San Lucas 2:7 - Nuevo Testamento Uwotjüja

⁷ Ja̧'wa̧nü̧ jä̧kua̧, juorütä kki̧tti̧ chu̧'ä̧kua̧ uborümä̧ uwäbekuinä̧ju̧, uwäbekuä'koju pü̧jä̧ta̧ i̧sä̧'chȩnä̧ juä'opü, äjikuäkuäwotü ttukuä'ijomȩ rütinä̧ju̧, tti̧rȩbȩwode juiya'attü̧.

TÄ̧DO Ä̧CUÄ̧ I̧HUȨNȨ

⁷ Juhuorö äcuomenä ki̧tti̧rö̧ uhuäbecuinäjudo. Cue'ächähuotö ttä'ä'ijode ttö̧ja̧ttö̧ suhuädi'a'attö̧, jäyähuodenä pö̧jä̧ta̧nä̧ juä'opö rötinäjudo ttäji cuäcuähuotö ttucuä'cua rötähuo̧ca̧nä̧.

San Lucas 2:7 ပူးပေါင်းရင်းမြစ်များ

San Mateo 1:25

Ja̧'wa̧nü̧ ja̧'a̧nä̧, kki̧tti̧rü̧ kuwäbekuomebü päi'ünä̧, irekua jü̧nä̧mä̧ ä'okokua pinä̧ju̧; ja̧'wa̧ta̧nü̧ jua̧u̧ kki̧tti̧rü̧mä̧ Jesú pä'ü o'inü̧, José-mä̧.

San Mateo 13:55

¿Pidemä̧, dau odiyä adikuä i̧sa̧ i̧tti̧ pä'ijü i̧tti̧mä̧kü̧?, ¿ja̧ju̧mä̧ María pä'ijäjumä̧kü̧, Sa̧ti̧a̧ku̧'i̧nä̧, José'i̧nä̧, Simón'i̧nä̧, Juda'i̧nä̧ ttubüo pä'ijümä̧kü̧?,

San Mateo 8:20

Päku, Jesú-mä̧ ädätinü̧: —A̧wa̧ri̧tü̧mä̧ ttäjuwiyä kku̧nä̧rä̧tü̧ ja̧'wa̧ta̧nü̧ ppi̧yu̧'i̧nä̧ ttä̧'ti̧yu̧ kku̧nä̧rä̧tü̧. Ja̧'wa̧nü̧ ja̧'a̧nä̧, ubo I̧tti̧mä̧ ä'ü ü̧jo̧mȩ'i̧nä̧ jui̧'a̧.

San Lucas 10:34

Tü'künä̧nü̧ 'chä̧wi̧'ü̧, aceite isoyanä̧'i̧nä̧, vino isoyanä̧'i̧nä̧ tu'epü i̧sä̧sa̧nä̧ juä'ü jȩpä̧ji̧'ka̧, äji buro-nä̧ kä'epü wȩni̧pü̧, 'kuäokuä ttü̧ja̧ ä'äwodenä̧ tta̧wä̧ri̧nä̧ku̧.

San Lucas 2:6

Ja̧'wa̧nü̧ jä̧u̧ Berȩ́ ütawiyänä̧ ttü̧ja̧kua̧'a̧nä̧, kkuwäbeku mo̧ro̧ päi'ina̧'a̧.

San Lucas 2:8

Berȩ́ ütawiyä jäyä dȩ'a̧ra̧'a̧ku̧ oweja-tü̧rü̧ tta̧wä̧rä̧kuä̧wä̧ isotü, yodó 'kuäopü ttä'i'oka'a ttä̧ji̧mü̧rü̧ tta̧'a̧rü̧ kka̧kui̧nä̧tü̧.

San Juan 1:14

Ja̧'wa̧nü̧ ja̧'a̧ttü̧, Jua̧u̧ i̧wȩnȩ ji̧nü̧mä̧, ttü̧ja̧sa̧ jü̧nä̧tä̧ kki̧na̧'a̧ ujutu tü̧'kä̧tȩnä̧mä̧. Jua̧u̧mä̧ ttü̧ja̧ tteseunä̧tä̧, jueü wȩnȩnä̧tä̧ kki̧nü̧; Jä'o Dio chu̧'ä̧kua̧ jü̧nä̧ (gloria pättü) iyinü̧mä̧ topinä̧tü̧jä̧.

2 Corintios 8:9

Täkü, ukutumä̧ wo̧juä̧tü̧jä̧ Tu̧ru̧wa̧ Jesucrito, ru̧wa̧ ja̧'a̧nä̧ ukuturu repe'ü usurä i̧sa̧ juoinü̧mä̧; Jua̧u̧ usurä i̧sa̧ juoinü̧nä̧mä̧, ukutu ruwotü juokuätukua pä'ü ji̧na̧'a̧.

Gálatas 4:4

Ja̧'wa̧nü̧ ja̧'a̧nä̧, ji̧yȩnü̧ mo̧ro̧ rȩbȩwo̧mȩnä̧mä̧, Dio i̧tti̧rü̧ we'inü̧, isaju yajutenä̧ uwäpächünä̧, Moisé weäwä wȩnȩ päü'a̧kuä̧,