San Lucas 16:24 - Nuevo Testamento Uwotjüja

²⁴ Ja̧'wa̧nü̧ topü pä̧i̧ku̧nä̧ wopinü̧; ¡chä'o Abraha̧, rȩrü̧jü̧ topittü! Rázaru-rü we'i, üdo'chenä̧ ajiya ta'epi'ü, chi̧nȩnä̧ dawepächattü, tti pädi'ünä̧; parä okurättü kuo'ü rü̧ȩnä̧ usurä ȩmä̧u̧sä̧.

TÄ̧DO Ä̧CUÄ̧ I̧HUȨNȨ

²⁴ Ja̧'hua̧nö̧ ja̧'a̧ huopinödo: “Chä'o Abraham, re rö̧jö̧nä̧ topittö. Lázarorö hue'i ajiyanä ji̧'qui̧cha̧nö̧ ödo'che ta'epö chi̧nȩnä̧ ttinänö päi'önä tahuepattö. Rö̧ȩnä̧ ubara ttu'usä pottö ocurära̧'a̧ttö̧.”

San Lucas 16:24 ပူးပေါင်းရင်းမြစ်များ

San Mateo 25:41

Jua̧u̧nü̧ o'ka'a Ru̧wa̧ Rey-mä̧ ü'owekunä̧ kka̧kuä̧tü̧rü̧ pä̧kua̧: Suropätümä̧, ttüttümä̧ 'kȩ'i̧pä̧chä̧tu̧kui̧; okurä na̧wi̧pokorära̧'a̧, äwettä umüwäyotü á̧gȩrȩ-ku̧ ttä̧tȩkuarä päi'ünä̧ jȩpü̧ kku̧nä̧warära̧'a̧tä̧ tätukui.

San Mateo 3:9

Ja̧'wa̧ta̧nü̧ kua̧mü̧nä̧tu̧ku̧mä̧: Ujutumä̧ Abraha̧ i̧tti̧mü̧ isotüjä̧, pä'ümä̧ kuamükuädätukuä; isopäi'ünä̧ pädäu̧jä̧: Dio-mä̧ po'ki ido'kittü'i̧nä̧, Abraha̧ i̧tti̧mü̧rü̧mä̧ rä'epü u̧ju̧nu̧'a̧nü̧ ja̧'a̧.

San Mateo 5:22

Ja̧'wa̧nü̧ ji̧na̧'a̧nä̧ ttümä̧ ukuturu pä'üsä, ya̧tȩ ü̧jä̧wa̧rü̧ ü̧ra̧wä̧rü̧ttü̧mä̧, weäwä wȩnȩnä̧tä̧ ro̧ȩkui̧'ä̧kua̧, jü̧nä̧. Ja̧'wa̧ta̧nü̧ ü̧jä̧wa̧rü̧ ttu̧'ȩpä̧ro̧kü̧jä̧ päüttümä̧ ukuo isotü ttä'ka jo̧mȩ ȩkuä̧kua̧ tä̧bo̧kui̧'a̧rü̧ pä'ü; ja̧'wa̧ta̧nü̧ ü̧jä̧wa̧rü̧ «Kuamükuädü jui̧'a̧jä̧» päüttümä̧ okurä na̧wi̧po̧karänä̧ usurä ȩmä̧wa̧ pä'ütä, pä̧wi̧'ä̧kua̧.

San Lucas 16:30

Ädätäkumä̧ pä'inü̧: Jua̧'a̧nü̧mä̧kü̧, chä'o abraha̧, wa'inä̧tü̧ttü̧ ji'äu tti̧'chü̧ttü̧tä̧ ttesetäkuotü.

San Lucas 19:9

Jesú-mä̧ päinä̧ku̧: —Jitä mo̧ro̧, podenä̧ ra̧wä̧pi̧jü̧ttü̧ kki̧'i̧kuä̧ wȩnȩ rȩbȩä̧kuä̧wa̧'a̧. Isopäi'ünä̧ pide'i̧nä̧ Abraha̧ isotü i̧sa̧ ja̧'a̧ttü̧.

San Lucas 3:8

Isopäi'ünä̧ surojü käkuädi'ätukua'attü ttü̧ja̧ tottünä̧ i̧jȩkuä̧tu̧kui̧, kua̧'kua̧tu̧ku̧ jakuänä̧: «Ujutumä̧ Abraha̧ i̧tti̧mü̧jä̧» pä'ümä̧ kuamükuädätukuä. Isopäi'ünä̧tä̧ pädäu̧jä̧, Dio-mä̧ pidü inäduttü'i̧nä̧ Abraha̧ i̧tti̧mü̧rü̧mä̧ rä'epü u̧ju̧nu̧'a̧nü̧ ja̧'a̧.

