San Lucas 16:8 - Nuevo Testamento Uwotjüja

⁸ Ja̧'wa̧nü̧ ja̧'a̧ttü̧, suronä̧mä̧ jȩä̧'i̧ja̧'a̧nä̧ ja̧'wa̧nü̧ jȩä̧ji̧yä̧ku̧ u̧ru̧wa̧mä̧ rü̧ȩnä̧ esewinä̧ku̧. Isopäi'ünä̧ pi̧jä̧ jäwä i̧tti̧mü̧mä̧, jitütä ttaditäwä jo̧mȩnä̧mä̧, tȩya̧u̧ i̧tti̧mü̧ttü̧'i̧nä̧ abonä̧nü̧ ttawaruwärümä̧ adiwa'a, 'kua̧rü̧nä̧ jȩpä̧tü̧.

TÄ̧DO Ä̧CUÄ̧ I̧HUȨNȨ

⁸ Järe ru̧hua̧ huo̧juä̧chi̧'i̧nö̧do ippeyä ru̧hua̧ jȩpö̧ jȩä̧ji̧, huo̧ju̧nä̧ jȩpi̧nö̧ juhua'amä, pä'ö. Iso päi'önä tȩa̧u̧ ttö̧ja̧ttö̧'i̧nä̧ abonänö huo̧juä̧chi̧'ö̧nä̧ jȩpä̧tö̧ pi̧jä̧ ttö̧ja̧ ka̧ra̧ ka̧ra̧nö̧rö̧.

San Lucas 16:8 ပူးပေါင်းရင်းမြစ်များ

San Mateo 12:32

Ja̧'wa̧ta̧nü̧ yotüte Dio I̧tti̧rü̧ suronä̧ pättüttümä̧ surojü jȩpü̧ ikuäwäkuotü ttäkuotü; ja̧'wa̧nü̧ ja̧'a̧nä̧ Epíritu Sa̧tu̧rü̧ suronä̧ pä'ätürümä̧, surojü jȩpü̧ ikuäwokotü ttäkuotü jitä pä̧nä̧'i̧nä̧, yodoji mo̧ro̧'i̧nä̧, jü̧nä̧.

San Mateo 17:26

Peduru-mä̧, ädätinä̧ku̧: —Tti̧tti̧mü̧ wokotürütä. Päomȩnä̧ Jesú-mä̧, päinä̧ku̧: —Ja̧'wa̧nü̧tä̧ ja̧'a̧, iweye tti̧tti̧mü̧rü̧mä̧ jä'epokotü.

San Lucas 16:10

A̧'u̧ku̧nä̧tä̧ ja̧ pä'ü'i̧nä̧, adiu tta̧'ä̧rü̧mä̧, rü̧ȩnä̧ jo̧mȩnä̧'i̧nä̧ adiu tta̧'ä̧rü̧; ja̧'wa̧ta̧nü̧ a̧'u̧ku̧nä̧tä̧ jo̧mȩnä̧ adiu tta̧'ä̧ro̧kü̧mä̧, rü̧ȩnä̧ jo̧mȩnä̧'i̧nä̧ adiu tta̧'ä̧ro̧kü̧ jä̧kua̧.

San Lucas 16:4

Ye, täkü wo̧jui̧'ü̧sä̧, chaditäwättü rä'epü iku o'ka'a, ttojusodenä̧ dottädattü pä'ü jȩchä̧kuȩmä̧.

San Lucas 16:7

Juȩnȩ o'komȩnä̧, kka̧ra̧rü̧ pä'inü̧: ¿ukumä̧ttü̧, tta̧'a̧nü̧ rü̧ȩnä̧tä̧ kuimippotärüttü̧? jäepäku ädätinä̧ku̧: Trigo ȩkü̧ sakuyumä̧, ciȩnü̧ jo̧mȩnä̧. Ja̧já̧ Kuimi̧ppotümä̧, pȩnȩtä̧, jua̧u̧nu̧mä̧, jitämä̧ ochenta-nü̧tä̧ wȩyu̧tu̧ rüti.

San Lucas 18:6

ja̧'wa̧ta̧nü̧ Jesú-mä̧ päinä̧u̧: Adiu ä̧ju̧kuä̧tu̧kui̧, su̧ro̧pa̧ juez pättäku päinü̧mä̧.

