San Lucas 18:32 - Nuevo Testamento Uwotjüja

³² Ttürümä̧ judío pokotü ttu̧mü̧nä̧ iyü tti̧kuä̧kua̧sä̧, ya̧ttä̧wȩ'ä̧kua̧sä̧, rü̧ȩnä̧ ttü̧ra̧wä̧rä̧kua̧sä̧ ja̧'wa̧ta̧nü̧ surepü'i̧nä̧, surettä̧kua̧sä̧.

TÄ̧DO Ä̧CUÄ̧ I̧HUȨNȨ

³² Ja̧u̧ru̧ korotörö, judíos huocotörö ttiyäcuotö. Jahuätö suronä ucuocu surettäcuotö ja̧u̧ru̧.

San Lucas 18:32 ပူးပေါင်းရင်းမြစ်များ

San Mateo 16:21

Jua̧u̧nu̧tä̧ kkä̧mä̧dü̧ Jesú-mä̧ u̧wo̧juȩtä̧u̧rü ji'äwinü̧ Jerusarȩ́-ra̧'a̧ i̧'cha̧ pä'ü rekuä rü̧jü̧mä̧, jua'attü judío-ttü a̧ci̧a̧nu̧ wotü'i̧nä̧, sacerdote-tü̧ tturuwotü'i̧nä̧ weäwänä̧ usurä ȩmä̧wi̧'ü̧'ka̧, kuä'ü ttiku o'ka'a wäbodäkuä mo̧ro̧ päi'omȩnä̧ ttoächä̧kuȩ wȩnȩmä̧.

San Mateo 20:19

Ja̧'wa̧nü̧ ja̧'a̧ judío pokotürü iyü ttikuomȩnä̧, ya̧'a̧wä̧'chü̧, kuäkuäpü jȩpi̧'ü̧'kotü, ü̧jo̧kä̧nü̧ jäi daunä̧ ttu̧ju̧na̧'a̧ 'korupä'i̧'ü̧'ka̧, wäbodäkuä mo̧ro̧ päi'omȩnä̧ tto̧dä̧chä̧kua̧sä̧.

San Mateo 22:6

ja̧'wa̧nü̧ kkorotümä̧ ru̧wa̧ rey umüwäyotü wȩä̧jä̧u̧ru̧ 'chu'ädo'ü kuäkuäpäjä'kotü kuä'ü tti̧kui̧nä̧u̧.

San Mateo 26:67

Pä'ü kä'ädü i'änä̧ surepükkä̧nü̧, 'ta'tattinä̧ku̧. Ja̧'wa̧ta̧nü̧ kkorotümä̧ i'änä̧ kuäkuäpünü̧,

San Mateo 27:2

Jua̧u̧nü̧ o'ka'a nü̧'kä'kotü ȩpü̧ iyinä̧tü̧ Roma-ttü̧ wȩ'ä̧wa̧ ru̧wa̧ Pilato-rü.

San Marcos 14:65

Ja̧'wa̧nü̧ päi'omȩnä̧, yotukunä̧mä̧ surepükkä̧nü̧, i'äre mü̧ȩpä̧jä̧'kotü, 'ta'tapünü̧ pättinä̧ku̧: —¡Ji'äwitü, ukuru kuä'ümä̧ díjä̧ttü̧! Ja̧'wa̧ta̧nü̧, Dio-rü ukuokuäkuäwode tta̧'a̧rä̧tü̧'i̧nä̧ i'änä̧ kuäkuättinä̧ku̧.

San Marcos 15:1

Mo̧ro̧ päia'a, yotäku, sacerdote wotü tturuwotümä̧, judío-ttü a̧ci̧a̧nu̧ wotüku ja̧'wa̧ta̧nü̧ weäwä wȩnȩ wo̧juȩkuä̧ isotüku'i̧nä̧, ja̧'wa̧ta̧nü̧ Sanedrín wotüku'i̧nä̧ o'katoi'ünä̧ ka̧ka̧kui̧pü̧ ukuokuäjä'kotü. Jesú-ru nü̧'käwa̧rü̧tä̧ ȩmi̧pü̧, Pilato-rü iyinä̧tü̧.

San Lucas 18:33

Ja̧'wa̧nü̧ jȩpü̧ kuäkuäpi'ü'kotü, kuä'ü ttiku o'ka'a, wäbodäkuä mo̧ro̧ päi'omȩnä̧ tto̧dä̧chä̧kua̧sä̧.

