San Lucas 18:7 - Nuevo Testamento Uwotjüja

⁷ Ja̧'wa̧nü̧ wokü'i̧nä̧ jȩi̧na̧'a̧mä̧, ¿Dio ȩmi̧nä̧u̧ru̧mä̧, mo̧ro̧'i̧nä̧, yodo'i̧nä̧ jä̧'ȩpä̧tü̧rü̧mä̧ ppä'ädokü jä̧kua̧? ¿rekuo tta̧ttä̧rü̧nä̧ jȩä̧kua̧'a̧ ja̧'a̧?

TÄ̧DO Ä̧CUÄ̧ I̧HUȨNȨ

⁷ Diosmä ȩmi̧nä̧u̧ru̧, yodo'inä, mo̧ro̧'i̧nä̧ jä'epätörö, ¿ppä'ädocö paji tä̧ji̧? ¿Ppäda pä'ömä recuo tta̧'ä̧ra̧ji̧ tä̧ji̧?

San Lucas 18:7 ပူးပေါင်းရင်းမြစ်များ

San Mateo 24:22

Ja̧'wa̧nü̧ ja̧'a̧nä̧, ja̧'wa̧nü̧ jä̧kuȩ mo̧ro̧ Dio be'ädü iku juiyüttümä̧, ya̧tȩ'i̧nä̧ surojüttümä̧ ü̧ji̧pü̧ juiya'anü̧ ja̧'a̧; ja̧'wa̧nü̧ ji̧yä̧ku̧ jua̧u̧ mo̧ro̧mä̧ ȩmi̧nä̧u̧ru̧ rettü be'ädü i̧kuä̧kua̧.

San Mateo 24:24

Ja̧'wa̧ta̧nü̧ Crito i̧mi̧nä̧, profetas wotü tti̧mi̧nä̧ yaparewätü ttichäkuotü ja̧'wa̧nü̧ jȩpü̧ jȩtto̧kü̧ jä̧'i̧jü̧ jȩpä̧'chü̧, Dio ȩmi̧nä̧u̧ttü̧'i̧nä̧ ttesetünä̧ jȩttä̧kuo̧tü̧,

San Mateo 7:11

Ukutumä̧ suropätü kuätukua'anä̧, kui̧tti̧mü̧tu̧ku̧ru̧mä̧ adiwäjueitätä iyäwä wo̧juä̧tü̧jä̧, ¡Jua̧u̧ttü̧'i̧nä̧ yabonä̧ Kuä'otuku mo̧ro̧jä̧nä̧ kkü̧mä̧ jä'epätürümä̧ adiwäjuei i̧yä̧kua̧!

San Lucas 11:13

Isopäi'ünä̧ ukutumä̧ suropätü kuätükua'anä̧'i̧nä̧, kui̧tti̧mü̧tu̧ku̧ru̧mä̧ adiwäjueitä iyä'ijätüjä̧. Juȩnȩ abonä̧nü̧ wa̧ ja̧'a̧ttü̧, Kuä'otuku Dio mo̧ro̧jä̧ ru̧wa̧mä̧, Epíritu Sa̧tu̧rü̧ jäkuepätukuomenä̧mä̧ i̧yä̧kuä̧u̧jä̧.

San Lucas 2:37

Ochenta y cuatro año-nü̧ jo̧mȩnä̧ 'kuäopina̧'a̧ ji̧na̧'a̧, rekua juojina̧'a̧ttü̧mä̧. Juajumä̧, Dio-rü ukuokuäkuäwodettümä̧, räjopoka'atä mo̧ro̧'i̧nä̧, yodo'i̧nä̧ Dio-rü ukuoku kki̧nä̧ju̧, ayuno'i̧nä̧ jȩpü̧nü̧.

San Lucas 21:28

Ja̧'wa̧nü̧ pi̧yȩ kka̧kuä̧ma̧'a̧ topümä̧, esewächi'ü ku kä'epätukui, isopäi'ünä̧ täkü ukuturu ȩmü̧ ichümä̧ tü'küpächü.

Romanos 8:33

¿Ditä jä̧kua̧'a̧jä̧ttü̧ Dio pojopü ȩmi̧nä̧u̧ru̧, suronä̧ jȩpi̧nü̧jä̧ pä̧kua̧mä̧? Suronä̧ wotürü aditü ikumä̧, Dio-tätä ja̧'a̧mä̧.

Colosenses 3:12

Dio-mä̧ ukuturu repe'ü, ȩmi̧nä̧u̧jä̧ i̧tti̧mü̧ kuätukua pä'ü. Ja̧'wa̧nü̧ ja̧'a̧ttü̧ kkorotürü esewätukui, adiunä̧tä̧, ukuo tekuäwätukuoka'a, kua̧'kua̧pü̧nü̧ kkä̧nü̧ ja̧'wa̧ta̧nü̧ kua̧mi̧ 'ki'ächi'ü kka̧kuä̧tu̧kui̧.

1 Tesalonicenses 3:10

Mo̧ro̧ ji̧nü̧'a̧kuä̧, yodoji̧nü̧a̧'a̧kuä̧ jä'epätüjä̧ Dio-rümä̧, ukuturu tota pä'ümä̧, jua'a yaboku Jua̧u̧ru̧ jo̧mȩnü̧ kua̧'kua̧ ku̧wȩnä̧rä̧tu̧ku̧nä̧ tu̧wo̧juȩti̧'ä̧tu̧kua̧ku̧ pä'ü.

