San Lucas 2:25 - Nuevo Testamento Uwotjüja

²⁵ Jua̧u̧nü̧ pä̧nä̧ Jerusarȩ́ ütawiyänä̧mä̧ ya̧tȩ Simeón pä'ü mi̧kua̧ kki̧nü̧. Jua̧u̧mä̧ rȩrü̧jü̧ toäkuäwä i̧sa̧ jü̧nä̧ kkä̧nü̧'i̧nä̧ Dio-rü ukuotinü̧, Irae ttü̧ja̧rü̧ surojüttü rä'epü ikuiyarü pä'ü tta̧'ä̧ri̧nü̧. Ja̧'wa̧nü̧ ü̧jo̧mȩnä̧ Epíritu Sa̧tu̧'i̧nä̧ ü̧ji̧nä̧ku̧,

TÄ̧DO Ä̧CUÄ̧ I̧HUȨNȨ

²⁵ Ja̧u̧nu̧ pä̧nä̧ ya̧tȩ ki̧'ä̧ji̧nö̧do Jerusalén ötahuiyänä Simeón pä'ö mi̧cua̧. Ja̧u̧ adihuä i̧sa̧, Diosrö ucuotäcuähuä i̧sa̧ pi̧nö̧do. Ja̧u̧ tta̧'ä̧ri̧'ä̧ji̧nö̧do Israel ttö̧ja̧rö̧ suronä jȩttö̧ jȩpö̧ i̧cuä̧cua̧ icha'anä. Simeón ami iso'quinä Espíritu Santorö ku̧nä̧ri̧nö̧do.

San Lucas 2:25 ပူးပေါင်းရင်းမြစ်များ

San Marcos 15:43

Arimatea ttü̧ja̧sa̧, José, sanedrín wotü i̧sa̧, ru̧wa̧ Dio wȩä̧kuȩ tta̧'a̧rä̧'i̧jü̧ ja̧'a̧, Jesú 'koru juo'ächäjirü Pilato-rü jä'epü 'chi̧nü̧.

San Lucas 1:41

Ja̧'wa̧nü̧ ja̧'a̧ Isabe-mä̧ María tejäwa'a kkä̧ju̧kuo̧mȩnä̧, kku̧kuä̧ba̧ jakuättü ji̧'chi̧cha̧wa̧mä̧ borepi'inü̧. Elísabe-mä̧ Epíritu Sa̧tu̧ jo̧mȩnü̧ winä̧ju̧.

San Lucas 1:6

Jua̧u̧ irekuaku ta̧ju̧kuäyotü Dio ä'kattümä̧ adiwomȩnä̧ kki̧nä̧tü̧ ja̧'wa̧ta̧nü̧ tu̧ru̧wa̧ weü'anü̧tä̧ ukuotü kka̧kui̧nä̧tü̧,

San Lucas 1:67

Ji̧'ki̧cha̧wa̧ jä'o Zacaría-mä̧, Epíritu Sa̧tu̧ jäwä jo̧mȩnü̧ kkä̧ku̧, ukuoku pä'inü̧:

San Lucas 2:38

Jua̧u̧nu̧tä̧, yotäku ichi'ü Ana-mä̧ kkü̧ä̧nä̧wa̧ Dio-rü eseu ukuokuinä̧ju̧ ja̧'wa̧ta̧nü̧ ji̧'ki̧cha̧wa̧ Jesú ütü'kü ukuokuinä̧ju̧, Jerusarȩ́ ttü̧ja̧rü̧ surojüttü rä'epü ikuäkua'a tta̧'a̧rä̧'i̧jä̧tü̧ o'katoi'ünä̧rü̧.

San Lucas 23:51

Jua̧u̧mä̧ judío tturuwotü (concilio) pä'ü mikuotü i̧sa̧ ja̧'a̧nä̧, Jesú-ru jȩttü̧mä̧, üjü'koka'a jä̧ja̧'a̧ ji̧na̧'a̧. Jua̧u̧mä̧ Ru̧wa̧ Dio wȩä̧kuȩ tta̧'ä̧ri̧nü̧.

Hechos 10:2

Jua̧u̧ Cornelio-mä̧ Dio-rü esetinü̧ i̧tti̧mü̧tä̧ku̧ o'katoi'ünä̧, rü̧ȩnä̧ usurä isotürü'i̧nä̧ ppä'ädinü̧ ja̧'wa̧ta̧nü̧ 'kuäopünä̧ Dio-rü ukuokuinü̧.

Hechos 10:22

Pä̧u̧ pättinä̧ku̧: —Su̧ro̧do̧u̧ ttu̧ru̧wa̧ Cornelio wȩä̧jä̧u̧ ichäjätüjä̧, jua̧u̧mä̧ Dio-rü esetü ukuotü ja̧'wa̧ta̧nü̧ Judío'i̧nä̧ ttu̧wo̧juä̧ku̧ ja̧'a̧. Jua̧u̧ru̧ Dio i̧sa̧ á̧gȩ ukuru woa pä'ü weäja'a ja̧'a̧, ojusodera̧'a̧ kuichiyarü pä'äji jikuäu ä̧ju̧kua̧ pä'ü.

Hechos 2:5

Juȩnȩ Jerusarȩ́-nä̧mä̧, judío kka̧kui̧nä̧tü̧ kkara'a rȩjȩra̧'a̧ttü̧ ichäjätü, Dio-rü rü̧ȩnä̧ ukuotätü.

Hechos 24:16

Ja̧'wa̧nü̧ ja̧'a̧ttü̧, Dio ä'ka jo̧mȩttü̧'i̧nä̧, ttü̧ja̧ ttä'ka jo̧mȩttü̧'i̧nä̧ 'kuäopünä̧tä̧, chunä̧ surojü chȩnä̧ra̧mä̧ pä'oküsä.

2 Pedro 1:21

Isopäi'ünä̧ profeta wotümä̧ yoriso ttü̧ja̧rü̧ pä̧wä̧rü̧ja̧'a̧ku̧mä̧ ukuokuokotü pinä̧tü̧, ja̧'wa̧nü̧ ja̧jü̧jueimä̧ Epíritu Sa̧tu̧ jiäwa'anä̧tä̧ Dio jäwämä̧ ukuokuinä̧tü̧.