San Juan 4:10

Päjiyäku, Jesú-mä̧ ädätinä̧kua̧: —Isopäi'ünä̧, Dio rettü iyü'i̧nä̧ ja̧'wa̧ta̧nü̧ ukuru, ajiya chawa iyittü pä'ürü'i̧nä̧ ku̧wo̧juö̧ttü̧mä̧, ukutätä jua̧u̧ru̧ jä'epajajujä̧, jäkuepäkumä̧ ajiya a̧'kua̧rü̧ kkoya iyakuajä̧,

San Juan 4:14

Ja̧'wa̧nü̧ ja̧'a̧nä̧, ttü chiyoyattü awätümä̧, yorisotä ttawa a̧di̧ri̧jo̧ko̧u̧ ttäkuotü; pärokua'aku ttü chiyoya ajiyamä̧, jitünä̧tä̧ rȩjȩ jakuättü räopoya jä̧'i̧jü̧'a̧nü̧ jä̧kuä̧u̧, kkä̧kuä̧wä̧ i'kora̧'a̧ku̧tä̧ ȩpa̧'a̧ttü̧.

San Juan 7:37

Ukuo mo̧ro̧, pä'käri rüjí kka̧'a̧, Jesú-mä̧ kkä̧mä̧dü̧ pä̧i̧ku̧nä̧ pä'inü̧: —Ya̧tȩ awa a̧di̧ri̧jü̧ttü̧mä̧, ttüku ichü ttüttü awi.

Romanos 4:12

Ja̧'wa̧ta̧nü̧ Abraha̧-mä̧ circuncisión jȩpä̧kuä̧wo̧tü̧'i̧nä̧ ttä'o ja̧'a̧nä̧, jua̧u̧ ji̧nü̧ta'anü̧ circuncisión jȩpä̧kuä̧wo̧ko̧tü̧ tta'anä̧ tta̧'kua̧ wȩnä̧rä̧tü̧mä̧ ttä'o ja̧'a̧.

2 Tesalonicenses 1:8

Ro̧ȩpa̧ pä'ü i̧chä̧kua̧, Dio-rü ttu̧wo̧jui̧pa̧ pä'okotürü, ja̧'wa̧ta̧nü̧ ukuotokotürü adiwäjuei wȩnȩ Tu̧ru̧wa̧ Jesucrito ütü'kü.

Santiago 2:13

Ja̧'wa̧ta̧nü̧ kkorotürü rȩrü̧jü̧nü̧ topokotü pä'ijätürümä̧, rȩrü̧jü̧ toäkuäwä juiyünä̧tä̧ ro̧ȩpä̧kuo̧tü̧, ja̧'wa̧nü̧ ja̧'a̧nä̧ rȩrü̧jü̧ toäkuäwä kku̧nä̧rä̧'i̧jä̧tü̧mä̧ Dio ro̧ȩpü̧ mo̧ro̧ adiu rä'opü tteseäkuäwäkuotü.

Santiago 3:6

Ja̧'wa̧ta̧nü̧ tti̧nȩmä̧ okurä ja̧'a̧. Pi̧jä̧ttü̧ surojü jȩttü̧mä̧ ujutu jättäpäyotünä̧ kka̧'a̧ ttü̧ja̧ o'katoi'ünä̧rü̧ bochäwächümä̧. Okurä na̧wi̧po̧korämä̧ ji̧yȩtä̧tä̧ rȩdȩkua̧'a̧ kuo'ü kka̧'a̧ ja̧'wa̧nü̧ jo̧mȩnä̧ tta̧'kua̧rü̧mä̧ o'kajuiyünä̧ du'unä̧ barawa'a.

Apocalipsis 19:20

I̧sa̧ büó betia-rü 'chu'ädümä̧, jua̧u̧tä̧ku̧ yo̧mȩtȩnä̧ profeta yapareu, jȩtto̧kü̧ juei jȩpü̧, i̧sa̧ büó weü rütä'chü kkä̧nü̧ ja̧'wa̧ta̧nü̧ a̧'kua̧juä̧ isä'kanä̧ ttiwe'kiyunä̧ pȩjä̧mü̧ tteseunä̧ jȩpi̧nü̧rü̧'i̧nä̧ 'chu'ädinä̧tü̧. Pitü ta̧ju̧mä̧ tta̧'kua̧ra̧'a̧nä̧ do'opü ikuinä̧u̧, okurä rü̧a̧ränä̧, azufre pättünä̧ kuoaränä̧.

Apocalipsis 20:15

Jua'atä do'opü ikuinä̧u̧, kkä̧kuä̧wä̧ kuyäru'tänä̧ tti̧mi̧ jui'ätürümä̧.

Apocalipsis 22:1

Jua̧u̧ jä̧ji̧ o'ka'a á̧gȩ-mä̧, aje adiwoto, kkä̧kuä̧wä̧ i'ko aje i̧jȩpi̧nä̧ku̧sä̧. Cristal pättü jä̧'i̧nü̧'a̧nü̧ säruwina̧'a̧, juoyamä̧ Dio'i̧nä̧, oweja mü̧ä̧ya̧'i̧nä̧ tti̧dȩä̧kä̧ttü̧ räopina̧'a̧.