San Lucas 17:16 - Nuevo Testamento Uwotjüja

¹⁶ Jesú ä'ka jo̧mȩ ichi'ü, iwe'kiyunä̧ rȩjȩ ja̧rȩyu̧nu̧ pä̧mä̧di̧nü̧, ppäkuädäjäkusä pä'ü eseu. Jua̧u̧mä̧ Samaria ttü̧ja̧sa̧ ji̧na̧'a̧.

TÄ̧DO Ä̧CUÄ̧ I̧HUȨNȨ

¹⁶ Jesús ä'ca jo̧mȩ ihue'quiyunä kä̧mä̧dö̧, ö'ä rȩjȩ becuächönä ja̧rȩyu̧nu̧ pä'i'inödo, adihua'a päa'attö. Ja̧u̧mä̧ Samaria rȩjȩ ttö̧ja̧ i̧sa̧ pi̧nö̧do.

San Lucas 17:16 ပူးပေါင်းရင်းမြစ်များ

San Mateo 10:5

Jesú-mä̧, pitü doce-nü̧ wotürü pa̧'a̧nü̧ ji'äu we'inü̧: Judío pokotü ttu̧mä̧nä̧nä̧mä̧ kui̧'chä̧tu̧kuä̧ ja̧'wa̧ta̧nü̧ Samaria ttü̧ja̧ ttidepiyunä̧mä̧ dokuächätukuä;

San Mateo 2:11

Isodenä̧ dottächi'omȩnä̧, ji̧'chi̧cha̧wa̧ ja̧ju̧ María-ku ü̧ja̧'a̧ topinä̧tü̧; topümä̧ ttiwe'kiyunä̧ pä̧mä̧dü̧ ttu̧ru̧wa̧ jü̧nä̧ ttesewinä̧ku̧; esewäjä'kotümä̧, ttiäre Pärätä ȩko̧ka̧, ba'epo'ü mippoünä̧ ttiyinä̧ku̧ oro'i̧nä̧, incienso'i̧nä̧, mirra'i̧nä̧ jü̧nä̧.

San Marcos 5:33

Ja̧'wa̧nü̧ ji̧yä̧kua̧ na̧'ä̧chä̧jä̧ju̧mä̧ rü̧ȩnä̧ ye'ü tti̧'ä̧u̧ kkä̧nü̧, jua̧u̧ 'kuäopäjimä̧ kku̧wo̧jua̧'a̧ttü̧ 'chä̧wi̧'ü̧, jua̧u̧ ä'ka jo̧mȩ kkiwe'kiyunä̧ pä̧mä̧dü̧ o'kajuiyünä̧ jueünä̧ jijäwinä̧ku̧.

San Lucas 17:17

Jesú-mä̧ jua̧u̧ru̧ pä'inü̧: —¿Pȩji̧pä̧jä̧tü̧mä̧ to̧mü̧rȩ ruwä jo̧mȩnä̧ jo̧ka̧'a̧ pädäjä'ä? ¿To tti̧'chä̧ja̧'a̧jä̧ttü̧, kkorotü nueve-nü wotümä̧?

San Lucas 5:8

Ja̧'wa̧nü̧ ja̧'a̧ topü Simón Peduru-mä̧, Jesú ä'ka jo̧mȩ iwe'kiyunä̧ pä̧mä̧dü̧nü̧ pä'inü̧: —¡Chu̧ru̧wa̧, ttüttümä̧ 'kȩ'i̧pä̧chi̧. Ttümä̧ surojütä jȩä̧kuä̧wä̧ i̧sa̧sä̧!

San Juan 4:9

Ja̧'wa̧nü̧ päkua, kkädätinä̧ku̧: —¿Tta̧'a̧nü̧ pä'ü, ukumä̧ judío i̧sa̧ kua'anä̧, ttü samaria isajurumä̧ ajiya kuawa pä'ü jäkuepäkuasättü̧? (Judío-mä̧, Samaria ttü̧ja̧ku̧mä̧ esekuokotü ja̧'a̧ ji̧na̧'a̧).