2 Tesalonicenses 1:6

Ja̧'wa̧ta̧nü̧ Dio-mä̧ surojümä̧ jui̧'a̧ ja̧'a̧ttü̧ ukuturu usurä kuȩmä̧wä̧tu̧ku̧nä̧ jȩpä̧tü̧rü̧mä̧ ro̧ȩpä̧kua̧,

1 Timoteo 5:5

Isopäi'ünä̧ rekua, kkatätä kki̧'ä̧ju̧mä̧, Dio-rü tta̧'a̧rü̧ kkä̧nü̧ mo̧ro̧'i̧nä̧ yodo'i̧nä̧ käjädioka'a jua̧u̧ru̧mä̧ ajuäwinü̧ ukuoku jä'epäju.

2 Timoteo 1:3

Mo̧ro̧'i̧nä̧, yodo'i̧nä̧ Dio-rü chukuokuomȩnä̧ ukuru amükuädü, Dio-rümä̧ eseusä, chä̧do̧tü̧ mi̧nä̧'i̧nä̧ aditäwänä̧ ppättädinä̧ku̧ru̧ ttü'i̧nä̧ aditäwänä̧ suronä̧ chamükuädoka'a ppä̧dä̧dä̧rä̧ku̧ru̧mä̧.

2 Timoteo 2:10

Ja̧'wa̧nü̧ jo̧mȩttü̧ o'kajuiyünä̧ usurä chȩmä̧u̧nä̧ Dio pojopü ȩmi̧nä̧u̧rü̧ adiwomȩnä̧ cha̧mi̧ 'ki'ächi'üsä, juätü'i̧nä̧ surojüttü kki̧'i̧kuä̧ra̧'a̧ rȩbȩu̧ Crito-nä̧ kkä̧kuä̧wä̧ i'ko ttȩmä̧kua̧'a̧nü̧.

Tito 1:1

Pauru wȩyu̧tu̧ weinü̧, Dio u̧mü̧wä̧ya̧ ja̧'wa̧ta̧nü̧ Jesucrito u̧mü̧wä̧ya̧ apóto jü̧nä̧, chutä weinä̧ku̧ Dio pojopü ȩmi̧nä̧u̧ tta̧'kua̧ wȩnä̧rä̧kuä̧wä̧ tti̧rȩbȩwi̧ya̧rü̧ pä'ü ja̧'wa̧ta̧nü̧ isopäi'ünä̧ wȩnȩ ujutu tesetü jäwä ttu̧wo̧jui̧pi̧ya̧rü̧ pä'ü,

1 Pedro 1:1

Ttü Peduru, Jesucrito u̧mü̧wä̧ya̧ te'äusä, ttidepiyuttü pperekuächino'kotü ichäkuäwotü jü̧nä̧ ponto-nä̧'inä̧, Galacia-nä̧'i̧nä̧, Capadosia-nä'i̧nä̧, asianä̧'i̧nä̧ Bitinia-nä̧'i̧nä̧ kka̧kuä̧tü̧rü̧,

2 Pedro 3:9

Tu̧ru̧wa̧ jȩa̧ päinü̧ jo̧mȩnü̧ päi'a pä'ümä̧ rekuodä'chokü, yotukunä̧ ttamükuäda'anü̧mä̧, ja̧'wa̧nü̧ ja̧jü̧jueimä̧ ukutukumä̧ tta̧mi̧ 'ki'ächi'äkuäwä kku̧nä̧rü̧, ja̧'wa̧nü̧ ja̧'a̧ttü̧ ya̧tȩ'i̧nä̧ wa'ü ikuamä̧ pä'okü, wa'ü ttikuajueimä̧ o'katoi'ünä̧tä̧ Dio-kutä ppa̧ttä̧cha̧tä̧ pä'ü.

Apocalipsis 18:20

Jua̧u̧ ütawiyä topü eseäkuäwätukui, ukutu mo̧ro̧jä̧nä̧ kka̧kuä̧tü̧'i̧nä̧; ja̧'wa̧ta̧nü̧ ukutu surojü jui'ätü'i̧nä̧, apótore wotü'i̧nä̧, profeta wotü'i̧nä̧, isopäi'ünä̧ Dio-mä̧, jua̧u̧ ütawiyä tä̧bo̧tü̧mä̧, ukuturu adiu ppä'ädü jȩa̧'a̧, jua̧u̧mä̧.

Apocalipsis 6:10

Juätümä̧ pä̧i̧ku̧nä̧ wopinä̧tü̧: «Dio ukumä̧ o'kajuiyünä̧ ju̧ru̧wa̧jä̧, surojü'i̧nä̧ jui̧'a̧jä̧, 'kuäopünä̧ jueü wȩnȩtä̧ ukuokujä̧.» ¿Ujuturu kuä'äu ikuinä̧tü̧rü̧mä̧ ti̧yȩnü̧tä̧ pärokua'aku mikuämä̧ jȩ'kuä̧kua'a̧jä̧ttü̧? ¿Ti̧yȩnü̧tä̧ ku̧tä̧bo̧tä̧kuä̧u̧jä̧ttü̧?

Apocalipsis 7:15

Ja̧'wa̧nü̧ ja̧'a̧ttü̧ Dio uruwo dȩä̧kä̧ ä'kajo̧mȩ kka̧kuä̧tü̧, mo̧ro̧'i̧nä̧, yodo'i̧nä̧ 'kuäopünä̧tä̧, Churutä eseäkuäu, juode Dio-rü ukuokuäkuäwodenä̧. Ja̧'wa̧nü̧ ja̧'a̧ttü̧ ruwo dȩä̧kä̧nä̧ pü̧, chutätä tta̧wä̧rä̧kuä̧u̧, juätümä̧.