San Lucas 20:24 - Nuevo Testamento Uwotjüja

²⁴ —Poku iyätukuittü pä̧rä̧tä̧bi̧. ¿Pi̧bi̧nä̧mä̧ dí a̧'kua̧juä̧ pa̧'a̧kuä̧ttü̧, dí i̧mi̧jä̧ttü̧? päomȩnä̧, ttädätinä̧ku̧: —Ru̧wa̧ Césa,

TÄ̧DO Ä̧CUÄ̧ I̧HUȨNȨ

²⁴ Pärätä̧bi̧ i̧jȩpä̧tu̧cui̧ttö̧. ¿Di a̧'cua̧juä̧ttö̧ pi̧yȩmä̧? ¿Di i̧mi̧ huȩyu̧cua̧'a̧jä̧ttö̧ pi̧bi̧ pärätä̧bi̧nä̧? Ja̧u̧ru̧ ädätinätödo: —Romanos ttö̧ja̧ ttu̧ru̧hua̧ a̧'cua̧juä̧'i̧nä̧, i̧mi̧'i̧nä̧ pa̧'a̧.

San Lucas 20:24 ပူးပေါင်းရင်းမြစ်များ

San Mateo 18:28

Ja̧'wa̧nü̧ jä̧ji̧ o'ka'a, jua̧u̧mä̧ juorü räopächomȩnä̧ a̧wa̧ru̧wa̧rü̧ po̧kui̧pi̧nü̧, pärätämä̧ ciȩnü̧ jo̧mȩnä̧ mi̧ppotürü; i̧mi̧ppotäku u̧ru̧pä̧'kȩnä̧ 'chu'ädi'ünü̧ pä'inü̧: ¡Kuimi̧ppotümä̧ mitäu ikuittü!, jü̧nä̧.

San Mateo 20:2

Ya'ute mo̧ro̧mä̧, ji̧yȩtȩ denario-tä chi̧mi̧tä̧kuä̧u̧jä̧ pä'ü juätürü ukuokuäji̧'ka̧, uwa pätta ü'ättanä̧ ttadita pä'ü we'ü u̧ju̧ni̧nä̧u̧.

San Mateo 22:20

Jesú-mä̧ jä'epü ä̧ju̧kui̧nä̧u̧: —¿Pi̧yȩmä̧ dí i'äjä̧ttü̧ ja̧'wa̧ta̧nü̧ dí i̧mi̧ wȩyu̧kua̧'a̧jä̧ttü̧?

San Marcos 12:16

Tti'kächipomenä̧, Jesú-mä̧ päinä̧u̧: —¿Pi̧yȩmä̧, dí ä̧'kua̧juä̧ jä̧ttü̧ ja̧'wa̧ta̧nü̧ pi̧yȩmä̧ dí i̧mi̧jä̧ttü̧? Päomȩnä̧, ttädätinä̧ku̧: —Ru̧wa̧ Césa, jü̧nä̧.

San Lucas 2:1

Ji̧yȩnü̧ pä̧nä̧ Césa Augusto ru̧wa̧ pä̧nü̧ ttü̧ja̧ o'katoi'ünä̧rü̧ we'inü̧ tti̧mi̧ tti̧wȩyu̧kuä̧kuä̧wa̧ pä'ü.

San Lucas 20:22

Jua̧u̧nu̧mä̧ ¿Ru̧wa̧ Césa-rü timi̧tä'ijü impuestomä̧ adiwa'a tä̧jí̧, suroja'a tä̧jí̧?

San Lucas 20:23

Jesú-mä̧ suronä̧ ttamükuäda'a u̧wo̧jua̧'a̧ttü̧ juätürü pä'inü̧: ¿tta̧'a̧nü̧ pä'ü kka̧kuä̧mȩ'ü̧ to'kuätukuäkusättü̧?

San Lucas 20:25

pättiyäku, Jesú-mä̧ päinä̧u̧: —Jua̧u̧nu̧mä̧, Césa-rümä̧ Césa jäwätä iyätukui ja̧'wa̧ta̧nü̧ Dio-rümä̧, Dio jäwätä iyätukui.

San Lucas 23:2

Ȩpü̧ kku̧nä̧jä̧'kotü, ä'ka jo̧mȩttü̧ pa̧'a̧nü̧ jȩpä̧ji̧ pä'ü ji'äwä'chinä̧tü̧: Piderü po̧kui̧pä̧jä̧tü̧jä̧ ttü̧ja̧rü̧ ji'äwä'chü ti̧rȩjä̧ surojuoepa'a. Roma jäwä pärätämä̧ kuiyätukuä, pä'ü kkä̧nü̧'i̧nä̧, ttütäsä Crito-mä̧, Rey-mä̧ pä'ä'chürü.

San Lucas 3:1

Tiberio ru̧wa̧ emperador jü̧nä̧mä̧, ttü̧jä̧pü̧ttü̧ ji̧mü̧tȩ año jo̧mȩnä̧ päi'ünä̧ wea'a, Poncio Pilato-mä Judea rȩjȩttü̧ ru̧wa̧ gobernador ji̧na̧'a̧. Ja̧'wa̧ta̧nü̧ Herode-mä̧ Galirea rȩjȩnä̧ ru̧wa̧ gobernador pinü̧, i̧jä̧wa̧ Filipo-mä̧ Iturea rȩjȩnä̧'i̧nä̧ ja̧'wa̧ta̧nü̧ Traconite rȩjȩnä̧'i̧nä̧ ru̧wa̧ gobernador ü̧'a̧'a̧; ja̧'wa̧ta̧nü̧ Lisanias-mä̧ Abilene rȩjȩnä̧ ru̧wa̧ pi̧nü̧.

Hechos 11:28

Juätüttü ya̧tȩ, Agabo pä'ü mi̧kua̧ ä̧rä̧mi̧'ü̧ Epíritu Sa̧tu̧ a̧'kua̧ iweyenä̧ ukuokuinü̧: pi̧jä̧ ttü̧ja̧ ttü̧ja̧kuo̧mȩ pünä̧mä̧ o'kajuiyünä̧ ppäi mo̧ro̧ rȩbȩä̧kuä̧wä̧kua̧'a̧ pä'ü; Ja̧'wa̧nü̧ jiäwinü̧ o'ka'a, ru̧wa̧ Emperador Claudio ü̧'ü̧ pä̧nä̧, päinü̧ta'anü̧ 'kuäopina̧'a̧.

Hechos 26:32

Ja̧'wa̧nü̧ ja̧'a̧ Agripa-mä̧ Feto-rü pä'inü̧: —Pidemä̧ kärenä̧ttü̧ rä'epü ttikuarü pä'ü wäji ja̧'a̧, chutä emperador Césa ü̧ja̧'a̧ i̧'cha̧ pä'ü jä'epü juiyäjittümä̧.

Filipenses 4:22

O'katoi'ünä̧ Jesucrito-rü esetinä̧tü̧mä̧ tettäwä̧u̧jä̧. Ji̧nä̧so te'äwätümä̧ Roma Ru̧wa̧ umüwäyotü ja̧'a̧.