San Juan 5:23

Jua'amä̧ o'katoi'ünä̧, Jä'orü ukuotü tteseuta'anü̧, I̧tti̧rü̧'i̧nä̧ ukuotü ttesewiyarü pä'ü. I̧tti̧rü̧ ukuotü esewokümä̧, Chutä Jä'o we'inü̧rü̧'i̧nä̧ ukuotü esewokü.

San Juan 8:48

Ja̧'wa̧nü̧ pä̧i̧yä̧u̧ judío-mä̧ pättinä̧ku̧: —Ja̧'wa̧nü̧ ji̧yä̧u̧, ujutumä̧, ukurumä̧ Samaria ttü̧ja̧sa̧jä̧, epíritu su̧ro̧pa̧ ü̧jä̧ku̧ pätäkujä̧.

Hechos 1:8

Ja̧'wa̧nü̧ ja̧'a̧nä̧, Epíritu Sa̧tu̧ ukutunä̧ ichi'ü ü̧jä̧mä̧do̧mȩnä̧mä̧, kujurutuku kuȩmä̧kuo̧tü̧jä̧; jua'amä̧, Jerusarȩ́-nä̧'i̧nä̧, Judea rȩjȩnä̧'i̧nä̧, Samaria-nä̧'i̧nä̧ ja̧'wa̧ta̧nü̧ pi̧jä̧ beipomȩbü päi'ünä̧ 'chä̧nü̧ ttürü 'kuäopa'a to'kuinä̧tu̧ku̧ jikuäwätukua pä'ü.

1 Corintios 14:25

Yä̧wä̧i̧nä̧ a̧mi̧so'kinä̧ ȩnä̧rä̧'i̧jü̧mä̧ i̧jȩkuä̧chä̧kua̧'a̧, ja̧'wa̧nü̧ jo̧mȩnä̧ Dio-rü iwe'kiyunä̧ pä̧mä̧dü̧ esewä̧kua̧, isopäi'ünä̧ Dio-mä̧ ukututä ku̧'kä̧tȩtu̧ku̧nä̧ kkü̧ ja̧'a̧ pä'ü.

Apocalipsis 19:10

Á̧gȩ-rü̧ ä'ka jo̧mȩ chiwe'kiyunä̧ pä̧mä̧dü̧, chesewarü pä'ü jȩchä̧ku̧ päinä̧ku̧sä̧: Ja̧'wa̧nü̧mä̧ jȩ'kuä̧, ttü'i̧nä̧ ukuta'a̧nü̧ u̧mü̧wä̧ya̧sä̧, ku̧jä̧wa̧tü̧ Jesú jiäwinü̧nä̧ ukuotü kka̧kuä̧tü̧ jü̧ta̧'a̧nü̧ Dio u̧mü̧wä̧ya̧sä̧, Dio-rütä esewi. Isopäi'ünä̧ Jesú wo̧juȩtü̧ jiäwinü̧tä̧ ja̧'a̧ profeta wotürü yaboku tti̧'chü̧nä̧ jȩü̧mä̧.

Apocalipsis 4:10

Veintikuatro-nü̧ wotü a̧ci̧a̧nu̧tu̧mä̧, ruwo deäkänä̧ pü̧rü̧, mo̧ro̧ kki̧ä̧mü̧nä̧ kkü̧rü̧ ttiwe'kiyunä̧ pȩjä̧mä̧kuä̧u̧ esewinä̧tü̧, ttünä̧ kka̧ku̧ püttäwä corona pättü'i̧nä̧, uruwo deäkä ä'ka jo̧mȩ iku pä'inä̧tü̧:

Apocalipsis 5:14

Pättomȩnä̧, pa̧ja̧kuä̧nü̧ wotü a̧'kua̧rä̧tü̧mä̧ pä'inä̧tü̧: «Amȩ́»; ja̧'wa̧ta̧nü̧ veintikuatro a̧ci̧a̧nu̧tu̧mä̧ ttiwe'kiyunä̧ kka̧kuä̧mü̧ ttesewinä̧ku̧.