San Lucas 19:17 - Nuevo Testamento Uwotjüja

¹⁷ Päiyäku, päinä̧ku̧: Ye adiwa'a, adiunä̧ adikuä i̧sa̧jä̧; a̧'u̧ku̧nä̧tä̧'i̧nä̧ adiu kuaditina̧'a̧ttü̧, ütawiyämä̧ to̧mü̧rȩ jäwä jo̧mȩnä̧ ru̧wa̧ gobernador päi'ünä̧ chu̧ju̧nä̧ku̧jä̧.

TÄ̧DO Ä̧CUÄ̧ I̧HUȨNȨ

¹⁷ U̧ru̧hua̧ ädätinäcudo: “Juiyo adihua'a, chu̧mö̧huä̧ya̧ adihuä i̧sa̧. Täcö a̧'u̧cu̧nä̧tä̧'i̧nä̧ adihuä i̧sa̧ päjijäto. Ja̧'hua̧nö̧ ja̧'a̧ttö̧ to̧mö̧rȩ jähuä ötahuiyä ru̧hua̧ päi'önä huȩdä̧cua̧jä̧.”

San Lucas 19:17 ပူးပေါင်းရင်းမြစ်များ

San Mateo 25:21

Jua̧u̧ru̧ u̧ru̧wa̧mä̧ pä'inü̧: Juiyo adiwa'a, adiu adikuä i̧sa̧jä̧; a̧'u̧ku̧nä̧tä̧'i̧nä̧ adiu kuaditina̧'a̧ttü̧, rü̧ȩnä̧ chiyäkujä̧ kuadita pä'ümä̧. Do'ächi ttüku kuesewa.

San Lucas 16:10

A̧'u̧ku̧nä̧tä̧ ja̧ pä'ü'i̧nä̧, adiu tta̧'ä̧rü̧mä̧, rü̧ȩnä̧ jo̧mȩnä̧'i̧nä̧ adiu tta̧'ä̧rü̧; ja̧'wa̧ta̧nü̧ a̧'u̧ku̧nä̧tä̧ jo̧mȩnä̧ adiu tta̧'ä̧ro̧kü̧mä̧, rü̧ȩnä̧ jo̧mȩnä̧'i̧nä̧ adiu tta̧'ä̧ro̧kü̧ jä̧kua̧.

San Lucas 19:16

Ja̧'wa̧nü̧ ja̧'a̧, ä̧kuo̧mȩnä̧ iyinä̧ku̧mä̧ ichi'ü pä'inü̧: Chu̧ru̧wa̧ kuiäremä̧, kuiyino̧mȩttü̧ jua'a yabonü̧, to̧mü̧rȩ jäwä jo̧mȩnä̧ iyina̧'a̧.

San Lucas 19:18

Ja̧'wa̧nü̧ ja̧'a̧ kka̧ra̧ ichi'ü pä'inü̧: Chu̧ru̧wa̧ kuiäremä̧, kuiyino̧mȩttü̧ jua'a yabonü̧, ji̧mü̧tȩ jäwä jo̧mȩnä̧ iyina̧'a̧.

San Lucas 22:30

Ttüku chiäre mesa-nä̧ pä̧mä̧dü̧ au, ku̧kuȩ kukuätukua pä'ü. Ja̧'wa̧ta̧nü̧ Irae ttü̧ja̧ doce-nü̧ wotürü wekuätukua pä'ü, Ttü Ru̧wa̧ jü̧nä̧ wedomȩttü̧.»

Romanos 2:29

Isopäi'ünä̧tä̧ judío i̧sa̧mä̧ jakuänä̧ttü̧ wa̧ ja̧'a̧ ja̧'wa̧ta̧nü̧ circuncisión pättü wa̧mä̧, tta̧mi̧ iso'ki jäwä ja̧'a̧: Wȩyu̧kuä̧ jäwämä̧kü̧ ja̧'a̧, epíritu jäwä ja̧'a̧, eseäkuäwämä̧ ttü̧ja̧sa̧ttü̧mä̧ ichokü ja̧'a̧, ji̧nä̧somä̧ Dio-ttütä ichü ja̧'a̧.

1 Corintios 4:5

Ja̧'wa̧nü̧ ja̧'a̧ttü̧, ji̧nä̧ ä'kanä̧mä̧ jȩttä̧'i̧jü̧ wȩnȩmä̧ päkuätukuä, Tu̧ru̧wa̧ ichomȩnä̧tä̧ jiäwä̧kua̧ uwäwokü'i̧nä̧ ja̧'wa̧ta̧nü̧ jakuänä̧ tȩnä̧rü̧'i̧nä̧, jü̧nä̧. Ja̧'wa̧nü̧ jo̧mȩnä̧ yotukunä̧rü̧ jȩtti̧nü̧'a̧kuä̧ Dio-mä̧ ȩsȩwä̧kuä̧u̧.

2 Timoteo 2:10

Ja̧'wa̧nü̧ jo̧mȩttü̧ o'kajuiyünä̧ usurä chȩmä̧u̧nä̧ Dio pojopü ȩmi̧nä̧u̧rü̧ adiwomȩnä̧ cha̧mi̧ 'ki'ächi'üsä, juätü'i̧nä̧ surojüttü kki̧'i̧kuä̧ra̧'a̧ rȩbȩu̧ Crito-nä̧ kkä̧kuä̧wä̧ i'ko ttȩmä̧kua̧'a̧nü̧.

1 Pedro 1:7

Isopäi'ünä̧ kua̧'kua̧ ku̧wȩnä̧rä̧tu̧ku̧mä̧ oro jä̧'i̧nü̧'a̧nü̧ jü̧: üadiwämä̧ ukuränä̧ kka̧kuä̧mü̧ tottü jä̧'i̧nü̧'a̧nü̧ ja̧'a̧. Tta̧'kua̧ wȩnä̧rü̧ tta̧mi̧ 'kittächi'ümä̧ oro toe'ächüttü'i̧nä̧ u̧wä̧mȩnä̧nü̧ mikuäu ja̧'a̧. Ja̧'wa̧nü̧ ja̧'a̧ttü̧ Jesucrito i̧jȩkuä̧cho̧mȩnä̧mä̧ Dio-rü kua̧'kua̧ ku̧wȩnä̧rä̧tu̧ku̧mä̧ adiutä ttukuokuäkuotü, isopäi'ünä̧ tta̧'kua̧ wȩnä̧rä̧kuä̧wä̧ kka̧kuä̧mü̧ toäkuäwänä̧ 'kuäopümä̧, ttesewa pä'ü jü̧ ja̧'a̧.

1 Pedro 5:4

Ja̧'wa̧nü̧tä̧ chutä pató ichomȩnä̧mä̧, ukutumä̧ ukuo corona kuȩmä̧kuo̧tü̧jä̧, ja̧u̧ corona-mä̧ yoriso joächächokü jä̧kuȩ.