San Lucas 19:9 - Nuevo Testamento Uwotjüja

⁹ Jesú-mä̧ päinä̧ku̧: —Jitä mo̧ro̧, podenä̧ ra̧wä̧pi̧jü̧ttü̧ kki̧'i̧kuä̧ wȩnȩ rȩbȩä̧kuä̧wa̧'a̧. Isopäi'ünä̧ pide'i̧nä̧ Abraha̧ isotü i̧sa̧ ja̧'a̧ttü̧.

TÄ̧DO Ä̧CUÄ̧ I̧HUȨNȨ

⁹ Jesús pä'inödo: —Podenä suronä jȩttö̧ jȩpö̧ icuähuä ichäja'a pi̧yȩ mo̧ro̧. Täcö pide'inä Abraham isotö i̧sa̧ ja̧'a̧.

San Lucas 19:9 ပူးပေါင်းရင်းမြစ်များ

San Lucas 13:16

Paju Abraha̧ isotü isaju ja̧'a̧, Satanás dieciocho año jo̧mȩnä̧, nü̧'kü u̧ju̧ni̧nä̧kua̧rü̧mä̧ ¿Sawaru mo̧ro̧ ja̧'a̧nä̧ jua̧u̧ usurä kkȩmä̧u̧ttü̧ ejädü ttikuaju pä'ümä̧ rekuä rü̧jo̧ko̧kua̧ tä̧jí̧?

San Lucas 13:30

Ja̧'wa̧nü̧ ja̧'a̧ttü̧ juorümä̧ yotukunä̧, rüjinä̧ wotümä̧, ä̧kuo̧mȩnä̧ pätti'äkuotü ja̧'wa̧ta̧nü̧ ä̧kuo̧mȩnä̧ wotütä, rüjinä̧ pätti'äkuotü.

San Lucas 16:24

Ja̧'wa̧nü̧ topü pä̧i̧ku̧nä̧ wopinü̧; ¡chä'o Abraha̧, rȩrü̧jü̧ topittü! Rázaru-rü we'i, üdo'chenä̧ ajiya ta'epi'ü, chi̧nȩnä̧ dawepächattü, tti pädi'ünä̧; parä okurättü kuo'ü rü̧ȩnä̧ usurä ȩmä̧u̧sä̧.

San Lucas 16:30

Ädätäkumä̧ pä'inü̧: Jua̧'a̧nü̧mä̧kü̧, chä'o abraha̧, wa'inä̧tü̧ttü̧ ji'äu tti̧'chü̧ttü̧tä̧ ttesetäkuotü.

San Lucas 2:30

Jua'amä̧ ra̧wä̧pi̧jü̧ttü̧ ppä'ädürü täkü tocha'attü̧.

San Lucas 3:8

Isopäi'ünä̧ surojü käkuädi'ätukua'attü ttü̧ja̧ tottünä̧ i̧jȩkuä̧tu̧kui̧, kua̧'kua̧tu̧ku̧ jakuänä̧: «Ujutumä̧ Abraha̧ i̧tti̧mü̧jä̧» pä'ümä̧ kuamükuädätukuä. Isopäi'ünä̧tä̧ pädäu̧jä̧, Dio-mä̧ pidü inäduttü'i̧nä̧ Abraha̧ i̧tti̧mü̧rü̧mä̧ rä'epü u̧ju̧nu̧'a̧nü̧ ja̧'a̧.

Romanos 4:16

Ja̧'wa̧nü̧ ja̧'a̧ttü̧, Abraha̧-rü̧'i̧nä̧, i̧tti̧mü̧rü̧'i̧nä̧ iya pä'inü̧ mikuäwächi'ünä̧ ja̧ pä'ümä̧, mippoünä̧ iyinü̧, a̧'kua̧ u̧wȩnä̧ro̧mȩttü̧tä̧. Ja̧'wa̧nü̧ ja̧'a̧mä̧, suro weäwä wȩnȩ ukuotätürütä iya pä'ümä̧kü̧ ja̧'a̧; Abraha̧ ji̧nü̧ta'anü̧ tta̧'kua̧ wȩnä̧rä̧tü̧rü̧mä̧ o'katoi'ünä̧rü̧ iya pä'ü ja̧'a̧. Ja̧'wa̧nü̧ jo̧mȩnä̧ Abraha̧-mä̧ o'katoi'ünä̧ ttä'o ja̧'a̧.

Gálatas 3:14

Ja̧'wa̧nü̧ ja̧'a̧ttü̧, Jesucrito-nä̧tä̧ Abraha̧-rü̧, Dio iya päinü̧ adiwä jueimä̧ judío pokotürü'i̧nä̧ rȩbȩä̧kuä̧wi̧na̧'a̧. Ja̧'wa̧nü̧ jo̧mȩttü̧, ta̧'kua̧ tu̧wȩnä̧ro̧mȩnä̧mä̧, Dio iya päinä̧ku̧ Epíritu Sa̧tu̧rü̧ ȩmä̧tü̧jä̧.

Gálatas 3:29

Ja̧'wa̧ta̧nü̧, Crito-rü kuesetätukuttümä̧, Abraha̧-mi̧nä̧ i̧tti̧mü̧ isotüjä̧ ja̧'wa̧nü̧ ja̧'a̧ttü̧ Dio i̧yä̧kuȩ päinü̧mä̧ kuȩmä̧tu̧kua̧ pä'ütä ja̧'a̧.

Gálatas 3:7

Ja̧'wa̧nü̧ ji̧na̧'a̧ttü̧, tta̧'kua̧ wȩnä̧rä̧tü̧mä̧ Abraha̧ i̧tti̧mü̧ wotü ja̧'a̧.

1 Pedro 2:10

Ä'kojimä̧ yoriso ukutumä̧ awaruwä jü̧nä̧mä̧ wokotü pinä̧tü̧jä̧, ja̧'wa̧nü̧ ja̧'a̧nä̧ jitämä̧ Dio a̧wa̧ru̧wä̧jä̧; ä'kojimä̧ Dio rȩrü̧jü̧ tooko̧u̧ pinä̧tü̧jä̧, ja̧'wa̧nü̧ ja̧'a̧nä̧ jitämä̧ rȩrü̧jü̧ to̧ä̧u̧jä̧.