̧u̧rü'i̧nä̧ pä'inü̧:

San Marcos 8:15

Ja̧'wa̧nü̧ ja̧'a̧ Jesú-mä̧ ro̧ȩpi̧nä̧u̧: —To̧pä̧rä̧kuä̧u̧ tta̧'a̧rä̧kuä̧wä̧tu̧kui̧, fariseo wottü ttu̧ju̧nä̧rü̧ levadura-ttümä̧ ja̧'wa̧ta̧nü̧ Herode u̧ju̧nä̧rü̧ levadura-ttü'i̧nä̧.

San Lucas 11:43

¡Isoó ukutu fariseo wotüwe! sinagoga odewiyättümä̧ ä̧kuo̧mȩnä̧ dȩä̧ki̧yä̧nä̧ ku̧'ä̧tu̧kua̧ pä'ü kkü'kätüjä̧ ja̧'wa̧ta̧nü̧ ttu̧kuȩ ȩmä̧wo̧mȩttü̧'i̧nä̧ ukuo kkü̧nä̧ tettäwätukuaku pä'ätüjä̧.

San Lucas 12:1

Ja̧'wa̧nü̧ ja̧'a̧ jakuänä̧, ttü̧ja̧ rekuätü ka̧ka̧kui̧nä̧tü̧, rü̧ȩnä̧ ppi̧ttä̧chä̧rü̧nä̧ päi'ünä̧. Ä̧kuo̧mȩnä̧mä̧, u̧wo̧juȩtä̧u̧rü kkä̧mä̧dü̧ ji'äwinü̧: Fariseo wotü ttu̧ju̧nä̧rü̧ levadura-nä̧mä̧ ppäkuächi'ätukuä, jua̧u̧mä̧ ä'koyättü esetü jȩä̧kuä̧wä̧tä̧ ja̧'a̧ pä'ü.

San Lucas 14:7

Jesú-mä̧ ä̧tȩkuo̧tü̧ päjätü ichi'äkuäu, ä̧kuo̧mȩnä̧ jäwä dȩä̧ki̧yä̧nä̧tä̧ pojopä'chü ttü̧'ȩjä̧ma̧'a̧ topü, wȩnȩtü̧ ukuokuinä̧u̧:

San Lucas 20:47

Ja̧'wa̧ta̧nü̧ rȩkua̧mü̧rü̧ ttoju odewiyä 'choipä'chü, adiu jȩpä̧tü̧jä̧ pä'ü, rekuo Dio-rü ukuokuätürü. Juätümä̧ kkorotüttü'i̧nä̧ abonä̧nü̧ usurä ttȩmä̧wä̧kuo̧tü̧.»

Romanos 12:10

Yotukunä̧mä̧ ttü̧jä̧wa̧tü̧rü̧ eseu repettü'anü̧, eseu repe'äkuäwätukui; yotukunä̧ ukuotäkuäu kkä̧nü̧.

2 Timoteo 4:15

Ja̧'wa̧ta̧nü̧ uku'i̧nä̧ ja̧u̧ttü̧mä̧ rü̧ȩnä̧ tta̧'a̧rä̧kuä̧u̧ kkä̧wi̧, jua'amä̧ ujutu tu̧wo̧juȩtü̧mä̧ üjü'kokomȩ jä̧'i̧jo̧mȩttü̧.

3 Juan 1:9

Igresia-rü wȩyu̧tu̧ we'inü̧sä̧ ja̧'wa̧nü̧ ja̧'a̧nä̧ Diótrefe-mä̧ ukuotoka'a, juiyo weäwätä kkü̧'ka̧.