San Lucas 2:1 - Nuevo Testamento Uwotjüja

¹ Ji̧yȩnü̧ pä̧nä̧ Césa Augusto ru̧wa̧ pä̧nü̧ ttü̧ja̧ o'katoi'ünä̧rü̧ we'inü̧ tti̧mi̧ tti̧wȩyu̧kuä̧kuä̧wa̧ pä'ü.

TÄ̧DO Ä̧CUÄ̧ I̧HUȨNȨ

¹ Ji̧yȩnö̧ mo̧ro̧ ji̧nä̧ isocu hueähuä i̧sa̧, ru̧hua̧ Augusto hue'inödo o'ca toi'önä tti̧mi̧ ttiyarö pä'ö.

San Lucas 2:1 ပူးပေါင်းရင်းမြစ်များ

San Mateo 22:17

Ja̧'wa̧nü̧ ja̧'a̧ttü̧, ukumä̧ toku päkua'ajä̧ttü̧: ¿Roma ru̧wa̧ emperado-rü pärätä iyäwänä̧mä̧ adiu'anü̧ tä̧jí̧, surojü'anü̧ tä̧jí̧?

San Mateo 24:14

Ja̧'wa̧ta̧nü̧ pi̧yȩ jareünä̧ weü wȩnȩmä̧ pi̧jä̧ o'kajuiyünä̧ jiäkuä̧wä̧kuȩ, pi̧jä̧ ttü̧ja̧ o'katoi'ünä̧ ttu̧wo̧jua̧ pä'ü; ja̧'wa̧nü̧ jü̧ o'ka'a pi̧jä̧mä̧ beipächäkua'a.

San Marcos 14:9

Ja̧'wa̧nü̧ ja̧'a̧ttü̧ isopäi'ünä̧ pä'üsä ukuturu, pi̧jä̧nä̧ttü̧ jareü wȩnȩ jittäwomȩmä̧, ukuokuäkuäwäkua'a paju jȩjü̧mä̧, jȩjü̧ ttamükuäda pä'ü.

San Marcos 16:15

Ja̧'wa̧ta̧nü̧ päinä̧u̧: Pi̧jä̧ o'kajuiyünä̧ 'chä̧nü̧, o'katoi'ünä̧rü̧ jareü wȩnȩ ji'äwätukui.

San Lucas 2:3

Ja̧'wa̧nü̧ ja̧'a̧ttü̧ o'katoi'ünä̧ tta̧mü̧nä̧ ttidepiyura̧'a̧ku̧ tti̧mi̧ wȩyu̧ku̧ 'chi̧nä̧tü̧.

San Lucas 2:5

Ja̧'wa̧nü̧ jȩpü̧ 'chä̧nü̧mä̧ irekua jä̧kua̧ju̧ María-ku tti̧wȩyu̧ta̧tü̧ pä'ü, 'chi̧nä̧tü̧, muchaju kka'a ja̧'a̧.

San Lucas 3:1

Tiberio ru̧wa̧ emperador jü̧nä̧mä̧, ttü̧jä̧pü̧ttü̧ ji̧mü̧tȩ año jo̧mȩnä̧ päi'ünä̧ wea'a, Poncio Pilato-mä Judea rȩjȩttü̧ ru̧wa̧ gobernador ji̧na̧'a̧. Ja̧'wa̧ta̧nü̧ Herode-mä̧ Galirea rȩjȩnä̧ ru̧wa̧ gobernador pinü̧, i̧jä̧wa̧ Filipo-mä̧ Iturea rȩjȩnä̧'i̧nä̧ ja̧'wa̧ta̧nü̧ Traconite rȩjȩnä̧'i̧nä̧ ru̧wa̧ gobernador ü̧'a̧'a̧; ja̧'wa̧ta̧nü̧ Lisanias-mä̧ Abilene rȩjȩnä̧ ru̧wa̧ pi̧nü̧.

Hechos 11:28

Juätüttü ya̧tȩ, Agabo pä'ü mi̧kua̧ ä̧rä̧mi̧'ü̧ Epíritu Sa̧tu̧ a̧'kua̧ iweyenä̧ ukuokuinü̧: pi̧jä̧ ttü̧ja̧ ttü̧ja̧kuo̧mȩ pünä̧mä̧ o'kajuiyünä̧ ppäi mo̧ro̧ rȩbȩä̧kuä̧wä̧kua̧'a̧ pä'ü; Ja̧'wa̧nü̧ jiäwinü̧ o'ka'a, ru̧wa̧ Emperador Claudio ü̧'ü̧ pä̧nä̧, päinü̧ta'anü̧ 'kuäopina̧'a̧.

Hechos 25:11

Isopäi'ünä̧, ttü tode'a pä'ü mikuäwächünä̧ jü̧, surojü jȩchä̧ji̧ttü̧mä̧, isopäi'ünä̧tä̧ tode'a pä'ü ja̧'a̧; ja̧'wa̧nü̧ ja̧'a̧nä̧ pitü pättü yapare jäwätä jo̧mȩnä̧mä̧, ya̧tȩ'i̧nä̧ juätürü iyü ttikuattü pä'ümä̧ juiya'a. Ja̧'wa̧nü̧ ja̧'a̧ttü̧ ru̧wa̧ Césa ü̧ja̧'a̧tä̧ chi̧'cha̧ pä'üsä.

Hechos 25:21

Ja̧'wa̧nü̧ ja̧'a̧nä̧ Pauru-mä̧ jä'epinü̧, tu̧ru̧wa̧ Emperador Césa-rütä, pi̧yȩ tü'kü päarü pä'ümä̧. Ja̧'wa̧nü̧ ji̧na̧'a̧ttü̧ kärenä̧ chü̧tä̧rä̧ku̧ jua'a wedarü pä'ü.

Romanos 1:8

Ä̧kuo̧mȩnä̧mä̧, Tu̧ru̧wa̧ Jesucrito-nä̧, Chä'o Dio-rü eseusä. Ukutu kuesetätuku wȩnȩ o'kajuiyünä̧ ütawiyä pünä̧ ukuowa'a ä̧ju̧ku̧.

Filipenses 4:22

O'katoi'ünä̧ Jesucrito-rü esetinä̧tü̧mä̧ tettäwä̧u̧jä̧. Ji̧nä̧so te'äwätümä̧ Roma Ru̧wa̧ umüwäyotü ja̧'a̧.