San Lucas 20:34

Pättiyäku Jesú-mä̧ ädätinä̧u̧: —Pi̧jä̧nä̧ ttü̧ja̧mä̧ ttirekuarü ȩmü̧ ü'käu kka̧kuä̧wä̧tü̧.

San Lucas 20:35

Ja̧'wa̧nü̧ ja̧'a̧nä̧, jitü wa'arettü ttoächäkuäwänä̧'i̧nä̧, ji̧yȩnü̧ mo̧ro̧ kkä̧kuä̧wä̧kuȩ'i̧nä̧ po̧kui̧pä̧tü̧mä̧, ubo ja̧ pä'ü'i̧nä̧, isaju ja̧ pä'ü'i̧nä̧, täkü ttirekuarümä̧ ȩmä̧wo̧ko̧tü̧ ttäkuotü.

San Juan 12:36

Tȩya̧u̧nä̧ esetätukui, ji̧nä̧ tȩya̧u̧ ku̧ju̧nä̧rä̧tu̧kuä̧i̧tä̧, jua̧u̧ tȩya̧u̧ i̧tti̧mü̧ kuätukuäkua'anü̧. Pi̧yȩ pä'ü kä'ädi'ipütä, Jesú-mä̧ rä'opächü, juätürü dajawächinü̧.

1 Corintios 3:18

Kua̧mü̧nä̧ pa̧ja̧tü̧mä̧ kuyapareäkuäwätukuä: pi̧jä̧nä̧ttü̧ ya̧tȩ wo̧juä̧wä̧ wȩnȩ u̧ju̧nä̧rü̧ttü̧mä̧, wo̧juo̧kü̧ 'kua̧rü̧nä̧ kkä̧wi̧, isopäi'ünä̧ wo̧juä̧wä̧ wȩnȩ ku̧ju̧nä̧rä̧kua̧'a̧nü̧.

Efesios 5:8

isopäi'ünä̧ ji̧yȩnü̧ mo̧ro̧mä̧ yo̧ü̧nä̧ kka̧kui̧nä̧tü̧jä̧, ja̧'wa̧nü̧ ja̧'a̧nä̧ jitämä̧, Tu̧ru̧wa̧nä̧mä̧ tȩya̧u̧ wotüjä̧; ja̧'wa̧nü̧ ja̧'a̧ttü̧ tȩya̧u̧ i̧tti̧mü̧ jü̧nä̧ kka̧kuä̧tu̧kui̧.

Filipenses 3:19

Juätümä̧ totte'ächäkuotü, ttü'käbiyutä ttü̧ä̧nä̧wa̧ jü̧nä̧ kka̧kuä̧tü̧, dä'ä rü̧jü̧ jäwätä ukuo te'äkuäwätü. Suro, pi̧jä̧ jäwätä amükuädü jȩpä̧tü̧.

1 Tesalonicenses 5:5

Isopäi'ünä̧ ukutumä̧ o'katoi'ünä̧ tȩya̧u̧, mo̧ro̧ jäwä i̧tti̧mü̧jä̧; yodomä̧, yo̧ü̧mä̧ i̧tti̧mü̧mä̧kü̧jä̧.

1 Pedro 2:9

Ja̧'wa̧nü̧ ja̧'a̧nä̧ ukutumä̧ ya̧tȩ i̧tti̧mü̧ jü̧nä̧ ü'ojo'inä̧u̧jä̧, ru̧wa̧ Rey-rü ppädärä̧kuä̧wä̧ i̧sa̧ sacerdote jü̧nä̧'i̧nä̧, pi̧jä̧ ruwäkuiyä ttü̧ja̧ surojü jui'ätü jü̧nä̧'i̧nä̧, Dio aditäwä adiwäjuei jikuäwätukua pä'ü, yo̧mȩttü̧ rä'epü iku i̧tȩya̧u̧ra̧'a̧ku̧ wopinü̧rü̧.

1 Juan 3:10

Pa̧'a̧nü̧ jo̧mȩttü̧ Dio i̧tti̧mü̧rü̧'i̧nä̧, äwettä i̧tti̧mü̧rü̧'i̧nä̧ wo̧juä̧wa̧'a̧: o'katoi'ünä̧ adiwä juei Dio jäwä jȩpo̧ko̧tü̧mä̧, Dio i̧tti̧mü̧mä̧kü̧. Ja̧'wa̧ta̧nü̧ ttü̧jä̧wa̧tü̧rü̧ repe'okotü'i̧nä̧, Dio i̧tti̧mü̧mä̧kü̧.