San Lucas 23:1

Ja̧'wa̧nü̧ ja̧'a̧ ttü̧ja̧mä̧ o'katoi'ünä̧ ä̧rä̧mi̧'ü̧, Jesú-ru pilato ä'ka jo̧mȩku̧ ȩpi̧nä̧tü̧.

San Lucas 23:11

Ja̧'wa̧nü̧ jo̧mȩnä̧ Herode-mä̧, umüwäyotü su̧ro̧do̧u̧ku̧ ttüjü'kü juiyünä̧ topü, ya̧'a̧wä̧'chü̧mä̧, ru̧wa̧ rey 'kua̧rü̧nä̧ adiwä juei i̧sä̧ta̧, ü̧'ka̧tä̧wä̧ta̧ 'ka̧tü̧ jȩtti̧nä̧ku̧. Ja̧'wa̧nü̧ jȩpä̧ji̧'ka̧ Herode-mä̧, pä'äjita'anü̧ Pilato ü̧ja̧'a̧ we'ü ikuinä̧ku̧.

San Lucas 23:35

Ja̧'wa̧nü̧ jȩtta̧'a̧nä̧mä̧, ttü̧ja̧mä̧ to̧pä̧rü̧ kka̧kui̧nä̧tü̧ ja̧'wa̧ta̧nü̧ ruwotü'i̧nä̧, ya̧'a̧wä̧'chü̧ pä'inä̧tü̧: —Kkorotürü'i̧nä̧ ra̧wä̧pi̧jü̧ttü̧ ttü̧ji̧pü̧nä̧ ppä'ädinü̧ ja̧'wa̧nü̧ ja̧'a̧ttü̧ chutä a̧mü̧nä̧ pa̧ja̧tü̧ ü̧ji̧pa̧ pä'ü ja̧'a̧, isopäi'ünä̧ Dio pojopü weinä̧ku̧ jü̧ttü̧mä̧.

San Juan 18:22

Ja̧'wa̧nü̧, Jesú ädätiyäku, su̧ro̧do̧u̧ i̧sa̧ ppeyänä̧ kkü̧mä̧, Jesú i'ebabanä̧ ppeopo'ächinü̧, pa̧'a̧nü̧ pä'ünü̧: —¿Ja̧'wa̧nü̧ kuädäta'a, sacerdote-tü̧ ttu̧ru̧wa̧rü̧mä̧?, pä'ünü̧.

San Juan 18:28

Ja̧'wa̧nü̧ ja̧'a̧, mo̧ro̧juoa'aku juätümä̧ Caifá ojusodettü ru̧wa̧ gobernador ojusodeku Jesú-ru ȩpi̧nä̧tü̧. Ja̧'wa̧nü̧ ja̧'a̧nä̧, judío tturuwotümä̧ juodenä̧ dodepokotü pinä̧tü̧, Pacua ttukuäkua'a ja̧'a̧, surojuotächä pä'ü.

San Juan 18:30

Päomȩnä̧, ttädätinä̧ku̧: Suronä̧ jȩpo̧kü̧ jü̧ttü̧mä̧, ti'chächokoku pajü.

San Juan 18:32

Pättomȩnä̧; Jesú-mä̧, Churutä kuä'ü tti̧kuä̧kuȩ ukuokuinü̧, jo̧mȩnü̧ päia'a ji̧na̧'a̧.

San Juan 18:35

Päomȩnä̧, Pilato-mä̧ pä'inü̧: —¿Ttümä̧ judío i̧sa̧mä̧kü̧sä̧? Ukutä kuidepiyu ttü̧ja̧tä̧, sacerdote tturuwotütä ttürü iyü ttikuäjäku̧jä̧. ¿Däjé jȩ'kuä̧jä̧ttü̧?

Hechos 2:23

Ja̧'wa̧nü̧ wa̧rü̧, aboja̧'a̧nä̧ ukuokuäkuäu jȩpü̧ iyü ikú, kuä'ü ikuinä̧tü̧jä̧, ü̧jo̧kä̧nü̧ toe'ächünä̧, suronä̧ jȩpä̧tü̧ ttu̧mü̧nä̧.

Hechos 3:13

Abraha̧'i̧nä̧, Isaa'i̧nä̧ ja̧'wa̧ta̧nü̧ Jaco'inä̧, tü̧tä̧mü̧mi̧nä̧ pinä̧tü̧ ttü̧ä̧nä̧wa̧ Dio ja̧'a̧, i̧tti̧ Jesú-ru ukuo iyinü̧mä̧, ukutu kkü'kü jui'ü iyü kuikuinä̧tu̧kuä̧ku̧ru̧, Pilato-mä̧ rä'epü ikuarü pä'ü amükuädäja'anä̧.