San Lucas 20:13 - Nuevo Testamento Uwotjüja

¹³ Ja̧'wa̧nü̧ jȩttä̧'chi̧yä̧ku̧mä̧, pätta u̧ru̧wa̧mä̧ pä'inü̧: ¿Däjetä jȩchü̧'a̧nü̧ttü̧? Jua̧u̧nu̧mä̧, chi̧tti̧ rȩni̧'a̧rü̧tä̧ weda; jua̧u̧ru̧mä̧ ttukuotäkuotü 'kua̧'ra̧'a̧.

TÄ̧DO Ä̧CUÄ̧ I̧HUȨNȨ

¹³ “Röjinä ji̧nä̧ isocu pätta ru̧hua̧ pä'inödo: “¿Tta̧'a̧nö̧ jȩchä̧cua̧'a̧jä̧ttö̧ jitämä? ¿Chöjö'cäcu chi̧tti̧rö̧ hueda'a tä̧ji̧ jitämä? Topö ttötä chi̧tti̧rö̧ ttucuotäcuotö, a̧'cua̧ra̧'a̧.”

San Lucas 20:13 ပူးပေါင်းရင်းမြစ်များ

San Mateo 17:5

Peduru-mä̧ ji̧nä̧ ukuoku ü̧ja̧'a̧nä̧, ajiya isoppa kkȩdȩpoppa juätü ttu̧wä̧mȩ jo̧mȩ mȩyȩwi̧a̧'a̧ttü̧, juoppattü ya̧tȩ i̧wȩnȩ rȩmi̧pi̧na̧'a̧: «Pidemä̧ ttü chi̧tti̧ rü̧ȩnä̧ eseu repedäku: Jua̧u̧ru̧mä̧ ä̧ju̧kuä̧tu̧kui̧», jü̧nä̧.

San Mateo 3:17

Ja̧'wa̧nü̧ päi'omȩnä̧, mo̧ro̧jä̧ra̧'a̧ttü̧ i̧wȩnȩ ji̧yȩtȩ rä̧mi̧pi̧na̧'a̧: «Pidemä̧ chi̧tti̧ rü̧ȩnä̧ rȩni̧'a̧, jua̧u̧ru̧ juiyo eseusä.»

San Lucas 18:2

Pa̧'a̧nü̧ päinä̧u̧: yo̧mȩtȩ ütawiyänä̧, ya̧tȩ juez pättäku kki̧nü̧, Dio-rü'i̧nä̧ ye'ekuokü ja̧'wa̧ta̧nü̧ ttü̧ja̧rü̧'i̧nä̧ ukuotokü.

San Lucas 18:4

Rekuo jä̧'ȩpä̧rü̧ kuejächa'anä̧, juez-mä̧ ppäda päokokua pinä̧ju̧. Ja̧'wa̧nü̧ jȩpü̧mä̧ amükuädi'inü̧: Dio-rü'i̧nä̧ ye'ekuokü cha'anä̧, ttü̧ja̧rü̧'i̧nä̧ ukuotokü cha'anä̧,

San Lucas 20:12

Ji̧nä̧ pä'äji jä̧ji̧ta̧'a̧nü̧, wäbodäkuä päi'ünä̧ kka̧ra̧ u̧mü̧wä̧ya̧rü̧ we'inü̧; ja̧'wa̧ta̧nü̧ piderü'i̧nä̧, adikuä ttü̧ja̧mä̧, kuäkuäpäjä'kotü u̧mi̧ rä'epü ikuinä̧tü̧.

San Lucas 20:14

Ja̧'wa̧nü̧ ja̧'a̧nä̧ adikuä isotümä̧, jua̧u̧ru̧ topü pä'inä̧tü̧: Pide jä̧kua̧'a̧ pätta u̧ru̧wa̧ päi'ä̧kua̧mä̧, kuä'ü tikuarü ujututä pätta uruwotü päti'äkua'anü̧.

San Lucas 9:35

Ja̧'wa̧nü̧ päi'omȩnä̧, juoppattü ya̧tȩ i̧wȩnȩ rä̧mi̧pi̧na̧'a̧: «Pidemä̧ ttü chi̧tti̧, rü̧ȩnä̧ rȩni̧'a̧; jua̧u̧ru̧ ä̧ju̧kuä̧tu̧kui̧,» jü̧nä̧.

San Juan 1:34

Ja̧'wa̧nü̧ tochina̧'a̧ttü̧ pä'üsä, jua̧u̧tä̧ ja̧'a̧ Dio i̧tti̧mä̧, jü̧nä̧.

Romanos 8:3

Isopäi'ünä̧ weäwä wȩnȩnä̧mä̧ weyekuina̧'a̧, ttü̧ja̧ ta̧mi̧ 'kuättomȩttü̧ ja̧'wa̧nü̧ ji̧yä̧ku̧ Dio-mä̧, Chutä I̧tti̧rü̧ we'inü̧ ujutu jü̧ta̧'a̧nü̧ idepänä̧ kkü̧rü̧, ja̧'wa̧nü̧ ja̧'a̧ttü̧ jua̧u̧nä̧tä̧ kkä̧nü̧ ukuotäkuäwokü weä'ijümä̧ usurä ȩmä̧u̧nä̧ ro̧'ȩpü̧ üta pä'ü amükuädinü̧.

Gálatas 4:4

Ja̧'wa̧nü̧ ja̧'a̧nä̧, ji̧yȩnü̧ mo̧ro̧ rȩbȩwo̧mȩnä̧mä̧, Dio i̧tti̧rü̧ we'inü̧, isaju yajutenä̧ uwäpächünä̧, Moisé weäwä wȩnȩ päü'a̧kuä̧,