San Lucas 18:43 - Nuevo Testamento Uwotjüja

⁴³ Päüta'anü̧, yotäku ü'äremä̧ ye'ädü topü, Dio-rü rü̧ȩnä̧ eseunu̧, Jesú o'ka'anä̧ 'chi̧nü̧. Ja̧'wa̧nü̧ ja̧'a̧ topü ttü̧ja̧mä̧, Dio-rü rü̧ȩnä̧ eseäkuäwinä̧tü̧.

TÄ̧DO Ä̧CUÄ̧ I̧HUȨNȨ

⁴³ Yotäcu ja̧u̧ ä̧to̧ca̧mä̧ adiu topinödo. Jesúscu cue'ächinödo, Diosrö adiu ucuocu kä̧nö̧. Ja̧'hua̧ta̧nö̧ o'ca toi'önä ttö̧ja̧, ja̧u̧ topäjätö'inä, Diosrö adiu ucuocuinätödo.

San Lucas 18:43 ပူးပေါင်းရင်းမြစ်များ

San Mateo 11:5

Ä̧to̧kä̧'i̧jä̧tü̧'i̧nä̧ topätü, tti̧'chü̧ juiyünä̧ wotü'i̧nä̧ kue'ächätü, Repra na̧nȩpä̧tü̧'i̧nä̧ pȩji̧pä̧tü̧, ttä̧ju̧ku̧ juiyünä̧ wotü'i̧nä̧ ä̧ju̧kuä̧tü̧, 'korujuo'ächätü'inä̧ tto'ächätü ja̧'wa̧ta̧nü̧ usurä isotürü'i̧nä̧ jareü wȩnȩ ji'äkuäwia'a.

San Mateo 21:14

Ja̧'wa̧nü̧ ja̧'a̧, Dio-rü ukuokuäkuäwodettümä̧ ä̧to̧kä̧tü̧'i̧nä̧, ppi̧sä̧ ppi̧sä̧ 'chä̧tü̧'i̧nä̧ Jesú ü̧ja̧'a̧ku̧ tticha'a, aditü ikuinä̧u̧:

San Mateo 9:8

Ja̧'wa̧nü̧ ja̧'a̧ topü ttü̧ja̧mä̧ ukuo te'äunu̧, Dio-rü esewinä̧tü̧, ttü̧ja̧rü̧ ttukuo iyini̧yä̧u̧.

San Lucas 13:17

Pi̧yȩ, Jesú pä'a ä̧ju̧ku̧, aboiyotümä̧ o'katoi'ünä̧tä̧ dä'ä ttu'inä̧tü̧; ja̧'wa̧nü̧ ja̧'a̧nä̧ ttü̧ja̧mä̧ o'katoi'ünä̧ Jesú jȩü̧ topü eseäkuäwinä̧tü̧.

San Lucas 19:37

Ja̧'wa̧ta̧nü̧ Olivos mü̧ä̧'ka mȩyȩdo̧mȩ ütü'küwächi'omȩnä̧, o'katoi'ünä̧ chutäku 'chä̧tü̧mä̧, Dio-rü eseu wopinä̧tü̧, jȩtto̧kü̧ ja̧jü̧ juei jȩä̧'i̧ji̧yä̧u̧.

San Lucas 4:39

Ja̧'wa̧nü̧ ja̧'a̧, juäju kkü̧'a̧'a̧ku̧ ja̧rȩyu̧nu̧ pä'i'ü, na̧jä̧chü̧ we'ünä̧nü̧ päomȩnä̧; na̧jä̧chä̧ji̧ttü̧mä̧ pi̧'ä̧jä̧ju̧ o'kajumä̧ ä̧rä̧mi̧'ü̧ ttu̧kuȩ iyinä̧ju̧.

San Lucas 5:26

O'katoi'ünä̧, ¡isottü̧! pä'ü ye'inä̧tü̧, ye'ükkä̧nü̧ Dio-rü eseäkuäu, pä'inä̧tü̧: —Jitä mo̧ro̧ totokü jä̧'i̧jü̧ topäjätüjä̧.

San Lucas 9:43

Ja̧'wa̧nü̧ aditü ikuiyä̧u̧mä̧, o'katoi'ünä̧ Dio ü̧rü̧ä̧ rü̧ȩnä̧ eseäkuäwinä̧tü̧. Jesú jȩä̧ji̧ rü̧ȩnä̧ tteseäkuäwa'anä̧, u̧wo̧juȩtä̧u̧rü pä'inü̧:

Hechos 11:18

Ja̧'wa̧nü̧ jiäwa'a ä̧ju̧ku̧, 'koruchi'ijä'kotü Dio-rütä eseu pä'inä̧tü̧: —¡Ja̧'wa̧nü̧ jü̧ttü̧mä̧, Dio-mä̧ Judío pokotürü'i̧nä̧ surojüttü kki̧'ä̧kuä̧wä̧ra̧'a̧ku̧ ttü̧ji̧pi̧ya̧rü̧ pä'ü iyäja'a tä̧jí̧!

Hechos 26:18

tti'äre bakuepa pä'ü, yo̧ü̧ttü̧ tȩya̧u̧ku̧ tti'ärowächa pä'ü; Satanás ujuruttü Dio-ku tti'ärowächa pä'ü; suronä̧ jȩttä̧'i̧ja̧'a̧, jua̧u̧ jȩpü̧ chi̧kuä̧u̧, tta̧'kua̧ wȩnä̧kuä̧wä̧ ttüttü tȩmä̧kua̧'a̧nü̧, surojü jui'ätü jü̧nä̧tä̧.

Hechos 4:21

Ja̧'wa̧nü̧ pä̧tti̧yä̧u̧ ye'epe'ipütä rä'epü tti̧kui̧nä̧u̧. Ro̧'ȩpü̧ suronä̧ jȩtta̧tü̧ pättäja'anä̧ suronä̧ jȩttä̧ji̧ jui̧yi̧yä̧u̧ ja̧'wa̧ta̧nü̧ ttü̧ja̧rü̧'i̧nä̧ ye'eku. Ttü̧ja̧mä̧ Dio-rü rü̧ȩnä̧ o'katoi'ünä̧ esewinä̧tü̧ ja̧'wa̧nü̧ 'kuäopäjämȩnä̧.

Gálatas 1:24

Ja̧'wa̧nü̧ ttürü pärotü ikuina̧'a̧ topü, Dio-rümä̧ juiyo eseäkuäwinä̧tü̧.

1 Pedro 2:9

Ja̧'wa̧nü̧ ja̧'a̧nä̧ ukutumä̧ ya̧tȩ i̧tti̧mü̧ jü̧nä̧ ü'ojo'inä̧u̧jä̧, ru̧wa̧ Rey-rü ppädärä̧kuä̧wä̧ i̧sa̧ sacerdote jü̧nä̧'i̧nä̧, pi̧jä̧ ruwäkuiyä ttü̧ja̧ surojü jui'ätü jü̧nä̧'i̧nä̧, Dio aditäwä adiwäjuei jikuäwätukua pä'ü, yo̧mȩttü̧ rä'epü iku i̧tȩya̧u̧ra̧'a̧ku̧ wopinü̧rü̧.